شرح طريقة اثبات لونين على الرخصة بطريقة قانونية !

**rompo10** · 19-04-2012 03:44 PM

ربنا يباركلك في عربيتك ويبعد عنك اللجان

**فادى محمد** · 19-04-2012 03:48 PM

تحياتي ياباشا
لو عربيتي لونها ابيض ولزقت السقف كاربون ابيض ,تبقي مخالفه برده ولا لا؟؟ اهو نفس اللون ؟

**hossam_elwani** · 19-04-2012 05:12 PM

لو وقعت مع واحد بيفهم حيعرف ان دى ملصقات مش رش وساعتها يحسب الرخص برضه..........

**mhmdalsaadany** · 19-04-2012 05:38 PM

واعتقد يا باشا حضرتك رخصت لونين فضي وابيض حسب ما انا فهمت يعني لازم الاستيكر يكون فضي برده ولازم يكون رش مش استيكر زي ما الاخوه الافاضل وضحوا الكلام لحضرتك ولا ايه

**Ahmod** · 19-04-2012 05:46 PM

الف شكر ليكم يا جماعة وهو فعلا عندنا بيغلسو على حجات بسيطة

الفاميه حاليا حله الوحيد ان فيه ناس متخصصة دلوقتي بتشيل ازجاج العربية وبتدخله فرن وبيطلع متفيم فبريكة وبرضوا بتروح المرور تثبته على الرخصة بس الموضوع مكلف ومش بيمشي في كل المرور

يعني ممكن يكلفك مثلا بتاع 2000 جنيه او اكتر تقريبا وغير كدة ممكن تروح تفحص عشان تثبت الفاميه يقولك لازم ورق الافراج الجمركي بتاع العربية يكون مكتوب فيه زجاج ملون وهيدخلك في متاهات ! !

والرخصة عندي انا بسيبها في العربية اول مانزل هصورها لحضراتكم وهنزلها

المشاركة الأصلية كتبت بواسطة hellboy

تحياتي ياباشا
لو عربيتي لونها ابيض ولزقت السقف كاربون ابيض ,تبقي مخالفه برده ولا لا؟؟ اهو نفس اللون ؟

والله هو مش هيعتبر مخالفة بس سعات فيه ظباط بتخرم

يعني اعرف ناس عربياتها سودا وكانو عاملين الكبوت كاربون اسود واتمسكو مخالفة

المشاركة الأصلية كتبت بواسطة hossam_elwani

لو وقعت مع واحد بيفهم حيعرف ان دى ملصقات مش رش وساعتها يحسب الرخص برضه..........

المشاركة الأصلية كتبت بواسطة mero100

بس حظك انك وقعت مع ( موظفين ) ظباط مش فاهمين الفرق من اللونين رش و اللونين واحد رش و التاني استيكر .....ممكن حد تاني يقولك انت مش راشش انت لازق ملصقات و يدخلك فحص يا جميل :-)))

لالالالا يا كبير مافيش الكلام ده خااااااااااااالص !

هو لما بيخالفك عشان الاستيكرات بيكتبلك مخالفة تغيير لون السيارة !

انا قبل كدة لما كنت عامل شغل استيكرات في العربية عندي واتمسكت في كمين كتبلي المخالفة كدة بالنص " تغيير لون السيارة"

فلو انت عامل الرخصة لونين هو ملوش فيه اللونين دول استيكر ولا رش ! الكلام ده يقوله مهندس الفحص

انما هو الظابط في اللجنة ليه انه يشوف بيانات مكتوبه قدامه مطابقة للواقع ! يعني يشوف العربية معمول فيها شغل باللون الفضي وهي لونها كحلي يبقى ليه ان يكون مكتوب قدامه لون السيارة : كحلي / فضي

ملوش دعوة بقى الشغل ده معمول ازاي

وبعدين هيخالفك مخالفة تغيير لون ازاي وانت الرخصة مكتوب فيها اللون التاني ؟ ؟

**Ahmod** · 19-04-2012 05:47 PM

المشاركة الأصلية كتبت بواسطة mhmdalsaadany

واعتقد يا باشا حضرتك رخصت لونين فضي وابيض حسب ما انا فهمت يعني لازم الاستيكر يكون فضي برده ولازم يكون رش مش استيكر زي ما الاخوه الافاضل وضحوا الكلام لحضرتك ولا ايه

لا يا باشا انا عربيتي لونها كحلي ورخصتها كحلي / فضي

وطبعا لازم الاستيكر يبقى باللون اللى انت رخصت بيه

ومسالة انه يكون رش دي لازم فقط اثناء الفحص بعد كدة هو ملوش فيه