الموضوع: يوم واحد فى اسكندرية ..... ممكن ؟

بلاش يافندم.....هتتعبوا وتتبهدلوا جامد خصوصا لو مفيش عربيه...حتي بالعربيه الموضوع مرهق جدا

والله خدت الكلمة من على طرف لساني يا محمد
يعني سعر التذكرة ب٣٥ في اتنين ب ٧٠ جني ويروحو يتمشو ويتفسحو وياكلو سمك وايس كريم من عند عزة ويروحو ازاي باه يتشعبطو في الاتوبيس ولا ينطو فوق سقف القطر
انا من رأيي لو السوزوكي تستحمل وصحتها مساعداها خودها معاكم اهو من نفسها تشوف البحر وتشوف الاسكندرية ، وهتلاقي بفل واحد في الماروتي. يوديك ويفسحك ويرجعك وتبقى لسه مخلصتش نص التانك بسم الله مشاء الله
من الاماكن الجميلة في الاسكندرية روح بحري قلعة قايد باي في جنينة الحيونات بتاعت الاكندرية كمان لزيزة وانضف من بتاعت القاهرة محطة الرمل اطلع اتمشالك شوية. في جرين بلازا. واضربلك قرطاسين زلابسة ( لقمة القاضي ) على اتنين جلاتي مع بيتزا من عند بيتزا كوين الاسكندرنين شاطرين جداً في البيتزا واطعم من بتاعت القاهرة هتلاقي بيتزا كبيرة قد كده ب ٣٠ جنيه وعليها بيتزا هدية واجل السمك لمن ترجعو انشاء الله بالسلامة في اي وقت ابقى هتلك اتنين كيلو سمك من اي مطعم جمب بيتكم وصلى الله وبارك
برضو المنتزه لزيز جداً وفيه مناظر احنا محرومين منها في القاهرة

[color="rgb(72, 61, 139)"]ههههههههه تصدق برضو مخدتش بالي من الزلابسة دي هههههه قصدي زلابية ، احنا عن نفسنا بنسميها لقمة القاضي بس انتو الي غيرتو اسمها ،ههههه
واللهي عاوز انزل الاسكندرية يومين بس المشكلة. كل مالبواب يشوفني يجري عليا ويقلي فين فلوس اتحاد ملاك العمارة واصل احنا ركبنا باب حديد والاصانصير مش عارف عملنا فيه ايه والحمام عندكم بينقط علي تحتكم ياعم الحج ده الترشيح جي من الشقه الي فوقنا وبعدين هو انتا شايفنا طول السنة ساكنين فيها ، لمن كرهني اني اروحها
كل ما اروحها يبقى عاوز فلوس لمن كرهني اروحها خالص ، واقعد الف بالساعه والساعتين على حته اقف فيها ملقيش ولا حتى خرم ابرة ، بس انا صابر وبقول يارب افتكر البواب باه وخدو عندك وريحني منو الراجل من ايام عبدالناصر ولسه قاعد تحت البيت ههههههههه [/color]

المشاركة الأصلية كتبت بواسطة engtmk

ياعم لاتعب ولاحاجه انا كنت بخدها صد رد (بالعربيه) وكنت ببقي مستمع.

بس اعتقد اني اسافر بالقطار احسن من العربيه والله فكره حلوه وهاجرب اعملها الواحد يناملو طول القطر وينزل تاكسيات يا معلم ولا ركنه ولا تسال وتتوه.


ربنا يكرم قريب ان شاء الله واعملها . ومقترحاتكم هنا تفي بالغرض ليوم كسر ملل لذيذ بدل مولات القاهره اللي الناس فيها حفظتنا

ياخبر....ازاي لا تعب ولاحاجه ...دنا فاكر رحت يوم صد رد وقلت اقضي يوم وارجع وبالفعل رحت بالعربيه وجيت في الاخر تعبت جامد لاني فاكر اني قطعت اكتر من 500 كيلو بس ده كان في الصيف وكانت الدنيا زحمه