الموضوع: هفتح كار كير ومحتاج اخوانى يقفوا معايا

المشاركة الأصلية كتبت بواسطة حماده المصري

انا كنت فاتح كار كير وهقولك على الي فيها

قصه الكار كير دي مربحه بس هي الى حد ما مواسم ومحتاجه سمعه ف وحده بوحده الدنيا هتمشي معاك

العماله لازم تتوفر وهي عموما بتقرف في الاول لحد ما تتعود على قرفهم والمحل يمشي ف لازم يبقوا متزبطين لان الفلوس الي بتجيلهم من البنزينه كتيره ف لما يبقوا عندك بيتزبطوا في الاول وبعد كده الدنيا بتمشي ده غير ان المحل هيبقى تعاملوا انضف من البنزينه بالنسبه ليهم

متخليش حد في العمال يحتك بالزبون تحت اي ظرف ومتخليهوش يطلب تبس علني لان دي قله ادب

بتحتاج كوبرسور هوا و مكنه فوم ومكنه ميا ومكنسه بيسموها هوفر

اهم حاجه متجبس كومبرسور هوا صيني

في حاجه اسمها عده كار كير عباره عن شويه انابيب خراطيم متوصله بانابيب محطوط فيها مواد الكار كير والحاجات دي

طبعا بتحتاج بولش

اقوى وانضف شركه اسمها سونكس عندهم كل حاجه ورا مصر للطيران الي قدام وندرلاند عباس العقاد في مدينه نصر

هات من عندهم كل حاجه هما ممتازين ولو استغليت بعض الحاجات الي عندهم هات منظف الصالون ملوش حل يبقى شركن كبير وبيتخفف والاداء ممتاااااااااااااااااااااا ز وعندهم كل البولش الي انت عايزه خشن وناعم وتلميع وشمع بيتضاف مع الغسيل الخارجي بيعمل لمعان وعندهم الفوط والحركات دي كلها

والمكن بيتجاب من شارع الجمهوريه وبرضو هتلاقي عندهم شويه بوليشات التقليديده وهي برضو كويسه


حاول متكونش ماجر المحل او ماجره من حد كويس لانه الى حد ما مشروع مزعج ف ممكن يدايق صاحب المحل

عموما المحل ده بيترخص كراج سيارات

يافطتك مهمه جدا ولو في استكرات جوه المحل شغال

طبعا لازم تعمل صرف والصرف ده يكون متجه على بلاعه

السيراميك عادي مفيهوش مشكلله او البلاط


لو هتفور الارضيه وانت بتحط سيراميك تاني اعمل حاجه اسمها اوتوميل دي بتبقى ماده عازله للميا عن اثاثات العماره

لو مش هتفور السيراميك شغال وهتبقى تمسع الميا باتجاه الصرف

ربنا يكون في عونك ويوفقك ولو عزت اي حاجه قولي

استاذ حماده
بما انك كنت فاتح مغسله فسألك شويه اسئله و معلش هطول كتيييييير
1-ماكينه الميه كام بار
2-اسطوانه الفوم و الكمبروسور كام لتر
3-تقريبا تجهيز المحل من الداخل صرف و كده يتكلف كام و الحيطه بتبقى ايه و الارضيه
4-بالنسبه للضرائب تقريبا بتدفع كام
5-الغسيل الكيماوى منتشر و عليه الطلب ولا لا

معلش انا متأسف جدا من كتر الاسئله بس انت عارف الواحد عايز يبدا صح
انا نزلت شارع الجمهوريه و جمعت الاسعار كلها بس عايز اختار صح (ايطالى طبعا )

و الف الف شكرا

المشاركة الأصلية كتبت بواسطة zocor742

حضؤتك شكلك نويها بردو كار كير
انا لسة بقى بجمع معلومات الاول قب ما انزل ادور على المكن والعدة عشان ابقى فاهم انا بسئل على اية بالظبت
بالنسبة للعمالة انا بفكر انزل بـأعلان غى الوسيط مثلا والله مش عارف لسة
تجهيز المحل بالنسبالى تقدر تقول الاساس تمام واجهة رخام وامحل واخدت بالكامل بوية جير وسيراميك مش عارف بقة هبحتاج يتفور ويتركب حاجة خشنة ولا ليها صرفة
محتاج ليافطة نظيفة جرافيك وشوفت حاجات ليدات صايعة جدا
والله المستعان

انا برده زيك لسه بجمع معلومات
فنزلت اشوف المكن علشان احسب تكلفته و اعمل دراسه جدوى علشان كل حاجه تكون مظبوطه

و ربنا يوفقنا ان شاء الله

المشاركة الأصلية كتبت بواسطة حماده المصري

انا كنت فاتح كار كير وهقولك على الي فيها

قصه الكار كير دي مربحه بس هي الى حد ما مواسم ومحتاجه سمعه ف وحده بوحده الدنيا هتمشي معاك
طيب اية اللى خلاك تقفل لعل المانع خير

العماله لازم تتوفر وهي عموما بتقرف في الاول لحد ما تتعود على قرفهم والمحل يمشي ف لازم يبقوا متزبطين لان الفلوس الي بتجيلهم من البنزينه كتيره ف لما يبقوا عندك بيتزبطوا في الاول وبعد كده الدنيا بتمشي ده غير ان المحل هيبقى تعاملوا انضف من البنزينه بالنسبه ليهم
والله انا مش عارف ازاى هجمع العمالة بالظبت
على العموم هو اليومية بالنسبة للعامل كام

