الف مبروك لأخي وصديقي الأستاذ فادي
والف مبروك للأستاذ خالد
تكريم نايل موتورز
عرض للطباعة
الف مبروك لأخي وصديقي الأستاذ فادي
والف مبروك للأستاذ خالد
تكريم نايل موتورز
مبرووووك اوى لفادى يستاهل والله أكتر من كده كمان:B4_388:
بس ليا سؤال
خالد أيمن يتكرم ليه :fdsa:ده سبب رئيسى فى ضياع سمعة الأوبل
ده خالد أيمن بقه اسمه معروف زى منصور كده
الناس بقي لما حد يفكر يشترى الفيكترا سى بيقولوا ابعد عن خالد أيمن بعد ما كانت ابعد عن منصور
ههههههههههههههههههههههههه ههه
:C_laugh[1]:
حبيبى يا خالد انا بهرج
انت عارف غلاوتك عندى
و ألف مبروك و عقبال كده لما تبقى منسق قسم الدايو و تريحنا :3mla:
الف مليون مبروك
الف مبروك التكريم
شكرا لزوقك يا باشمهندس محمد ومبروك عليك التكريم في قسم سيات
الف مبروك لاخونا ا احمد فهمي وحبيب هارتي خالد ايمن..
ملاحظه خالد معاه شهادتين واحده من قسم اوبل والتانيه من قسم سكودا
ربنا يجعل اعمالنا في ميزان حسناتنا وتكون صدقه جاريه من بعدنا
شكرا نايل موتورز .تحياتي
الف مبروك
و ياريتنى كنت معاهم
عملوها الرجاله
الله يبارك فيكو يا جماعه
بالنسبه لحسن سرى "قل اعوذ برب الفلق" انا عاارف انك مضايق عشان محدش كرمك هههههه
ألف مليون مبروك لرجالة الأوبل المحترمين
وان شاء الله من تفوق الى تفوق
وبصراحه التكريم ده حاجه بسيطه على المجهود الجبار اللى الجميع بيبذله هنا فى المنتدى الراقى ده اللى يشرفنى أنى أكون عضو فيه خالص تحياتى وألف مبروك
أخوكم/محمد كامل
انا أسف جدا للسهو وعدم كتابتي للأستاذ أحمد فهمي
http://img252.imageshack.us/img252/8670/resizelq.jpg
الف مبروك استاذ أحمد فهمي
وبالتوفيق ان شاء الله
والله المستعان
،
،
دى اقل حاجة للبشاوات
فعلا رجالة رجالة من الاخر
ربنا يوفقكم
انا والله ما اعرف حاجه عن موضوع التكريم ده !!
ألف ألف مبروك يا رجاله
وحقيقي فادي يستحق أكثر من تكريم
والى الامام يا كبير وبالتوفيق
الف مبروك لفادى و خالد و سيد و فهمى.
تستحقوها عن جدارة.
الف مبروك للاستاذ فادي وفعلا يستاهل اكتر من كده وده فعلا من الناس الكويسه جدا جدا فى المنتدى
والف مبروك للأستاذ خالد تكريم نايل موتورز
مبروووووووووووووك واتمنى لقسم اوبل التقدم دائما
الف الف مبروووووووووك تستحقوها فعلا
رجاله والله يا بختيهم
مبروك يا خالد وفادي والله تستاهلو اكتر من كدا بكتير
الف مبروك لاخويا فادى
انما خالد خدها عشان ايه :majd(4):
بهزر يعم
الف مبروووووووك:first:
شوف يا باشا ...
معلش كلامى ممكن يبقى طويل شويه ..اعذرنى ..
نتكلم فى الاول عن الفيكترا ...
نبدأ من برا ...صاج قوى جدا كعاده الالمانى ...شكل شايفه احلى شكل فى فئتها ...
من جوا افخم تابلوه فيهم من وجهه نظرى و افضل خامات بس الفرق فى الخامات و التقفيل بينها و بين الاوكتافيا مش كبير ..
التابلوه الوصول للزراير فيه سهل ..بس التعامل مع كمبيوتر العربيه معقد شويه ..(معلوماته كتير جدا لدرجه انه بيقولك درجه حراره سائل التبريد ..وفولت البطاريه ..وفى كام لتر بنزين فى العربيه بالظبط ...والسراعه كام بالظبط ومعدل ضخ البنزين ..واستلاهك الوقود ..ومتوسط السرعه و متوسط الاستهلاك ...ومعلومات تانيه كتيييييييير جدا جدا جدا ...الحاجات الاساسيه سهله ..زى درجه الحراره و الساعه و التاريخ والبنزين يمشيك كام كم ..دول سهلين الباقى معقد شويه ..بس مجرد ما تفهمه خلاص..)
