الموضوع: فتيس البيتل

احبائى الاول انتو عاملين ايه
الفتيس بتاع العربيه بتاعتى بداء يفصل فالمارشدين بس لو قرصت عليه اصل انا بحب اجرى بضهرى المهم فيوم دخلت فشويه رمل فارض بتاعت واحد صحبى والعربيه غرزت غرزه تمام ومطلعتش الا لما جبت عربيه قلاب شدتنى طلعت الحمد لله بخير بس مبقتش بترضى ترجع ورا خالص موش بتقبل الغيار وبتعمل صوت زى ميكون ترس متاكل بيلف على الفاضى بس تمشى اول وتانى وتالت ورابع زى الفل بدون اى مشكله رحت طالع على الميكانيكى بتاع العربيه ورا حديقه بدر وقولتلو قالى الفتيس بيتغير ومبيتصلحش تمنو 800 جنيه بالاكسات عشان عربيتى 1300 وقالى ممكن نجيب فتيس 1303 تمنو 450 وهنعمل تعديل وهيركب ويبقى تمام انا بصراحه كنت مستحرم ارمى الفتيس بتاعى لانو مفهوش مشاكل خالص غير المشكله الى حصلت بعد الغرز المهم بعد مناهدات اقنعت الميكانيكى اننا نفك الفتيس وامرنا لله وربنا يسهل هيطلع فيه ترس بايظ هنغيرو قالى موش هتلاقى حاجه بتتباع خالص وفالاخر هتجيب فتيس جديد قولتلو فك انت بس وربنا يكرم اتفقت ماعه على المصنعيه واغريتو بالفلوس طبعا وبدا يفك الساعه 10 الصبح وخلص فك الفتيس حته حته الساعه تقريبا 1 الضهر وطلع فى ترس صغير الى هوا بيعشق المرشدين ده متاكل فعلا طبعا رحت الف عليه اول واحد بتاع قطه غيار استراد مفيش التانى مفيش رحت لواحد بتاع فتيسات اسمو مسعد لاسف مفيش المهم رحت اخيرا للحج يحيى راجل محترم جدا لقيت عندو كل التروس بتاعت الفتيسات فضل ينقى ويدور وطلعلى واحد جديد لانج انا بصراحه كنت حاطط فجيبى 150 جنيه للترس اكتر من كده جنيه موش هشتريه وطبعا الى هيقولى عليه موش هناقشو هديهولو وانا ساكت كام يا حج قالى 30 جنيه طبعا كانت صدمه مهوله اديتهوملو وجريت على الميكانيكى ركبنا وقفلنا الفتيس وميه ميه غيرت بالمره بلى العجل ورا الاتنين ب 50 جنيه وجبت قواعد ماتور تمنها 50 جنيه وكان فى كاوتش بتاع الاكسات ده بيمنع تسريب زيت الفتيس برضو 50 جنيه هههههههههه كان يوم الخمسين جنيه وقفلنا والنتيجه طلعت 100% الحمد لله الفتيس رجع تانى احسن من الاول وفرحت جدا انى مغيرتهوش احيانا الاصرار والرؤيه بتبقى افضل من الاستسلام للحلول الاسهل صرفت يومها 500 جنيه من اول مروحت لحد مروحت باكلى وشربى كمان والفتيس بقى تمام وغيرت بلى العجل وقواعد الماتور وكاوتش الاكسات والحمد لله .
تعيش البيتل احسن عربيه فالدنيا

المشاركة الأصلية كتبت بواسطة sharpvision

ممكن ياباشا عنوان الحاج يحيى بالتفصيل واكون شاكر جدااا , وحضرتك بتقول عنده كل انواع التروس فعلا ؟

والله لو حضرتك هسالك بالظبط او هفروح اعرف الشوارع بالظبط واقول لحضرتك لانى كنت رحتو بوصف موش فاكرو بالظبط بس هو عندو التروس وفى كمان مسعد بتاع الفتيسات عندو اى ترس تحتاجو