متخليش حد في العمال يحتك بالزبون تحت اي ظرف ومتخليهوش يطلب تبس علني لان دي قله ادب
اكيد هيبقى فية سستم واتفاق هنمشى علية مع العمال والزبون اللى بيحتاج حاجة العامل مفروض يوجهة للمسئول اتوماتيك اما بخصوص طلب التبس دى قلة زوق دة اول بند هيتحط للعايز يشتغل ورزقة بقى دة بتاع ربنا
لان اهم حاجة بتجزب الزبون المعاملة الكويسة وتريحة وتحسسة انك مش مخلية طالع ناقصة حاجة مع شوية هدايا فى الاول تشد الرجل

بتحتاج كوبرسور هوا و مكنه فوم ومكنه ميا ومكنسه بيسموها هوفر
اهم حاجه متجبس كومبرسور هوا صيني
تمام اوى فية انواع معينة اقدر اعتمد عاليها او اسامى شركات اتعاملت معاها نظيفة
طبعا هحاول ابعد عن الصينى بقدر المستطاع

في حاجه اسمها عده كار كير عباره عن شويه انابيب خراطيم متوصله بانابيب محطوط فيها مواد الكار كير والحاجات دي
بالنسبة للعدة دى بتبقى بديلة للكلام اللى فوق ولا دى بتاعت الكيماويات و الكلام دة انا تقريبا شوفت كار كير حاطط على جنب المخل على الحيطة مجموعة خراطيم الهوا اللى فى النقل التقيل اللى فى الكابينة بش القطر اكبر
هى دى فعلا العدة ولا انا غلط والعدة دى بتستخدم فية اية بالظبت او بمعنى اصح اية المواد اللى بتتطلع منها
طبعا بتحتاج بولش
اكيد بعد مشوار الادوات والعدد هحتاج اعرف افضل المنتجات اللى هشتغل فيها كا بوليش وواكس وملمعات
اقوى وانضف شركه اسمها سونكس عندهم كل حاجه ورا مصر للطيران الي قدام وندرلاند عباس العقاد في مدينه نصر

هات من عندهم كل حاجه هما ممتازين ولو استغليت بعض الحاجات الي عندهم هات منظف الصالون ملوش حل يبقى شركن كبير وبيتخفف والاداء ممتاااااااااااااااااااااا ز وعندهم كل البولش الي انت عايزه خشن وناعم وتلميع وشمع بيتضاف مع الغسيل الخارجي بيعمل لمعان وعندهم الفوط والحركات دي كلها
بالنسبة للشركة انا من الاسكندرية مش عارف هيكزن ليها فرع هنا ولا لأ لو كدة لو امكن تجبلى رقم تليفون الشركة وانا استفسر منهم ان كان ليهم فروع عندنا ولا لأ
والمكن بيتجاب من شارع الجمهوريه وبرضو هتلاقي عندهم شويه بوليشات التقليديده وهي برضو كويسه


حاول متكونش ماجر المحل او ماجره من حد كويس لانه الى حد ما مشروع مزعج ف ممكن يدايق صاحب المحل
لا متشغلش بالك بالموضوع دة المحل محلنا والسكان على علاقة طيبة بيهم بس اكيد هيطلع كام خازووووق كدة من اللى انت عارفهم
عموما المحل ده بيترخص كراج سيارات
تمام اوى
يافطتك مهمه جدا ولو في استكرات جوه المحل شغال
اساسى انت بتتكلم فى وجهة المحل عايزة يافطة معوجة حاجة محترمة شغل جرافيك والجديد بقى دلوقتى شغل ليدات زى بتاعت اشارارت المرور كدة وبتلعب بالليدات بس معتقدتش هتاكل مع المجال

طبعا لازم تعمل صرف والصرف ده يكون متجه على بلاعه
دة من اساس الاساسيات انا بفكر اعمل مصفى بطول المحل بحيث الميا ترمى عاليا والمصفى على العمومى
السيراميك عادي مفيهوش مشكلله او البلاط


لو هتفور الارضيه وانت بتحط سيراميك تاني اعمل حاجه اسمها اوتوميل دي بتبقى ماده عازله للميا عن اثاثات العماره

لو مش هتفور السيراميك شغال وهتبقى تمسع الميا باتجاه الصرف
الصراحة مش عارف هفور السيراميك ولا لأ خصوصا المحل مساحتة ماشاء الله وانا اولى بالفلوس دى فى المعدات
ربنا يكون في عونك ويوفقك ولو عزت اي حاجه قولي

الله يخليك ويديك على قد نيتك واكيد لو احتجت اى حاجة هتابع مع حضرتك
متشرفتش بأسم حضرتك
اخوك سامح محمد
من الاسكندرية
واعمل حسابك معزوم على الافتتاح ان شاء الله

ده تليفون و عنوان شركه سونكس
Pharaonic Trade

16 Dr Ahmed Mohamed Kamal St., Nasr City
Cairo
Egypt


Telephone: 002 02 22717097Fax: 002 02 26710267E-mail: ashraf.elphraony@pharaonictrade.comWebsite: www.pharaonictrade.com

Egypt :: Sales worldwide :: Company - SONAX - cleaning and polishing like a professional

المشاركة الأصلية كتبت بواسطة samooh2010

ده تليفون و عنوان شركه سونكس
pharaonic trade

16 dr ahmed mohamed kamal st., nasr city
cairo
egypt


telephone: 002 02 22717097fax: 002 02 26710267e-mail: ashraf.elphraony@pharaonictrade.comwebsite: www.pharaonictrade.com

egypt :: Sales worldwide :: Company - sonax - cleaning and polishing like a professional

شكرا على الروابط هدعبس فيها واشوف بس انا شايف كدة ملوش فروع برة القاهرة

المشاركة الأصلية كتبت بواسطة zocor742

شكرا على الروابط هدعبس فيها واشوف بس انا شايف كدة ملوش فروع برة القاهرة

اى خدمه يا باشا
على ما اعتقد مفيش فروع تانى بس الاحسن كلمهم و اسأل