الصالون واسع ما شاء الله و الكراسى مريحه جدا خصوصا الكنبه الخلفيه ...لكن الاوكتافيا اوسع ..بس مش اريح (انا بتكلم عل راحه قعده الكرسى مش الراحه فى المشى)
الكماليات الفيكتار اكتر و التكنولوجى عاليه جدا جدا جدا جدا ....حاجه زى المرسيدس و البى ام ...
ندخل بقى على الاداء ....
السحب :
طلعه الفيكترا تقيله جدا ...يعنى لحد سرعه 40 كده تتخنق "لو بتشد مع حد" انما لو ماشى طبيعى مفيش مشاكل ...بعد ال 40 ..تنفخ الاوكتافيا نفخ ...وغير الاوكتافيا عربيات كتير ..مش هقول انوعها عشان محدش يزعل ...
الثبات ...
ثبات اقل ما يقال عنه انه "خرافى" ...ملفات ..غرز واسعه او ضيقه ...على اى سرعه ..داخل مفرمل او مش مفرمل ..مفيش اى مشاكل نهائى ...
وثباتها عموما زى الاوكتافيا ..بس الفيكترا نقطه تفوقها الملحوظه ..فى المفات ...خلى بالك كلامى ده على سرعات فوق ال 160
المشكله الى عندى و الله اعلم ان كانت فرديه ولا لا ..عندى مشكله فى الباور و هى ان الدركسيون اى حاجه فى الارض تحركه يمين و شمال ...لو كبست بنزين يتحرك ..لو فرملت يتحرك ...كده يعنى و ده بيسبب لى مشكله لو خدت مطب هوا على سرعه عاليه فى ملف ...لازم امسك التاره كويس ...لو مسكتها كويس مفيش مشاكل ..لو سبتها العربيه بتعوم حاجه بسيطه ..برده كلامى فوق ال 160
الفرامل ...اقوى من الاوكتافيا ...
العفشه ...
بص الالمانى عموما ياخد المطب وميتهزش بعده ..يعنى ينزل النقره و يطلع و خلاص كده ...
عشان كده بنقول عليه ناشف ..
اليابانى بينزل و يطلع و يريح ...يعنى يتهزر خفيف كده لانه ناعم ...
الفيكترا بقى ..بتنزل النقره و تطلع بنشوفيه ..وتتهز كمان بنشوفيه ...(العفشه الاماميه ..الخلفيه مريحه جدا و ناعمه جدا)
فالعفشه الاماميه متعبه شويه و تميل الى الشقلبه فى المطبات ههههه
التكييف جباررررررررر انا كنت فى القاهره يوم التلات ...عملت الحراره 16 و شغلت التكييف على 7 ..بعد ربع ساعه عملت التكييف على 2 ..بعد نص ساعه ..رفعت الحراره ل 20 لانى فعلا سقعاااان ..
قطع الغيار ...
غير متوفره فى التوكيل ...صعب تلاقيها فى اى فرع ...وممكن متلاقيش خالص ...
برا التوكيل قليله و غاليه لانها اصلا غاليه فى التوكيل ..على سبيل المثال الفانوس الزينون فى التوكيل ب 7000 جنيه ...والمرايه العاديه ب 2300 جنيه
سعر اعاده البيع للفيكترا واقع ...
الفتيس الايزى ترونيك جربه و احكم بنفسك عشان ده مش بيعجب كل الناس ..عن نفسى معجب بيه جدا جدا جداااااااا
ده كده كان كلامى على الفيكترا ...
الاوكتافيا ..زى الفيكترا كده بالظبط بس ..
العفشه زى اى المانى ناشفه ...وصوتها عالى شويه
تكييفها كويس بس مش زى الفيكترا ...
سحبها مش تقيل ولا حاجه ...بس هى مش بتجرى لما تكبس للاخر ...عاوزه "مسايسه" ..وبرده بتعلم على عربيات كتيييييييير و بردو مش هقول انوعها عشان محدش يزعل...
قطع غيارها اكثر توافرا فى التوكيل ...وبرا مش كتير اوى ..بس موجوده ...مش صعبه يعنى
ملخص الكلام عيوب الفيكترا:
1- توكيل زباله
2-عفشه اماميه متعبه
3-قطع غيار غااااااليه و مش كتير ...
