الموضوع: الزيوت ومواعيد تغييرها والسيارات

بيلفت انتبهاي دائماً الجدل حول نوع الزيت الملائم للعربية وميعاد تغييره.

انواع الزيوت المستخدمة في البيجو نوعين ، زيت ال 5 الاف كيلو وزيت الـ 10 الاف كيلو واي كان منهم ممكن يكون لآي شركة موبيل او شل او توتال.

الفرق بين الـ 5 الاف والـ 10 الاف ان الـ 5 الاف زيت فيه مواد طبيعية وبالتالي زيت ثقيل. اما زيت الـ 10 الاف كيلو فهو زيت صناعي 100% وبالتالي خفبف جداً.

من المشاكل اللي الواحد بيسمعها ان العاملين في محطاط البنزين يقولك ايه بقة؟ يقولك تغير الزيت عند 3 الاف وعند 7 الاف بدلاً من 5 الاف و 10 الاف تباعاً والحجة هي عشان تحافظ على الموتور. الحقيقة انه تغيير الزيت بدري عن ميعاده ما هو الا إهدار للفلوس وضمان بقشيش للعامل بمحطة البنزين على فترات اقرب.

ولكن يجب العلم انه صحيح انه ميعاد تغيير الزيت كل 5 الاف او 6 شهور ايهما اقرب! وكذلك زيت الـ 10 الاف كيلو او سنة ايهما اقرب !!

بالتالي لو حد بيركن عربيته كتير يبقى يحسب بالشهر مش بالكيلومتر.

من الأخطاء الشائعة جداً هي الخلط بين انواع الزيوت المستخدمة للسيارة على حسب الواحد عايز يعمل صيانة امتى ، نوع الزيت لا يحدده سوى تصميم العربية وليس ميعاد تغييره للحفاظ على المحرك.

أولاً لازم يبقى معروف كل عربية بتستخدم اي نوع زيت. الـ 405 بتاخد زيت الـ 5 الاف كيلو. الـ 206 ، 406 ، 207 ، 307 كل دول بياخده زيت الـ 10 الاف كيلو.

مينفعش بقه حد معاه 405 يقرر يحطلها زيت 10 الاف عشان معندوش وقت يغيره او عشان الإعلانات بتقول ان زيت موبيل وان بيحافظ على الموتور. ده لا يجوز بالمرة

ولا ينفع حد معاه 307 او 406 يقول ححطلاها زيت الـ 5 الاف وحكون حريص جداً على تغييره في الميعاد.

ليه بقه؟ تصميم السيارة بيحكم نوع الزيت من حيث ضغط طلمبة الزيت وقطر ومسار مجاري الزيت في البلوك ووش السلندر.

استخدام زيت الـ 10 للـ 405 يقصف عمر طلمبة الزيت لآنها بتضخ زيت خفيف عن اللي هي مصمماله فتلف كتير.

واستخدام زيت الـ 5 في الـ 406 برضه يقصف عمر طلمبة الزيت عشان بتعتل عشان تضخ زيت اتقل من اللي هيا مفروض تضخه وده يقلل من كميةو الزيت اللي رايحة وش لاساندر وكمان تسد الكستبانات اللي دورها كبس الصبابات لأسفل داخل غرفة الحريق فتبص تلاقي العربية الصبح تترج وتشتغل 3 سيلندر او حتى 2 لغاية متسخن العربية تنتظم.

كل دي مشاكل ممكن تفاديها بسهولة لو التزمنا بتغيير نوع الزيت الملائم للعربية في الميعاد المضبوط له.

أسفة بشدة على الإطالة