الموضوع: حد بيفول العربيه للاخر

الحق يقال بشوف محطات كتير حاطيين ميه جنب الطلمبه .... و اول ما يقع بنزين عالارض بيدلقوا ميه علطول .

سؤال اعتراضى
ايه الـ الكانستر ؟؟؟؟

ايه الكانستر دا ؟
هو كمان المشكله ان البنزين بيتدلق على العربيه وبيبهدل الدهان مع مرور الوقت

رد tarek 2005 في استفسارنا عن الكانستر :

الكانستر بشرح بسيط بعيدً عن التعقيدات العلمية
لو بتملي جركن مياه فارغ بالمياه وووضعت خرطوم المياه في فوهة الجركن وقفلت حواليه ولم تسمح لخروج الهواء الموجود بداخل الجركن هل سيمتلئ الجركن الاجابة طبعاً لا طب لو الجركن مملوء بالمياه وقلبته مرة واحدة هل سينساب الماء لا طبعاً بس هيحصل انسياب ثم توقف لدخول هواء ثم ينساب مرة اخر
كذلك الوضع في تنك البنزين عند ملئه محتاج تخرج الهوا الي جواه وعند الاستهلاك منه لابد من دخول هواء مكان البنزين المستهلك في السيارات القديمة كان بيعمل خرطوم بيسموه خرطوم فايز من اعلي التنك علشان يفرغ الهواء عند الملئ ويدخل الهواء عند الاستهلاك
ولكن يعيبه انه مفتوح للهواء علاطول وطبعاً البنزين من المواد الطيارة اي بيتتطاير في الهواء ويقل كميته يعني لو ركنت سيارة من السيارات القديمة مدة اسبوع بدون استهلاك وكنت مفولها عند الاستهلاك ستجد تتطاير لتر او اثنين بنزين وتزيد الكمية طبعاً تبعاً لدرجة حرارة الجو ومدة الركنه
خلاصة الكلام علشان طولت اوي في الشرح الكانستر هوا الي بيفتح خرطوم الفايز عند الملئ للتانك بالبنزين ويقفل بعدها ويفتح عند انخفاض الضغط داخل التانك عند الاستهلاك ويقفل بعدها علشان البنزين لا يتتطاير للهواء
الخلاصة وسيلة لتقليل استهلاك البنزين
عيوبه عند انسداده
سماع صوت هبدة في منتصف السيارة من الخلف بعد مشوار طويل
صعوبة عند تفويل السيارة وخروج البنزين من فوهة التنك.....( منقول من رد tarek 2005 )

الف شكر على هذه الردود القييمة