الموضوع: وقف انتاج اللادا الاسبوع القادم !!

المشاركة الأصلية كتبت بواسطة tutankhamoun

أنا ما شفتش دولة غنية فيها العربيات تكلفتها و ثمنها رخيص غير الخليج
في أوروبا العربيات ثمنها زي مصر (ما عدا المستعمل )
و لكن تكلفة ركوبه غالية جدا جدا جدا جدا بمعني كلمة جدا بالاضافة أن البنزين هناك مش مُدعم زي هنا و الضرائب ولعة و التأمين أجباري و بيختلف من سواق لسواق حسب سنه و تاريخ حوادثه و مخالفاته و نوع العربية اللي هو راكبها

هنا بزرميت .... الجمارك دي ولا حاجة لو شوفت في أوروبا الدنيا عاملة أيه

ياباشا انا هتكلم عن اللى اعرفه ، كندا مثلا
المستعمل دة ثمنه خيال
والبنزين مش غالي ولا حاجة لما يتقارن بمستوي المعيشة
هو حضرتك بتحسبها لو اللتر بدولار "مثلا" يبقي هو المفروض يتباع هنا ب 6 جنية ؟!!
انا عندي ال 50 الف جنية فى مصر دول زي ال 50 الف دولار فى كندا او امريكا
لأنك هنا بتشتري ساندويتش ب 10 جنية ، هناك هتدفع فيه 10 دولار بردو
دة مش معناه ان المفروض الساندويتش يتباع هنا ب 60 جنية مثلاً

يا إما لو مش هنحسبها كدة ، وهنحول من عملة لعملة
يبقي
نقول اقل واحد هناك بياخد 3 ألاف دولار "مثلا" ، وبنفس المبلغ ممكن تشتري بيه عربيه مستعمله نظيفة جداَ
يبقي المفروض اقل واحد هنا ياخد 18 الف جنية ...!!!
ووقتها العربية اللى هي غالية جداً جداً دي مش هتكون غالية بالنسبة للمرتب ....
ووقتها الجمارك مش هتفرق كثير ولو اترفع الدعم من على المحروقات ...

==
بالنسبة للبزرميته انا متفق معاك 100%
بس للأسف كل دة ناتج عن سوء تخطيط اولياء الامور
وهو انا بحمل أولاياء الامور 90% من المشكلة
ياباشا انت فى بلدك وعلى ارضك ومش عارف تشتري قطعه ارض بجنينة لك ولاولادك "انا مش بتكلم على معاليك انا بتكلم على العموم طبعاً :d "
وشوف بعد كدة المهازل اللى حصلت فى بيع الاراضي مثلا ، بتتباع ببلاش فعلا لأى حد بس يكون مش مصري او لمصري تييييييت
فيها ايه لما الاراضي تبقي بثمن رخيصة ويدعموا السكن ويقسطوها للناس زي البلاد النظيفة ؟!
انا مشفتش تخلف غير فى دول العرب ، عندهم صحراء مهولة ، وبيسكنوا فى ابراج وعمارات ويكلفوا نفسهم على الفاضي والأراضي عندنا لو هتتوزع ببلاش هتكفي وتفيض كمان " بس يدخلها الخدمات "

عندك مثلا فرنسا اقل من مساحة مصر
وعدد سكانها اقل كذلك بنفس النسبة تقريبا
حط ايدك على اى مكان فى خريطة فرنسا هتلاقي سكان
حط ايدك على اى مكان في خريطة مصر فيها سكان هتلاقيه اغلبه طينة
عايشيين على 5% من مساحة الارض!!
شوف اليابان طيب 127 مليون ومساحتها ارضها كام ، عايشيين على زلازل وشوية جزر

طيب انا بدأت بنفسي ونقلت لمدينة جديدة ، و بيجي ليا اكتئاب شديد لما يكون عندي اى مشوار داخل القاهرة وفى زحمتها ، والله العربية بتصعب عليا ، وبيصعب عليا اكثر الناس اللى فى المواصلات وفى الحر وفى الزحمه ومغلوبين على امرهم ، ومعندهمش وسيلة آدمية تنقلهم من مكان لمكان بكرامتهم ومن غير بهدله ، خصوصاً لما تشوف ست كبيرة او بنت محترمه او راجل عجوز او حتي عيل متبهدل .... !!

