انا اتسرقت ودمي محروووق اوي

**abo_lamar** · 19-04-2012 12:11 AM

السلام عليكم و رحمه الله و بركاته ,,

من شوية موبايلي اتسرق من العربية بطريقة بدائية بس انا اللي غبي و مش بتعلم من المواقف اللي بشوفها و بقرأ عنها في المنتدى .

كنت في ميدان ابن الحكم في منطقة حلمية الزيتون وزي العادة الشارع زحمة اوي , وكنت حاطط الموبايل على الكرسي اللي جنبي بعد ما كنت بكلم صديق ليا , وفاتح الشباك نص فتحة , فجاءة لقيت شاب خبط نفسه في ظهر العربية ازاي معرفش ولقيته بيزعق و بيشتم لقيت الجلالة خديتني ونزلت انا كمان شتيمه فيه ونازل من العربية عشان اتخانق معاه , اول ما نزلت لقيته جري وبعد مارجعت العربية مالقيتش الموبايل والمصيبة انه عليه كمية رهيبه من الاسماء لاني بستخدمه في الشغل .
بصراحه انا متعكنن على الاخر بس بقول قدر الله و ما شاء فعل والحمد لله انها جت على قد كده .
رحت عملت محضر في قسم عين شمس قالولي روح قسم المطرية , رحت قسم المطرية و عملت محضر ووصفت الواد ده وصف تقريبي ولما نشوف حيعملوا ايه ؟ وعماااااااااااار يا مصر .

**rompo10** · 19-04-2012 12:18 AM

قدر الله وما شاء فعل معلش تيجي في موبيل احسن من العربيه في ناس بتنزل تتخانق وواحد يركب العربيه ويطير

**mo3tazanas** · 19-04-2012 12:20 AM

طريقة قديمة قوى

**chicobon** · 19-04-2012 12:22 AM

قدر الله وما شاء فعل معلش ربنا يعوض عليك

**حماده المصري** · 19-04-2012 12:28 AM

اتعملت معايا ونزلت اخدت الموبايل من الواد فورا الحمد لله وكنا في رمضان كمان

**mody3on** · 19-04-2012 12:28 AM

ربنا يعوض عليك , لو سمارت فون او اندرويد كان يبقى ليها حل لو بتحط الاسماء على اكاونت جوجل
غير كده معلش هتبدأ من جديد :) اعتقد مفيش حد في مصر ممرش بالموقف ده ( اتسرقله موبايل او والدته او اخته او مراته او بنته اتسرقلهم شنطة او اتسرقله عربية لا قدر الله ) عمار يا مصر بقى