انا لسة شارى عربية فورد اسكورت 99 1600 وعايز اعرف اماكن قطع الغيار بتاعت الفورد لسكورت الاستعمال موجودة فين واماكن للصيانة ميكانيكى وكهربائى متخصصين من فضلكم
انا لسة شارى عربية فورد اسكورت 99 1600 وعايز اعرف اماكن قطع الغيار بتاعت الفورد لسكورت الاستعمال موجودة فين واماكن للصيانة ميكانيكى وكهربائى متخصصين من فضلكم
شاريها بكام ومنين وحالتها ايه وتفاصيلها ايه ؟؟
عشان انا باشتري اسكورت برده- ياريت تفيدني - انا من اسكندريه
أولا مبروك العربية وربنا يباركلك فيها
عندك عبده فورد في صلاح الدين وده جديد واستعمال
وأيمن الصعيدي في صلاح الدين وده جديد بس
وعندك السكري في آخر صلاح الدين علي الترام
بالنسبة للصنايعية في سيد فورد وده اخو عبده فورد
الف مبروك ربنا يديلك خيرها ويكفيك شرها
مبروك يا باشا ويكفيك شر عيون الناس وحسدهم
اضم صوتي لصوت الاخ اللي حابب يعرف مواصفات العربيه وسعرها عشان انا كمان بدور على واحده
واحب اقولك انه فعلا الناس اللي في صلاح الدين هما اكتر حد هتلاقي عندهم جديد وإستعمال وخليك مع عبده فورد وحاول تصاحب الأستاذ شريف هناك صاحب المحل هيجيبلك اللي انت عايزه هوا راجل محترم وميه ميه بس مشكلته ان بتوع الفورد اللي حواليه مصممين يضربوا فيه وهوا ممكن دماغه تطلسم على سعر حاجه مش عشان اللي بيشتريها انما عشان مثلا واحد من المحلات التانيه عايزها منه وهوا مش عايز يديهالوا
ونصيحتي خلي ايمن الصعيدي دا اخر واحد وربنا ما يحوجك ليه ابدا لانه راجل نصاب وحرامي ولو خدت منه مسمار ورجعتله بيه تقوله معليش يا حاج اللي عندي طلع سليم ودا عايز ارجعه يخليك تلف حوالين نفسك وميرجعهولكش بسهوله ويزهقك وممكن ميرضاش يرجعه اصلا
اما السكري فهو راجل محترم برده زي عبده بس عيبه انه مش كل حاجه عنده متوفره بس الراجل بيهتم بصراحه وممكن ياخد تليفونك ولما توصل الحاجه فعلا بيتصل بيك ويقولك حاجتك وصلت
اما بالنسبه للأسعار فعبده فورد والسكري الأتنين اسعارهم واحده تقريبا اما الصعيدي فبيغلي في كل حاجه
اما الميكانيكيه ففعلا عبده فورد هوا اكتر واحد يدلك على احسن صنايعيه وفي واحد في الحرفين مش فاكر اسمه ايه انما هوا متخصص فورد بعد بنزرنة امارات مصر تاني مدخل او تالت مدخل تقريبا بس ما بيشتغلش غير في الفورد
والف مبروك مره تانيه وربنا يوفقنا احنا كمان ونلاقي حاجه كويسه