ربنا يصلح الحال ، انا كمان شوية هعيط

المشاركة الأصلية كتبت بواسطة mount

ياباشا انا هتكلم عن اللى اعرفه ، كندا مثلا
المستعمل دة ثمنه خيال

يا باشا و أوروبا المستعمل ثمنه خيال
أنا مرة أشتريت عربية ب 300 جنيه أسترليني كانت موديل 1990
دفعت عليها ضرائب 150 جنيه في السنة
و دفعت تأمين اجباري مش فاكر كام بالظبط بس كان فوق 400 جنيه أسترليني
بالاضافة أن البنزين غالي ..... لما أدفع جنيه بحاله في الليتر ده هناك غالي علشان الجنيه له قيمة

المهم سيبك من موضوع البنزين
خلينا في مصروفات العربية
العربية ثمنها 300 جنيه
و دفعت عليها مصاريف ..... فوق 600 جنيه في السنة (يعني مصاريفها في السنة = ثمنها مرتين يبقى العربية مش رخيصة زي ما أحنا متصورين )
و فيه ناس بتدفع تأمين كبير لو تاريخ حوادثهم و تاريخ مخالفتهم أسود و مهبب )

بالاضافة أن ثمن العربية جديد زي مصر و أحيانا أغلى
يعني الجين 2 في مصر ب 95 ألف ........ و في أنجلترا ب 11 ألف أسترليني و بتبدأ ب9500 أسترليني
يبقى العربيات في مصر ثمنها عادي إلى حد ما مع الأعتراف طبعا أن فيه عربيات مبالغ في ثمنها .

إنما المستعمل مبالغ فيه علشان ظروف السوق كدا .... العربية هنا أكنها حاجة لها قيمة مع أنها مستهلك من المستهلكات زيها زي التليفون المحمول .
المهم أنا بتكلم عن حتة الجمارك اللي حضرتك علقت عليها
إنما المستعمل ........... ظروف سوق و بلد

والبنزين مش غالي ولا حاجة لما يتقارن بمستوي المعيشة

ما هو مستوى المعيشة ده مش ببلاش
أنت بتدفع ضرائب و تكع دم قلبك أد كدا
و بتدفع ضرائب على البيت اللي أنت بتملكه غصب أن عنك و لو مش معاك تدفع الضرائب الحكومة تخليك تبيعه
و يادوب المرتب بيكفي بالعافية لو معكش حد تاني في البيت بيشتغل و بيصرف معاك
غير كدا ....... يادوب هاتقضيها أكل و شرب و مصاريف العربية و شكرا على كدا .

هو حضرتك بتحسبها لو اللتر بدولار "مثلا" يبقي هو المفروض يتباع هنا ب 6 جنية ؟!!
انا عندي ال 50 الف جنية فى مصر دول زي ال 50 الف دولار فى كندا او امريكا

دي صحيح

لأنك هنا بتشتري ساندويتش ب 10 جنية ، هناك هتدفع فيه 10 دولار بردو

دة مش معناه ان المفروض الساندويتش يتباع هنا ب 60 جنية مثلاً
البنزين يختلف علشان مُدعم يا فندم ........ إنما السندوتش مش مُدعم
و على فكرة الأكل في امريكا و كندا رخيص جدا و أرخص من مصر .
يا إما لو مش هنحسبها كدة ، وهنحول من عملة لعملة
يبقي
نقول اقل واحد هناك بياخد 3 ألاف دولار "مثلا" ، وبنفس المبلغ ممكن تشتري بيه عربيه مستعمله نظيفة جداَ
يبقي المفروض اقل واحد هنا ياخد 18 الف جنية ...!!!
ووقتها العربية اللى هي غالية جداً جداً دي مش هتكون غالية بالنسبة للمرتب ....
ووقتها الجمارك مش هتفرق كثير ولو اترفع الدعم من على المحروقات ...




