النصب والسرقه احترس ثم احترس

معظم السيارات اليومين دول تخوف وخصوصا فى المستعمل
لان الملفات فى المرور اتحرقت وكمان اتسرق جهاز الكمبيوتر واللوحات وفى واحد فى كفر الدوار عندة اللوحات وجهاز الكمبيوتر وبيطلع الرخصة
وبتتباع فى الشهر العقارى
وعند التجديد تفاجأ انها مسروقة
واصل صاحبها من كفر الشيخ او المنيا اوووووو
وفيها رخصة كمبيوتر مزورة

ده كان نص حوار بينى وبين تاجر متمرس فى السوق على الفيس

اخذرو من النصب


السؤال الى بيطرح نفسه

المفروض فى الحاله دى الواحد يعمل ايه لو اشترى مستعمل للتأكد من سلامة ورق العربيه فى ادارة المرور التابعه ليها؟؟

تطلع بيها على المرور وتتاكد بنفسك

اقتباس:

---

المشاركة الأصلية كتبت بواسطة m.elgergawy

تطلع بيها على المرور وتتاكد بنفسك

---

+11111111111111111111

اولاً :

اشكر حضرتك على التنويه والتحذير

ثانيا :

من راى فى حاله قيام اى شخص بشراء سياره مستعمله ان تكون من المعارف او عن طريق المعارف ( اى ان يكون صاحبها معلوم) وفى حاله عدم توافر ذلك ان يقوم الشارى بفحص بيانات السياره والتأكد منها من خلال المرور ان امكن

وربنا يستر مفيش ضمير دلوقتى

حفظنا الله تعالى واياكم من كل مكروه

تطلب من البايع شهادة بيانات

بص انا هاقولك اللي بيحصل لاني و الحمد لله ليسه مخلص في عربيه مستعمل من كام يوم فقط فليسه طاااااااازه بقي
اولا تكون من حد معرفه او حد معرفه حد كده يعني
ثانيا كده كده في اي مرور وانت بترخص العربيه في موظف جديد موجود في كل مرور بيعمل حاجه اسمها الاستعلام الامني ... و ده بيعمل ايه بيكشف علي العربيه عن طريق رقم الشاسيه اذا كانت متبلغ عنها انها مسروقه و ده بيطلع مع شهادة البيانات او المخالفات كده كده لازم يتعمل لان المرور هو الجهه الوحيده اللي تقدر تظبط العربيات اللي مسروقه دي فلازم بيعملوه و مش بتعرف تخلص الورق من غيره
كل الكلام ده يتعمل في الاول بعد العقد الابتدائي ابو الف جنيه عربون و لو تاجر قالك مافيش حد بيدفع الف جنيه عربون قوله اديك لاقيت واحد هايدفعلك الف جنيه بس و خالي العربيه معاك و تتقابل تاني يوم في المرور
تطلع شهادة بيانات موجهه للشهر العقاري من الاخر علشان يعمل الاستعلام الامني و كل ده وانت واقف فوق راسه مش تقوله ابقي هاتلي شهادة بيانات موجهه للشهر العقاري و بعدين تطلب منه شهادة مخالفات كمان بالمره
لو لاقيت الدنيا تمام تديله فلوسه و تاخد العربيه وانت مطمن
افتكر كده هايبقي صعب اللعب في الورق
في ناس بقي ساذجه و بيضحك عليها و يقوله ايه عقد ابتدائي و تدفع 90% من فلوس العربيه و تاخدها و بكره هابقي اقابلك في المرور و اعملك اللي انت عاوزه ... و طبعا فص ملح و داب
وانا عربيه بان خالتي اتمسكت في المرور كده (عقد ابتدائي و توكيل مزور و المشتري مارحش المرور) راح بعد ماقلق و الراجل البائع قافل تليفونه و دفعله 60 الف (الباقي بعد شهادة المخالفات و البيانات) طبعا راح مرور مدينة نصر يكشف عليها لاقاها متبلغ عنها الظابط قفش في الراجل و العربيه اتحطت في الحضانه و عملوا محضر و اتصلوا بابن خالتي تعالا لاقينه العربيه
راح المرور مع اوراق الملكيه و الافراج و كده العربيه قعدت 15 يوم في الحضانه لحد ماخلصوا الورق و المحضر و حاولوا يقبضوا علي الحرامي -ماعرفوش- طلعة العربيه و ابن خالتي اخدها و المشتري -القانون لايحمي المغفلين-
بعد كل ده اقدر اقولك ان شاء الله العربيه هاتطلع سليمه