4-سحب ضعيف تحت سرعه 40
5-هوايات الكتييف ضعيفه و الريشه الى تحت خاااااالص بتتكسر بسهوله ...
6-اماكن التخزين فى الصالون قليله جدا ..على عكس الاوكتافيا
عيوب الاوكتافيا مقارنه بالفيكترا:
1-سحب اقل من الفيكترا ..فوق سرعه 40
2-تكييف اقل
3-كبوت العربيه صاجه ضعيف اوى
4-تكنولوجى اقل و كماليات اقل
5-فرامل اضعف من الفيكترا بس مش زى ما انت متخيل ..لالا فراملها كويسه جدا و ممتازه بس الفيكترا اقوى ...
6-الفيكترا اثبت فى الملفات
رأيى الشخصى لو هتجيب ..هات اوكتافيا ...
الفرق فى الاداء مش كبير ...
بس نقاط تفوق الاوكتافيا مفيده اكتر من نقاط تفوق الفيكترا ....
وارجع و اقول ..لو التوكيل بتاع الفيكترا كويس ..كان زمانى بقولك هات فيكترا
انا اسف لو كنت طولت عليك ...
لو كنت نست حاجه انا اسف ..لو عندك استفسار أأمر و انا تحت امرك
http://img219.imageshack.us/img219/9615/quote10.png
http://img221.imageshack.us/img221/3964/quote08.png
ايه ده خالد أيمن بيشكر فى الفتيس الأيزى ترونيك !!!!!!!!!!!!:majd(4):
لا لا لااااااااا لاااااااااا انا مش مصدق المشاركه ديه
خالد ايمن معجب بالفتيس الايزى ترونيك
ايه يا جماعه محدش اخد بالوا من الكلمه ديه ولا ايه
medo بجد شكرا جدا انك ورتنى المشاركه ديه
ما انا قلت كده برضه
ههههههههههههههههه
انا شايف اي عيب فى الفيكترا كعربيه اقل من عربيات كتير وفعلاً منصور له دور فى سوء سمعة العربيه بسبب قطع الغيار الغاليه بس فى خلال سنتين هتنسى القصه دى لأنها هتكون فى كل مكان المشكله...بالنسبه للفتيس يا جماعه للمره المليون مينفعش يتقارن بأى اوتوماتيك دى عربيه مانيوال من غير دبرياج ولا نقلات فمينفعش حد يسوق العربيه دى على اساس انها اوتوماتيك يبقى بيظلم نفسو والعربيه معاه مرة تانيه بمنتهى البساطه الايزى ترونيك عربيه مانيوال باسطوانه وديسك وبليه عادى جداً بس مفيش فيها دبرياج تدوس عليه ولا نقلان تعد تنقل طول وا انت سايق بس رجلك على دواسة البنزين زى المانيوال وبجد دى فكره عبقريه وانا ان شاء الله هعمل موضوع اشرح فى ميكانيزم التشغيل فرجاء اللى بيطلع يقول بتنتش وبترزع هو نفسو اللى راكب عربيه مانيول وبتسقف منو وتبطل وتنتش وهو بينقل بمنتهى البساطه.....والله المستعان ...
ملحوظه....رجاء عدم مقارنة اسعار قطع الغيار بالسكودا لأن دى عربيه تشيكى مش عارف الناس ليه بتعتبرها المانى وحتى المكون الالمانى فيها زى المتور مثلاً الفتيس لوحدو مستعمل بيعمل 18 الف جنيه تقريباً فلو هتقارن قارن بأسعار قطع غيار الجيتا والباسات والفوكس وانت تعرف ان ده عادى جداً
الف مبروك لصديقي العزيزالأستاذ فادي وفعلا تستاهل كل خير
والف مبروك للأستاذ خالد
تكريم نايل موتورز
الله يبارك فيكو يا جماعه
حسن سرى المشاركه دى كانت زمان :) هههههههههههه الوضع اختلف لا بصراحه يا حاج طقم الدبرياج عمل شغل و هتقلب بالعربيه قريب ههههههههههه
احمد فهمى حاول تشوفلى واسطه و امسك قسم المكن الصينى
كالعادة أنا جاى متأخر
ألف مليار مبروك ليك يا فادى أنت وخالد
ودايما للأمام ... والله تستحقوا أكتر من كده