اعمل ايه مع "ساره" لعنه الله عليها ؟؟؟ اقابلها و لا ايه ؟؟؟
طبعا الجميع يتسائل مين ساره ؟ احب اقول للمتسائلين ان ساره شابه في منتصف الثلاثينات و كانت تعمل في مجلس اداره احدي المصانع في المنطقه الصناعيه خارج بورسعيد
يجي واحد تاني يسأل طب علاقتك بالموضوع ده ؟ احب اقوله ان لما كان عندي شركه الويب هوستنج قبل الثوره كنت مستضيف موقع المصنع عندي في الشركه و ساره هي اللي كانت بتابع معايا و الحمد لله رب العالمين الثوره قامت و الشركه اتقفلت و العربيه اتسرقت و الدنيا خربت و الحمد لله
يجي واحد تالت رخم و يسأل طالما قفلت الشركه ايه علاقتك بيها حاليا ؟ احب اقوله يا رخم انا علاقتي اتقطعت بيها من يوم 25 يناير بليل لانها كانت من الناس اللي فلقوا من البلد ساعتها و طبعا لان ليها جذور عبريه فلازم كانت تفلق من هنا قبل ما يحدث ما لا تحمد عقباه
يجي واحد رابع غتيت و يسأل طب بتحكلنا ليه القصه دي يا عم التقيل ؟ احب اقوله يا غتيت اني كنت قاعد فاضي فقمت فاتح ايميلاتي القديمه فاتلاقيت ايميل منها بتقول فيه انها جايه مصر الاسبوع الجاي فطبعا رديت اهلا و سهلا و تنوري البلد بتقل دم اهلك فقالتلي انها عايزه تقابلني عشان خاطر شغل قولتلها انا قفلت الشركه فقالتلي انا مش عايزاك في شغل ويب هوستنج اصلا و عايزه اقابلك ضروري فقولتها هشوف نظامي ايه و هرد عليك ( دي الترجمه )
المشكله هنا في حاجتين :
اولا : الوضع الامني المنحدر و انا شايل مسئوليه اهلي و كفايه عليا كده فمش ناقصه حوارات
ثانيا : عايزني انزلها القاهره و طبعا مفيش فلوس للرفاهيات حاليا لانها اكيد لازم تاخدلها يومين سياحه و تسوق
المشكله الكبري :
اني مش بستريحلها نفسيا و لا شكليا مع انها جميله فحت و يمكن ده السبب و الله اعلم ده غير تقل دمها غير الطبيعي و طبعا في عده اسئله بتدور في ذهني و ياريت تساعدوني اتلاقي اجابات
1- اشمعني افتكرتني بعد اكتر من سنه من قيام الثوره المجيده ؟
2- هي متعرفش ان ليا مجال تاني شغال فيه فايه نوعيه الشغل اللي عايزاني فيها ؟
3- نظرا لجذورها العبريه اللي تملي بتتفاخر بيها فشبهه الجاسوسيه مش بعيده صح ؟
انا كلمت شريكي السابق في الموضوع و قالي انا مليش فيه و هي متواصلتش معايا اصلا فمش عارف اعمل ايه بصراحه ؟ نفسي كنت ابعتها لعمر سليمان يديها زخروفين عشان تعترف :fdsa::fdsa::fdsa:
