الموضوع: تحذير من زيت ليكوي مولي liqui moly

المشاركة الأصلية كتبت بواسطة lanos2004

كل مواتير الحقن الا ليكترونى مش بتعدى 6500 لفه الى الى معدل فيها --المواتير الكربراتير هيه الى بتعدى الارقام دى كان عندى لانسر 99 واالار بى ام كان بيوصل 7800 والعربيه 1300 سى سى
والماتور عادى لا كان خارق ولا غيرة واقصى سرعه 180

ال SiR تقريبا ال Rev limiter بتاعها عند 7500 مش 6500

المشاركة الأصلية كتبت بواسطة yoko

إحنا قلنا عصبي مش high rev فيه فرق
أنا الرسمي عندي 129 حصان عند 5200
بس عزمها بدري جدا وعالي عشان كده بيتقال عليه موتور عصبي

تمام
انا فهمت قصدك high rev
أصل مش انا اللي قايل high rev علي موتوري ... ده دايو اللي قايلين كدة
علي فكرة البروتون مش عصبي عشان بيخرج عزمه عند 4000
فيات عصبي عشان بيخرج عند 1750

انا الصراحة لغاية دلوقتي الزيت ده لخبطني
بس أهو واضح اني مش لوحدي اللي حصلي كدة

أعتقد أن عرض الموضوع من الأخوة المشاركين ينقصه كثير من التفاصيل الهامة ليس عن جهل ( عفوا ... مش قصدى أبدا ) ولكن الكلام والحماس بياخدنا فبننسى ذكر بعض التفاصيل الهامة إللى معظمنا على دراية بها .

أولا : لا يكفى أن أقول أننى أستعمل زيت كذا أو كذا لأن كل ماركة لها قائمة طويلة متنوعة من المنتجات فيجب تحديد نوع الزيت المستخدم ودرجته بدقة

ثانيا : لا يوجد هناك شىء إسمه أحسن زيت ولكن الصحيح أنه يوجد أنسب زيت . فالزيت الأنسب لسيارتى لا يناسب سيارة أخرى بل يمكن أن يؤدى إلى نتيجة غبر مرغوب بها والسبب ليس سوء الزيت ولكن سوء إختيار الزيت المناسب . والعبرة هنا بالمواصفات الفنية للزيت الموصى بها من قبل صانع السيارة .

ثالثا : موضوع نقص الزيت وتبخره لا يعبر بالضرورة عن سوء حالته لأن لزوجة الزيت وهو جديد تختلف من درجةزيت إلى أخرى وبالتالى تختلف درجة البخر من نوع لآخر

رابعا : عامل اللزوجة ليس عاملا مطلقا فى تفضيل نوع الزيت لأن هناك عوامل أخرى تحدد أفضلية الزيت فهناك محركات من المستحسن إستخدام زيت خفيف بها عن الزيت الثقيل .

الخلاصة المطلوب من الزيت :
* منع إحتكاك أجزاء المحرك ببعضها
* تكوين طبقة فيلمية على اجزاء المحرك بعد توقفه لتسهيل بدء دورانه ومنع التآكل الناتج عن الإحتكاك نتيجة ركود الزيت فى قاع المحرك أثناء توقفه
* سد الفجوات الدقيقة الموجودة بين حلقات المكابس وجدران الاسطوانات
* تبريد اجزاء المحرك عن طريق تشتيت سخونة المحرك
* المحافظة على نظافة اسطح المحرك
* حجز الرواسب الخارجية بعيدا عن اجزاء المحرك
* المساعدة فى منع الصدا والتآكل
* قدرة الزيت على عدم الإنهيار فى درجات الحرارة العالية
والحاجات دى معظم الزيوت بتحققها بدرجات مختلفة طبقا لإختلاف نوع الزيت والغرض منه

وعلشان أختار نوع زيت مناسب لسيارة يجب
معرفة عمر وحالة المحرك
شراء الزيت طبقا لمواصفات الزيت الموصى به من قبل صانع السيارة ( زى الكتالوج مابيقول )
شراء الزيت من مصدر مضمون وموثوق به تجنبا لعمليات الغش التجارى

طبعا كلنا عارفين النهاردة موجود فى مصر أكثر من شركة من الشركات العريقة فى صناعة الزيوت المعدنية والتخليقية وإللى منتجاتها مصنعة ومعبأة بمصانعها بالخارج ( أمريكا ، هولندا ، ألمانيا .... إلخ ) وطبعا الزيوت دى أكثر ضمانا من ناحية عدم غشها بشرط شرائها من الوكلاء أو الموزعين المعتمدين فقط .

آسف للإطالة .. وتقبلوا تحياتى ،،،

ـــــــــــــــــــــــــ ـــــــــــــــــــــــــ

طيب يا رجاله العربيه فيرنا ‏2008‏ ماشيه ‏45‏ ألف كيلو ....كنت بستخدم زيت xhp‏ فتره بس مش فاكر قد ايه و بعدين استخدمت شل ‏5000 اصفر لحد الآن....اجيب فالفولين ولا ليكوي مولي...اجيب سيرا تك ولا mos2 ولا بلاش خالص