رائحة زيت محروق بعد سرعة 120

**amrelsha3er** · 20-04-2012 06:23 PM

طمنا وقولنا اايه الاخبار والريحه دى من ايه وايه اللى تم معاك ياريت عشان الكل يستفاد وانشاء الله تتحل المشكله دى :)

**shakshak2011** · 22-04-2012 02:55 AM

يا شباب .. روحت فرع مسرح البالون النهارده .. و المهندس هناك قالى عايزه طقم دبرياج ب 2500 جنيه بالتركيب .. كل ده بسبب الريحه الى بتظهر على السرعات العاليه .. دلوقتى أنا عايز أتأكد إن المشكله من الدبرياج .. هل فيه حاجات معينه أعملها و أتأكد إن العيب من طقم الدبرياج ؟؟
العربيه لسه عامله 38000 كم .. ده تهريج

**D . a .\ AYMAN** · 22-04-2012 10:33 AM

طيب هل انت بتسمع فرق في صوت الموتور بين وانت دايس دبرياج أو وانت مش دايس - بمعنى آخر هل في صوت نحرة في صوت الموتور مثلا بيبان أو صوته بيتغير لما تشيل رجلك من على الدبرياج -

هل بتحس بصعوبة في النقلات مثلا عن الأول وبالذات الثاني أو المارشيدير

هل في فرق عام في رجلك في دواسة الدبرياج وبتحس انها مابتوصلش للآخر زي الأول

لو كل إجاباتك إنه مافيش فرق أعتقد يبقى كدة الدبرياج عندك كويس ومالوش لازمة أبدا يتلعب فيه خصوصا غن العربية لسة ماكملتش 40000 كيلو وبكدة يبقى بعيد شوية موضوع الدبرياج ده

إلا بالمناسبة هو كدة لو هايتغير هايبقى في الضمان ولا لأ ؟

ورأيي في الآخر إنك ممكن تروح كمان مرة للتوكيل بس اللى في الصحراوي المرة دي مش العجوزة وتجرب هايقولك إيه هناك

**shakshak2011** · 22-04-2012 11:58 AM

عزيزى دكتور أيمن .. ألف شكر يا غالى على ردك الكافى الوافى .. شوف يا صديقى أنا ممكن أقولك إنى مش بحس بأى حاجه من العوارض الى قلتها .. إلا عارض واحد بس .. إن دوسة الدبرياج ثقيله شويه .. بس أنا الصراحه مش قادر أحدد هيا كده من زمان و لا أنا الى مركز معاها زياده شويه .. كمان ساعات بتكون النقلات مش سلسه شويه .. بس ده أنا أتوقع إنه عادى فى كل بروتون علشان نقلاتها رياضيه و الحارات ضيقه .. أقصد الفرق بينها و بين الإلنترا مثلاً ..

أنا جربت إختبار إسطوانة الدبرياج .. وقفت بالعربيه .. و جبت الرابع .. و جيت أطلع بالعربيه .. بطلت منى .. الى عرفته إن لما أجيب الرابع و أطلع بالعربيه .. فتبطل .. ده معناه إن الإسطوانه سليمه .. كمان و أنا واقف دوست على الدبرياج أكثر من مره و ماحستش إن ال rpm إختلف ولا صوت الماتور إتغير.

دلوقتى انا تقريباً متأكد إن الموضوع مش طقم دبرياج .. لو صح الكلام ده .. يبقى بجد أنا هبهدل مهندس فرع البالون .. علشان يخلينى أدفع 2500 جنيه و فى الأخر ممكن مايكونش العيب من الإسطوانه .. عموماً أنا هوافيكم بالأخبار من عصام و صفا إن شاء الله

**shakshak2011** · 22-04-2012 12:04 PM

صحيح .. الدبرياج بره الضمان .. و ضمانه لحد 20000 كم فقط .. و كمان بيحددوا سوء إستخدام ولا عيب تصنيعى لما يفكوه .. أنا روحت الصحراوى بالمناسبه .. بس كنت متأخر .. و محدش شاف العربيه أو جربها .. كنت بقولهم الموضوع بس .. و قالولى برضه طقم دبرياج ..الوحيد الى كان ليه رأى مختلف هو المهندس سيد .. قالى محتاج أبص على السيور و كل حاجه فى الأول .. قبل ما ياخد قرار

**Raul_7** · 22-04-2012 03:24 PM

مش عارف أنا مستبعد طقم دبرياج ده, محصلتش قبل كده لحد أعتقد.

**shakshak2011** · 25-04-2012 03:20 PM

لسه ماروحتش عصام و صفا .. إن شاء الله رايح بكره ..بس أنا عملت كام حاجه كده اليومين الى فاتوا:
خليت أخويا يقعد فى العربيه و يدوس على الدبرياج .. علشان أنا كنت بسمع صوت الطقه ده من الكبوت .. المهم لقيت الصوت جاى من الجزء ده

ما هذا الجزء .. الجوان الى لونه أسود أنا فكيته علشان أتأكد من الزيت و كان مستواه جيد .. دلوقتى هل الجزء ده بيتفك يتشحم مثلاً و يرجع تانى ولا كده يبقى خربان ؟؟؟

شكراً