الموضوع: تحذير من زيت ليكوي مولي liqui moly

المشاركة الأصلية كتبت بواسطة khalid_adel

انا استعملت ليكوي مولي سوبر فورميولا قعد معايا ال 5كم زي الفل ومكنتش مصدق لان ده اوي زيت يحسسني ان الموتور زي الفل
قمت مغير وحطيت سيراتيك مع الليشتوف (10-40) وده المفروض افضل المشكله ان الزيت نزل تحت المينيمام ولسه مكملتش 2000 كيلو زودت الباقي وموضلش غير في النص وكده حينقص تاني ومش عرف اعمل ايه ومش مصدق
انا كده حانزلو اوحط فالفولين 15-40 ياريت لو حد جربه يقول الله يباركلكم

خالد انت بتتكلم على انهى عربية؟؟!!!
- الـ147 بالموتور الـ1.6 TS
- ولا الـ146 بالموتور الـ1.7 Boxer

مواتير الـTS (الـTwin-Sprak عموما) سواء 1.6 أو 2.0.. الطبيعى بتاعه إنه بياكل زيت،
وبتحتاج كل 1500-2000 كم انك تعمله Top-Up..؟!!

دا عن تجربة فـ الـ156 بالموتور الكبير 2.0 TS، لااااااااااازم تزود الزيت كل كام ألف عـ الأقل..
وده مش عيب على فكرة، دا العادى بتاع مواتير الـTwin-Spark والـJTS ألفا.. (وكان مكتوب فـ المانيوال بتاع العربية)؟؟!!!

اللى عايز أقوله:
كون ان الزيت بينقص؛ دى حاجة من 2:
- الموتور نفسه بيآكل زيت.. زى مواتير الألفا TS الأول،
مواتير الـTSI بتاع الفولكس (السوبر+تربوتشارجر 150/160 حصان) بتاع الجولف الـGT والتيجوان.. بيآكل زيت، لكن الـ122 حصان بتاع الباسات والجيتا لأ..!!
مواتير الـDual VVT-i بتاع التويوتا (الجنوب أفريقى) بتآكل زيت برضه، العادى Single VVT-i لأ..؟!!

- أو الزيت نفسه فيه مشكلة (حسب التركيبة، الـAdditives والـFlash point... وكده).
دلوقتى، أنا مش فاهم..
عايزين توضيح ياجماعة للموتور،حالته، الـGrade بتاع الزيت.. وطريقة سواقتك؟؟!!!
عشان نوصل لتصور أو نفهم اللى بيحصل.

Regards،