الموضوع: تقرير مفصل عن مولودة بروتون الجديدة......Proton Prevé

بسم الله الرحمن الرحيم...

أعلنت شركة بروتون رسميا عن أحدث سياراتها (بريفيي), و الإعلان الرسمي عن السيارة كان امبارح.



العربية هتكون 3 موديلات, متوفرة بفئتين من المواتير, و 3 فئات من ناقل الحركة.

النوع الأول والأهم هيكون الموتور الجديد كليا CFE و ده 1600 سي سي تيربو 138 حصان (عزم 205 nm) , بناقل حركة CVT سبع نقلات, تسارع 0-100 في 9.6 ثانية, وسرعة قصوي 190 كم.



النوع الثاني هيكون الموتور الكامبرو المعدل CamPro IAFM+ و ده 1600 سي سي 107 حصان (عزم 150 nm) , بناقل حركة CVT ست نقلات, تسارع 0-100 في 12.5 ثانية, وسرعة قصوي 170 كم.



النوع الثالث هيكون الموتور الكامبرو المعدل CamPro IAFM+ و ده 1600 سي سي 107 حصان (عزم 150 nm) , بناقل حركة مانيوال خمس نقلات, تسارع 0-100 في 12 ثانية, وسرعة قصوي 180 كم.



من ناحية الحجم, العربية طولها 4,543 مم, وعرضها 1,786 مم, وارتفاعها عن الأرض 15.5 مم, وللعلم العربية حجمها أكبر من البيرسونا والواجا و عربيات تانية من نفس الفئة.

سعة شنطة العربية 508 لتر, وسعة تنك البنزين 50 لتر.

وديه المواصفات الكاملة للعربية.



نظام التعليق الأمامي مكفيرسون والخلفي مالتي لينك, التلات عربيات بينزلوا بجنط 16 وكاوتش 205/55 من نوع GT Radial.



نيجي للكاميليات, العربية بتنزل بفوجات امامية وخلفية, Follow Me Home Lights, خاصية التحكم في ارتفاع كرسي السواق, ايموبلايزر, فوانيس امامية بعدسات وشريط LED, و كمان بتشمل ABS و ABD و 2 اير باج.

الموديل ال CFE الهاي لاين بيزيد عليه نظم brake assist and traction control و Electronic Stability Control (ESC), بالإضافة ل 2 اير باج جانبيين.

الموديل الهاي لاين برده بيكون فيه زرار Engine Start/Stop, مثبت سرعة, فوانيس امامية بتشتغل اوتوماتيك لما الدنيا تضلم, مساحات بسنسور مطر, تكييف بـاوتوماتيك climate control, سبويلر خلفي, و CDMP3 بخاصية Bluetooth ومدخل AUX/IPOD و شاشة GPS طتش.



يزيد على كده إن الدركسيون جلد, المرايات الجانبية بتقفل اوتوماتيك, paddle shifters في الدركسيون, مع خاصية التحكم في الكاسيت من خلال الدركسيون. (خاصية المالطي في جميع فئات السيارة.)

العربية مجهزة برده بنظام عرض بيانات SID, وده بيعرض حاجات زي استهلاك البنزين, عدد الكم المتبقي للتنك, عمر البطارية, النقلة, و حاجات تانية.



العربية مجهزة ايضا بخدمة 4G, On the move WiFi.

اسعار العربية في ماليزيا هتبقى 73 ألف رينجت للهاي لاين, 63 ألف للميديام CVT, و 60 ألف للمانيوال.



ضمان العربية 5 سنين أو 150,000 كم, وده حاجة أول مرة تعملها شركة بروتون.

طبعا العربية لم ينتج منها غير دركسيون يمين وبالتالي صعب ان احنا نتكلم عن امكانية إنها تيجي مصر قريب.

وده إعلان للعربية.

http://www.youtube.com/watch?v=cbCMdsDoopc&feature=player_embedded


في النهاية أنا قلت أعمل الموضوع ده بما إن القسم نايم خالص بقاله فترة, ارجو إنه يكون عجبكم.

ملحوظة: يرجى عدم نقل الموضوع لأي منتدى تاني بدون اذني.

تحياتي.