استفسار فى جين تو عموماٌ..لكل مالكى جين تو

**كابوس الليل** · 19-04-2012 02:36 PM

بسم الله الرحمن الرحيم
السلام عليكم ورحمة الله وبركاته

جين 2 عربية ما شاء االله عربية تحفة وفعلا طلعت اكتر ما كنت متخيل عنها قبل مشتريها
بس بعد صيانة الالف
حسيت شوية تغيريات فى العربية
الفرامل قبل الصيانة كانت قوية جدا بحيس ان من اقل ضغطة على الفرامل بتعرف تتحكم فى الفرامل
بعد الصيانة بقت ضعيفة نوعا ما
اصلا دواسة الفرامل طويلة جدا اقرب ماتكون للدربياج فى العربيات المانيوال
بعد الصيانة الفرامل اول صغطة على الدواسة مفيش اى استجابة خالص تحس ان فى هوا فى الفرامل وبعد شوية تبدا تحس ان فى استجابة حتى لو بهدى لازم ادوس دوسة طويلة على الفرامل
رحت مركز الصيانة تانى (اتوماجد الى فى جسر السويس ) رحت هناك لانى اعرف مهندس هناك
لما رحت تانى بسبب الفرامل قالى ده عادى بعد صيانة الالف ولاكن قبل الصيانة الفرامل بتبقى لسة بتتطبع والكلام ده وقالى ده العادى بتاع الجين تو والفرامل مية مية كدة
دلوقتى سحب العربية لو انا بس الى راكب سحبها مش طبيعى ماشاء الله عليه وان كان اقرب للخطير لانه قوى جدا (من غير تكييف)
لو لوحدى بلتكيف بيبقى السحب ضعيف جدا جدا لدرجة تخنق الكيك دون مش بيتعمل غير وال rpm فوق ال 4
برضوا من غير تكيف ولو اربعة راكبين العربية معايا سحب العربية مفيش تماما لازم اقرص على المتور عشان يمشى (من غير تكيف) هل ده العادى بتاع العربية ولا ايه؟؟؟
العربية موديل 2012 الى شكل الفوانيس الورا بقت led

**الغزالى** · 19-04-2012 02:42 PM

مبروك عمرو ...

**Raul_7** · 19-04-2012 08:12 PM

أولا ألف مبروك عليك العربية.

ثانيًا, العربية لسة جديدة والموتور مش متفتح عشان كده هتحسوا مكتوم شوية مع التكييف, هو عامتا أنا مانصحكش تسحب جامد أو تشد بالعربية وإنت مشغل التكييف عشان الكومبرسور بيبقى حمل عالموتور.

بس بالنسبة لنقطة السحب مع ناس في العربية وإنت قافل التكييف, أكيد العربية لازم تتأثر بس مش للدرجة اللي حضرتك بتقول عليها ديه, بالعكس أنا بأحس عزم الجين 2 قوي ومابيتأثرش قوي بالأحمال زي عربيات تانية.

حضرتك بس فتح الموتور كده واحدة واحدة والسحب هيبقى أحسن إن شاء الله.

**كابوس الليل** · 20-04-2012 03:32 AM

المشاركة الأصلية كتبت بواسطة mg3ain

مش عارف إيه علاقة صيانة ال-1000 بالفرامل ..

بس أنا معايا gen2 موديل 2008 أوتوماتيك عامل بيها 90,000 كيلو دلوقتي و العيب الوحيد في رأيي في العربية دي هو الفرامل و يمكن الملتي فنكشن الكل شوية بيبوظ لدرجة اني بطلت أستخدمو خالص
فعلاً العربية و هي خفيفة بتبقى عنيفة جداً ... و لو معاك ناس أو مشغل التكيف بتبقى أشبه بالكنبة ده عادي في كل ال gen2 أوتوماتيك .. بس موضوع التكيف ممكن يتزبط فالتوكيل عن طريق الجهاز المع المهندسين ده شبة الريموت أبو سلك بتاع زمان ممكن يخلي الكومبرسور يفصل عند rpm معين بس حيضعف من أداء التكيف لو إنت قارص على الموتور

حتة الفرامل بعد الصيانة برضوا مش مقتنع بيها معرفش ايه الى حصل فى الفرامل

**كابوس الليل** · 20-04-2012 03:38 AM

المشاركة الأصلية كتبت بواسطة raul_7

أولا ألف مبروك عليك العربية.

ثانيًا, العربية لسة جديدة والموتور مش متفتح عشان كده هتحسوا مكتوم شوية مع التكييف, هو عامتا أنا مانصحكش تسحب جامد أو تشد بالعربية وإنت مشغل التكييف عشان الكومبرسور بيبقى حمل عالموتور.

بس بالنسبة لنقطة السحب مع ناس في العربية وإنت قافل التكييف, أكيد العربية لازم تتأثر بس مش للدرجة اللي حضرتك بتقول عليها ديه, بالعكس أنا بأحس عزم الجين 2 قوي ومابيتأثرش قوي بالأحمال زي عربيات تانية.

حضرتك بس فتح الموتور كده واحدة واحدة والسحب هيبقى أحسن إن شاء الله.

الله يبارك فيك
هى العربية مع التكيف مش سيئة اوى بس فرق شاسع فى الrpm حتى لما ادوس على البنزين الماتور تحسه نايم ولما الrpm يعدى ال4 ونص تقريبا تحسه فاق والعربية يبدا فيها نوع من السحب

لاكن ولـ العربية فيها ناس .. مش طبيعى ابدا السحب السحب بيتاثر جامد جدا
لدرجة بحس انى انا الى بجر العربية بحس انى حتشال دايس بنزين ومفيش اى استجابة (من غير تكيف كل الكلام ده) لانى حاسس لو ولعت التكيف وفى ناس فى العربية (بتكلم عن تلاتة وانا رابعهم) ياما الماتور حينزل يشتمنى ياما حنزل ازق العربية

**كابوس الليل** · 20-04-2012 03:39 AM

المشاركة الأصلية كتبت بواسطة الغزالى

مبروك عمرو ...

الله يبارك فيك ياباشا

**الغزالى** · 20-04-2012 04:11 AM

المشاركة الأصلية كتبت بواسطة كابوس الليل

الله يبارك فيك ياباشا

باشا ... انت مش عارف انا مين يالا ولا ايه ..

-

الموضوع: استفسار فى جين تو عموماٌ..لكل مالكى جين تو

LinkBack

أدوات الموضوع

عرض

استفسار فى جين تو عموماٌ..لكل مالكى جين تو - انشر الموضوع فى :

-

-

-

-

-

-

المواضيع المتشابهه

استفسار من مالكى الفلوانس

استفسار من مالكى اوكتافيا a5

استفسار من مالكى cbr 250 r عادة

استفسار من مالكى الفليشيا

استفسار من مالكى 127 الاسكندرانية!!!!!!!!!!!!!!!!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة