الموضوع: ريموت نيسان صنى 2008

السلام عليكم ورحمة الله

ريموت العربيه الاصلى نيسان صنى 2008 باظ وعايز اشترى واحد جديد .

يا ريت لو حد يعرف مكان اشتريه منه غير التوكيل لانه غالى قوى على ما اعتقد . ااو ى حد قابلته المشكله دي وعرف يصلحة يقولى وجزاكم الله خيرا ز

مع العلم انى غيرت البطاريه بواحدة جديدة وفتحته ونظفتة ولا حياه لمن تنادى "ميت ميت"

باظ ازاى ؟ يعنى ايه اللى حصله بالضبط خلاه ميشتغلش؟

المشاركة الأصلية كتبت بواسطة land_cruiser

باظ ازاى ؟ يعنى ايه اللى حصله بالضبط خلاه ميشتغلش؟

بقاله فترة بيفتح بالعافيه يعنى بقعد اضغط جامد على ما يفتح وانا جنب العربيه .وبعدين بطل يفتح خالص فقمت مغير البطاريه بتاعته وبردو مش عايز يشتغل خالص .

المشاركة الأصلية كتبت بواسطة sehsss

ما فيش مكان بره التوكيل بيبيعه، الأفضل لحضرتك ركب جهاز إنذار محترم بريموتين أفضل ويفضل سباي 5000

مشكور جدا ...

بس تركيب الجهاز ده هياثر على مانع السرقة الى بيجى مع العربيه ويفصله ويشغل انزار بس ولا الاثنين هيشتغلوا فى نفس الوقت يعنى لو العربيه اتفتحت من اللوك او الشنطة او الكبوت من غير ريموت او مفتاح هتعمل سرينه وتفصل الكونتاك ولا لا ..

وجهاز سباي 5000 ده بكام وفين ..

وجزاك الله خيرا .

المشاركة الأصلية كتبت بواسطة ahmazong

حاول تعمل reset للعربية .. عن طريق إن حضرتك تشيل الجزء السالب بتاع السيارة لمدة دقيقة و بعد كده تحطه تاني ..

ريموت اشتغل يبقى خير و بركة .. مشتغلش تعمل زي ما sehsss ما قال لك ..

تقبل تحيااااااااااااااتي ..

هجرب كده واقولك .
مشكور جداااااااا .

المشاركة الأصلية كتبت بواسطة Ahmazong

حاول تعمل reset للعربية .. عن طريق إن حضرتك تشيل الجزء السالب بتاع السيارة لمدة دقيقة و بعد كده تحطه تاني ..

ريموت اشتغل يبقى خير و بركة .. مشتغلش تعمل زي ما sehsss ما قال لك ..

تقبل تحيااااااااااااااتي ..

ألف شكر ياباشا
أنا عملت Reset للعربيه والحمد لله الريموت اشتغل تانى واللحمد لله وبقى من اقل ضغطه بيشتغل بعد تنظيفه من الداخل وتغيير البطاريه.

طيب الحمد لله. هو صعب قوى يبوظ من الاستخدام العادى علشان كده كنت بسأل ايه اللى حصله