السلام عليكم
انا شاب اتخرجت من كلية الهندسة جامعة القاهرة
اول علاقتى بالزفت ده كانت فى رابعة بكالوريوس واحد صاحبى ادهونى قالى دانت حتقفل الامتحان (من عادتى اتعرف على المنهج قبل الامتحان بيومين )
واخدت ربع يانهار ابيض ياجدعان ايه الحلاوة ديه مش ممكن ايه الروعة هو فى كده
لا ده معايا علطول دا احنا لسه فى اول امتحان واستمرت عليه حوالى فترة الامتحانات حوالى شهر وكنت
وصلت لنص حباية فبعدت عن صاحبى بعد مخلصنا فبطلته عايز انام مش عارف وارق رهيب
وجع رهيب فى المفاصل اكتئاب ملوش حل بس كل العراض ديه راحت فى تالت يوم او تانى بس الاكتئاب كان مستمر معايا
عايز اضرب ابويا وامى المهم قولت لا كلمت صاحبى قالى لا يا معلم لتاخد عليه تشيلنى ذنب ياسلااااااااااااااااااام
يعنى انت كده تمام المهم اعت ادور على اى حد فكانت المصيبة اتعرفت على dealer لا انا عايز كذا كذا عينى بس كده اهوه
المهم استمرت عليه ربع حباية ولما جسمى ياخد على الجرعة ازود المهم وصلت لقرص ونص او قرصين
مرة الصبح ومرة باليل لمدة سنتين عايز تعرف الاعراض تعالى اقولك خسيت فوق 30 كيلو بدل علبة السجاير تلاته فى اليوم
هزلان و اعصابى باظت والله مش عارف امسك التليفون بايدى الشمال من كتر الارتعاش
عدم مبلاه باى شىء
كسل رهيب فوق الوصف ووالله ماقادر اجيب اكل علشان مندغش والله مكنت بقدر اكل سندوتش طعمية بالصلطة
كنت بجيب ب بطاطش مهروسة علشان اعرف اندغها انفصلت من الشغل ضيعت سنتين من عمرى بسبب الزفت ده
المهم قولت ياراااااااب من رحمت ربنا بيا واحد صاحبى جابلى رقم علاج الادمان ببلاش فى القصر العينى
فى نفس اليوم بالصدفة روحت قالى المهم قالى لا تجى بدرى المهم قولت ياد ادفع اقتصادى تمن شريط ونص يعنى (38جم)
المهم دخلت سالنى عن كل حاجة وبيعد يكلمك عن كل حاجة المهم نجى للعلاج لو حضرتك بتاخد قرص وربع او ونص حضرتك حتبطل فورى حتاخد ديباكين 200 ملغم و كيوتبكس 25 جم الاولانى بتاع الصرع والحالات العصبية 3 اقراص فى اليوم التانى علشان الاكتئاب قرصين فى اليوم

والبوفين 400 اذا لزم الامر المهم كنت مرعوب من الليلة ديه فكرتنى بالاولانية
قلت لما نص كان عامل فيا كده امال قرص ونص او قرصين حيعملوا فيا ايه المهم
بفضل لله خدت الديباكين 200 ملغ وقرصين كويتبكس 25 مج ونمت هو حضرتك مش حتنام خالص حتحس انك فى حاجة بتاكل فيك
شغلت سورة مريم وكنت بعيط مش قادر عايز انام ومش عارف لحد 7 الصبح المهم حتنام 2 او 3 او 4 ساعات وحتقوم زى الوحش
مش قادر تشرب السجاير تانى يوم نفس الكلام بس الاعراض اقلل اما بالنسبة التالت حتنام زى الانسان الطبيعى
الرابع الف مبروك الترامادول انسحب عايز تعرف الترامادول انسحب ولا لسه ؟ لما يجيلك الصداع شبه دائم معاك بسبب الديباكين والله واعلم كده الف مبروك بس على فكرة لو حضرتك بتاخد اكتر من قرصين فى اليوم فتقلل الجرعة اقرص ونص
اما بالنسبة للناس الى بترفع بالخمسة او الشريط فده بيتحجز فى المستشفى لحد مالترامادول ينسحب خلاصة الكلام عايز اقول حاجات مهمة جدا
1 - انا كتبلى على الادوية انا معنديش ضغط ولا سكر علشان الديباكين مش اى حد بياخده
2 - لو الشخص بياخد اكتر من قرص فمتحاولش انك تعزبه وتحبسة فى البيت علشان يبطل الرحمة الرحمة الرحمة لازم دكتور (لو حضرتك اب او اخ اكبر او ليك سلطان على اى حد )
3 -انا كتبلى على الادوية ديه وانا قللت لقرص ونص يعنى حضرتك ممكن تقلل لقرص ونص ويفضل طبيب
4- لو حضرتك بتاخد اكتر من قرصين ممكن تروح للدكتور ممكن يديك علاج اقوى من بتاعى
5- العلاج من الترامادول بيختلف من شخص لشخص على حسب الجرعة والمدة و ميعاد تعاطى الترامادول فى ناس بتاخده الصبح فى ناس بتاخده بليل بتبقى جايه تعبانة وعايزة ترتاح
6 - الادوبة دبه متاخدهاش الا اذا كانت حالتك مشابه لحالتى قرص ونص لمد سنة ونص او سنتين وتقريبا باليل معنديش ضغط ولا سكر
7 - الناس الى بتاخد علشان سرعة القذف وقرا كلامى وفاكر نفسه بياخد جرعات قليلة 3 مرات فى الشهر الترامادول فى كل مرة بتاخده اعمل حساب كبدك بيعمل تليف فى الكبد ولمل تبطله الحالة يتبقى اسواء من الاول وبيعملك صداع تانى يوم سم قاتل ابن-------------
8- العلاج من الترامادول سهل جدا وحتكتشف كده بنفسك بس عايزه عزيمة
9- لكل اباء والامهات او اى حد عايز يعرف اللي ادامه بياخد ترامادول
اول حاجة زغلله فى العين وسرحان فى وقت معين تلاقية بينشط نفسه
طريقة كلامه هبلة ويعمل حركات هبلة من اجل السخرية والهزار
الشخص العادى ممكن يشرب علبة سجاير واحدة فى اليوم اما الشخص المدمن ممكن بشرب تلات علب ومعظمهم اثناء فترة عمل الترامادول
مبياكلش حاجة اكله بسيط جدا بيخس بشكل ملحوظ سواد تحت العين و الاعصاب
نوم عميق بشدة
10 - لما تشوف حالتى متتريقش عليا قول الحمد لله الذي عافنى مما ابتلي به وابقى ادعيلى انت متعرفش انا قبل الترامادول كنت عامل ازاى

تم اصلاح الاخطاء الاملائية ودمج المشاركتين بمعرفتي
كريم منير