الغير مباشرة
الاوفسايد
او ان حارس المرمي يمسك كورة راجعة من زميلة برجلة
او حارس مرمي يعدي الوقت المسموح ليه باحتفاظ الكرة في ايدة و هو 6 ثواني
المباشرة اي شيء غير كدة
عرض للطباعة
موضوع رائع ومفيد
متابع و هو فعلاً موضوع مفيد جداً
هههه موضوع هايل
لا عادي مش من العصر الحجري و لا الحاجة حضرتك بس مش متابع و بتسأل و دي مفيهاش حاجة مش زي بعض الناس اللي مبيعروفش و بيفتوا اللي ملوا البلد
طب ممكن اعرف
راس الحربة
صانع الاهداف
خط الوسط
راس الحربه : ده مهمته تسجيل الاهداف وايجاد الفرص لاحراز الاهداف ولازم يكون قوى ويعرف يسدد براسه وسريع ومهارى
صانع الاهداف تقصد ( صانع الالعاب) ده بيكون ورا المهاجم ولازم يكون شويط ويقدر يعمل كور طويله ويوجهها للمكان اللى هو عاوزه
خط الوسط : قسمين اطراف ووعمق
الاطراف بيكونوا على الجانبين ودول معاهم معاهم عليهم عليهم ياعنى فى الدفاع بيسندوا والهجوم بيساعدو
العمق بيكونوا غالبا اتنين منهم صانع الالعاب ودول بيكونوا حولين الدايره
( وطبعا فى شرح تفصيلى اكتر ممكن لو حد يقدر يفيدنا )
موضوع جميل ومفيد وشكراً لكل من سئل سؤال أو جاوب عليه
الفيزا الالكترون بتختلف عن الفيزا العادية انك في الالكترون بتسحب من رصيدك مباشرة ... بمعنى ان عندك رصيد يبقى الفيزا شغالة وبتخصم مباشرة من رصيدك
والفيزا العادية انت بتسحب كاقتراض وتكون ملزم بسداده في خلال 50 يوم بدون فوائد او بعد 50 يوم يتم احتساب فوائد..
ومن مصر متقدرش تشتري من على النت باي فيزا
في فيزا بتجيبها من راديو شاك وتحط فيها رصيد وتشتري بها..
تمام بس أحب أضيف شوية حاجات
المتعارف عليه فى مصر بأسم الفيزا هو عبارة عن كارت بيبقى فيه منه نوعين
نوع بيخصم مباشرة من حسابك..........لو معاك فلوس تكفى عملية الشراء كان بها......مش معاك يبقى ميلزمكش :)
نوع تانى عامل زى القرض كده.....البنك بيحدد لك مبلغ تقدر تشترى بيه و ليكن 3 ألاف جم
هتيجى تشترى حاجة ب 1000 مفيش مشكلة هيشتغل معاك
هتيجى تشترى حاجة ب 2001 بعد ال 1000 اللى فى الأول هيقولك منعرفكش.
من ساعة الشراء بيبقى عندك مدة محددة ترد فيها الفلوس اللى أنت أشتريت بيها......المدة دى بتتراوح ما بين 50 إلى 56 يوم حسب البنك............بعد إنقضاء المدة دى لو مكنتش سددت المبلغ بالكامل بيتم حساب فائدة شهرية عليك و نسبة الفائدة بتختلف من بنك للتانى.
و خللى بالك.........لو أتشريت حاجة ب 1000 و دفعت 999 و أتبقى عليك جنيه......هيتحسب فايدة على المبلغ بالكامل و تنزل مع الجنيه.....يعنى على سبيل المثل هيبقى عليك فى الشهر الجديد 11 جم بدل جنيه واحد...........الشهر اللى بعده لو مدفعتش ال 11 هتلاقيهم بقو 21 و هكذا.
و لو أنت ساحب 1000 جم و هتدفع على مراحل بيبقى ليك حد أدنى فى الدفع كل شهر.....و ليكن 50 جم........لو مدفعتش قبل ميعاد ال cycle الجديدة بيتحسب عليك فايدة و غرامة تأخير ممكن توصل ل 50 جم فى بعض البنوك.
الشركات اللى بتعمل الخدمة دى هما شركتين اللى منتشرين قوى.......فيه شركات تانية بس مش بنفس الإنتشار:
1- visa و ده الأسم المتعارف لكارت الإئتمان ( بتسحب من فلوس البنك مش من فلوسك )
و فيه كمان كارت تانى أسمه visa electron و ده كارت الخصم المباشر من الحساب
2-master card و master card electronic و دول نفس القصة بالظبط على الترتيب.
و طبعاً علشان الشراء بكارت منهم من على النت فيه مخاطر من ضمنها أن حد يعرف يوصل لبيانات الكارت و يستخدمها فى الشراء من على النت برضه علشان كده الكثير من البنوك عملت كروت تانية سواء ماستر أو فيزا لإستخدام النت بس
فرقها عن العادية هو فرق بسيط جداً........الفلوس اللى فيها تبقى على قد الحاجة اللى أنت عاوز تشتريها من على النت علشان لما تخلص عملية الشراء بتاعتك يبقى الكارت مفيهوش رصيد و بالتالى حتى لو أتسرق محدش هيستخدمه. ولو أنت عاوز تشترى حاجة تانية بعد كده بتزود رصيد فى الكارت.
معظم بنوك مصر ماشية بالطريقة دى دلوقتى فى موضوع النت........و قليل قوى لو كارت عادى أشتغل معاك على النت.