==
بالنسبة للبزرميته انا متفق معاك 100%
بس للأسف كل دة ناتج عن سوء تخطيط اولياء الامور
وهو انا بحمل أولاياء الامور 90% من المشكلة
ياباشا انت فى بلدك وعلى ارضك ومش عارف تشتري قطعه ارض بجنينة لك ولاولادك "انا مش بتكلم على معاليك انا بتكلم على العموم طبعاً :d "
وشوف بعد كدة المهازل اللى حصلت فى بيع الاراضي مثلا ، بتتباع ببلاش فعلا لأى حد بس يكون مش مصري او لمصري تييييييت

يا باشا ما هو بيع الأراضي لازمله بنية أساسية ...... المفروض الأرض تكون بفلوس علشان الحكومة تقدر تبني بنية أساسية (كهرباء و تليفونات و صرف صحي و مياه و طرق ............ الخ )

فيها ايه لما الاراضي تبقي بثمن رخيصة ويدعموا السكن ويقسطوها للناس زي البلاد النظيفة ؟!

فين البلاد اللي بتدعم السكن ؟؟؟؟
أوروبا ....... مفيش ........ أمريكا برضه مفيش
أخرهم مبني البلدية أو عمارات تابعة للبلدية للفقراء (أيجار برضه بس رخيص شوية )

انا مشفتش تخلف غير فى دول العرب ، عندهم صحراء مهولة ، وبيسكنوا فى ابراج وعمارات ويكلفوا نفسهم على الفاضي والأراضي عندنا لو هتتوزع ببلاش هتكفي وتفيض كمان " بس يدخلها الخدمات "

دي معاك فيها
العرب معاهم مليارات و ممكن أستخدامها في أستصلاح الصحراء و تعميرها

عندك مثلا فرنسا اقل من مساحة مصر
بس فرنسا كلها أخصر و أنت 96 أصفر !
وعدد سكانها اقل كذلك بنفس النسبة تقريبا
حط ايدك على اى مكان فى خريطة فرنسا هتلاقي سكان
علشان فرنسا كلها أخصر و أنت 96 أصفر و طبيعي ده يحصل
أين وجدت الماء ........ وُجدت الناس
حط ايدك على اى مكان في خريطة مصر فيها سكان هتلاقيه اغلبه طينة
عايشيين على 5% من مساحة الارض!!
شوف اليابان طيب 127 مليون ومساحتها ارضها كام ، عايشيين على زلازل وشوية جزر
ووقفوا أنتاج البشر علشان مفيش مكان تاني للزيادة
هما العدد ده من الثمانينات ........ مش بيزيدوا

طيب انا بدأت بنفسي ونقلت لمدينة جديدة ، و بيجي ليا اكتئاب شديد لما يكون عندي اى مشوار داخل القاهرة وفى زحمتها ، والله العربية بتصعب عليا ، وبيصعب عليا اكثر الناس اللى فى المواصلات وفى الحر وفى الزحمه ومغلوبين على امرهم ، ومعندهمش وسيلة آدمية تنقلهم من مكان لمكان بكرامتهم ومن غير بهدله ، خصوصاً لما تشوف ست كبيرة او بنت محترمه او راجل عجوز او حتي عيل متبهدل .... !!

زيك الظبط ........ و بكره القاهرة
ربنا يصلح الحال ، انا كمان شوية هعيط

يا باشا الصح مش ازالة الجمارك ده بالعكس أرتفاعها علشان ولاد &^%@#% و السواقة الحميري اللي هنا
أو ممكن يعملوا تخفيض على الحمير و العربيات الكاروا ....... يبقى لوز اللوز
الصح بناء شبكة مواصلات محترمة و يركزوا على القطارات
القطارات بتريط كل أنجاء بريطانيا ببعضها و ده شئ ممتاز لو عايز تروح أي مكان تقدر بدون مشاكل
هي صحيح الدنيا هناك غالية و مستوى المعيشة مرتفع مقابل الغلاء ده
و كتير منهم بيهج و يسيب البلد بسبب الغلاء ...
المهم سعدت بالحوار معاك أخي الكريم

