الموضوع: تكريم اعضاء قسم كيا لعام 2012-2011 ....شرفتونا

السلام عليكم ورحمة الله وبركاته

طبعا انا اليوم فى قمة سعادتى ان 7 من قسم كيا يتم اختيارهم للتكريم من قبل ادارة المنتدى وتقريبا ده اكبر عدد يتكرم ما بين الاقسام فى المنتدى وده يثبت ان القسم ولله الحمد يوجد به اعضاء نتشرف بهم فى اى مكان

دونزى
وتكريم افضل شخصية اجتماعية وبالفعل تعتبر من الشخصيات الجميلة
فى المنتدى ويعجبنى موضوعوتها وطريقة كتابتها
ومشاركتها المختلفة فى جميع اقسام المنتدى .....مبروك يا دونزى

محمد مصطفى ( mohat4ec )
تستحق وعن جدارة التكريم للعام الثانى على التوالى
بموضوعاتك الجميلة ومساعدتك للاعضاء وطرح الافكار الجديدة سواء فى التعديلات
او معرفة كل ما هو جديد بالنسبة للسيراتو ....مصطفى وشه حلو عليك يا محمد الحمد لله

محمد رشدى ( ls1090 )
مفاجاة قسم كيا لهذا العام بالنسبة لى اتعلم منه كل يوم معلومة
جديدة وظهر كالشمس الساطعة فى القسم بثقافته العالية فى عالم السيارات
ومساعدته للاعضاء فى كل المجالات والاجابة على اغلب الاسئلة
تحية من القلب واتمنى من الله ان تستمر معنا
واثق انه يوجد الكثير لديك لتقديمه لاخواتك فى بيتك هنا وجزاك
الله كل خير والف مبروك التكريم .

ياسر الصياد
صديقى واخويا وحبيبى وزى ما بقول دايما هو ابوتريكة قسم كيا الف
مبروك التكريم للعام الثانى على التوالى ومنتظر منك الكثير زى ما عودنا دايما
وربنا يوفقك فى حياتك بأذن الله

أ / خالد ( Khaled_Nowaihy )
اخى الاكبر ونجم الكارينز الاول من وقت نزول السيارة وهو معنا سواء بواسطة
رابطة كارينز او بموضوعه المميز جدا فى القسم
( تجميع اهم موضوعات كارينز )
لما طلبت منه عمل الموضوع لم يتأخر ومستمر فى تحديثه الى الان
ولا يتوانى عن الاجابة عن اى سؤال يطرح بخصوص السيارة ....
الف مليون مبروك التكريم ومنتظرين منك الكثير .

محمد ( الغزالى )
مينفعش يكون فى تكريم للاعضاء وميكنش فيه حد من السيفيا
الرابطة اللى رافعه رسنا كلنا بين الاقسام
والغزالى من الشخصيات المحببة ليا شخصية ودائم التواجد والرد على
كل الاسئلة وطرح موضوعات مفيدة .........
مبروك يا محمد على النجاح وعلى التكريم .

عصام ( HARD )
من وحوش السيفيا اتاخر كتير تكريمه ولكن لكل مجتهد نصيب
وهو من مؤسسى الرابطة اللى بفضلها قسم كيا من اعلى المشاهدات
والمشاركات فى المنتدى .... كل الشكر ليك
وعلى مجهودك المميز واتمنى ان تستمر كما عهدتنا
الف مليون مبروك على التكريم .

كل الشكر لهؤلاء الاعضاء الذين اثرو القسم بموضوعتهم المميزة وخدماتهم
لمدة سنة كاملة ( 2012-2011 )
وذلك لوجه الله تعالى وجزاهم الله كل خيرا عنا جميعا

اعضاء قسم كيا الكرام انتم جميعا تستحقون التكريم وكل الشكر
لكل عضو لا يبخل فى تقديم نصيحة او تجربة او مساعدة
يستفيد منها غيره شخصيا اعتبر ما افعله من تقديم مساعدة
لاى عضو هى صدقة جارية عن سيارتى واتمنى من الله ان يتقبلها .

كل الشكر لادارة نايل موتورز التى دائما تسعى للتميز بما تملكه من اعضاء محترمين
وبالتوفيق لنا جميعا ودائما فى الخير معا.