حضرتك يااستاذ توت بريطانيا مختلفة اعتقد عن دول الاتحاد الاوروبي اللي بيجمعها اليورو......يعني عربيتي مثلا فول اوبتشن وموتور اعلي من ال1000 اللي بتنزل به مصر بتاع فاليورو زون ب500 يورو يعني 4000 جنيه وهنا ب35الف فاضية شوف ال35الف دول بتحوشهم فمصر فكام سنة وتجيب عربية فاضية فلآخر وموتورها بيودع ,,,,انا مع رفع الجمارك ولو جزئيا مش الهبل والافتراء اللي عندنا هنا ,بس بخطة مدروسة والمفروض منحولش من اليورو او الاسترليني للجنيه,ومع حضرتك فموضوع التأمينات وسعر البنزين اللتر بيورو مثلا اايه المشكلة فكده لو واحد بيقبض 2000 يورو فالمانيا مثلا او غيرها من دول الاتحاد الاوروبي

الدول اللى بتدعم دة ، زي ما قولت لحضرتك انا هتكلم عن اللى اعرفه "كندا"
بتديك بيت "مش شقة" لأ بيت بجراج بجنينه وبتدفع شهري زي ايجار بدروم كدة واقل من قيمته ايجار البدروم كمان لمدة طويلة جداً ، ودة دعم مرة واحدة لكل مواطن ، يعني لو هيشتري بيت تاني مش هيستفيد من النظام دة
وتقريبا على حد علمي النظام دة موجود فى بعض الدول العربية ، زي عمان والكويت و تقريبا الإمارت
ونفس الوضع على العربيات ، فى نظام دعم لهم ، بيدفع قيمتها بس على فترة كبيرة جداً
دي من ضمن حقوق المواطن علشان يكون بني آدم ...

المهم لو هدف حضرتك من عدم رفع الجمارك ان ميحصلش زحمه فى السيارات اكثر من الوضع الحالي
فممكن يتفادي الموضوع دة عن طريق فكرة انه لما يرفع الجمارك ميسمحش بدخول عربيه قيميتها اقل من 50 الف مثلا
انت لو لاحظت فئة الناس اللى بتشتري عربيات هتلاقي ثمنها بيبدأ من 50 الف تقريبا
فالنسبة اللى هتشتري هتكون هي هي ، لأن مش هيلاقي عربيه اقل من كدة
وتطلع قانون بتكهين العربيات اللى مر عليها مدة طويلة ، ومش مطابقه لمواصفات السلامة او البيئة
وكذلك يدخل موضوع التأمين الاجباري ، على السيارات وعلى الركاب ... يبقي تأمين بجد مش زي اللى هنا
وكدة هتكون مصاريف التشغيل بقت اعلي ، بس الناس لقت حاجة تركبها بإمكانيتهم و ركبت حاجة نظيفة
يعني مش هتلاقي واحد معاه 10 آلاف جنية يشتري عربية بعد ما يشيلوا الجمارك ،

المهم سبب النقاش ، ان الناس اللى بتركب اللادا ولا غيرها من العربيات اللى اقل من 60 الف
وبيعرضوا نفسهم وغيرهم للخطر
مش علشان هو معاهم بس مش راضيين يشتروا ، دة علشان دي إمكانيتهم وقدرتهم وعاوزين يحفظوا كرامتهم
ومن حقهم يكون فى عربية بنفس الثمن وقطع غيارها رخيصه لهم و بمستوي آدمي .

وياباشا لما بتكلم مع حضرتك دة إضافة ليا ودة حقيقي والله ، وانا اللى اسعد =).

إنتم عارفين أكبر ميزة فى العربية اللادا 2107 هى إن إللى عنده عربية موديل 1982 حاسس إنه راكب عربية آخر موديل 2012 . ده حتى الــ لادا 2105 موديل 1978 شبهها .. مافيش فرق غير الشبكة الأمامية