اقتباس:

---

المشاركة الأصلية كتبت بواسطة walidadel

بص انا هاقولك اللي بيحصل لاني و الحمد لله ليسه مخلص في عربيه مستعمل من كام يوم فقط فليسه طاااااااازه بقي
اولا تكون من حد معرفه او حد معرفه حد كده يعني
ثانيا كده كده في اي مرور وانت بترخص العربيه في موظف جديد موجود في كل مرور بيعمل حاجه اسمها الاستعلام الامني ... و ده بيعمل ايه بيكشف علي العربيه عن طريق رقم الشاسيه اذا كانت متبلغ عنها انها مسروقه و ده بيطلع مع شهادة البيانات او المخالفات كده كده لازم يتعمل لان المرور هو الجهه الوحيده اللي تقدر تظبط العربيات اللي مسروقه دي فلازم بيعملوه و مش بتعرف تخلص الورق من غيره
كل الكلام ده يتعمل في الاول بعد العقد الابتدائي ابو الف جنيه عربون و لو تاجر قالك مافيش حد بيدفع الف جنيه عربون قوله اديك لاقيت واحد هايدفعلك الف جنيه بس و خالي العربيه معاك و تتقابل تاني يوم في المرور
تطلع شهادة بيانات موجهه للشهر العقاري من الاخر علشان يعمل الاستعلام الامني و كل ده وانت واقف فوق راسه مش تقوله ابقي هاتلي شهادة بيانات موجهه للشهر العقاري و بعدين تطلب منه شهادة مخالفات كمان بالمره
لو لاقيت الدنيا تمام تديله فلوسه و تاخد العربيه وانت مطمن
افتكر كده هايبقي صعب اللعب في الورق
في ناس بقي ساذجه و بيضحك عليها و يقوله ايه عقد ابتدائي و تدفع 90% من فلوس العربيه و تاخدها و بكره هابقي اقابلك في المرور و اعملك اللي انت عاوزه ... و طبعا فص ملح و داب
وانا عربيه بان خالتي اتمسكت في المرور كده (عقد ابتدائي و توكيل مزور و المشتري مارحش المرور) راح بعد ماقلق و الراجل البائع قافل تليفونه و دفعله 60 الف (الباقي بعد شهادة المخالفات و البيانات) طبعا راح مرور مدينة نصر يكشف عليها لاقاها متبلغ عنها الظابط قفش في الراجل و العربيه اتحطت في الحضانه و عملوا محضر و اتصلوا بابن خالتي تعالا لاقينه العربيه
راح المرور مع اوراق الملكيه و الافراج و كده العربيه قعدت 15 يوم في الحضانه لحد ماخلصوا الورق و المحضر و حاولوا يقبضوا علي الحرامي -ماعرفوش- طلعة العربيه و ابن خالتي اخدها و المشتري -القانون لايحمي المغفلين-
بعد كل ده اقدر اقولك ان شاء الله العربيه هاتطلع سليمه

---

يعنى قصد حضرتك البائع يعمل شهادة بيانات على الرغم من وجود الرخصه وسريانها؟؟

انا فاهم صح ولا ايه؟؟

شكرا على النصيحة

اقتباس:

---

المشاركة الأصلية كتبت بواسطة hossam_elwani

يعنى قصد حضرتك البائع يعمل شهادة بيانات على الرغم من وجود الرخصه وسريانها؟؟

انا فاهم صح ولا ايه؟؟

---

ايوه لازم قبل ما تروح تسجل بتجيب شهادة بيانات عشان يحدد لو العربيه مسروقه او فيها حاجه لقدر الله
عمي بيتاجر في المستعمل وفي اغلب الاوقات بكون معاه لان بعشق العربيات واي حاجه فيها عربيات دايس فيها
اول حاجه بنكتب عقد كدا عادي بنثبت فيه عملية البيع السياره والمبلغ المدفوع والمتبقي وطريقة دفع المتبقي وفي كلام بيتكتب في العقد بخصوص تسليم العربيه واننا غير مسؤلين علي العربيه من لحظة كتابة العقد وطبعا بيكون في تاريخ علي القعد وبيتكتب كمان الشرط الجزائي في حالة الرجوع في البيع من احد الطرفين
طيب نيجي بقئ نكمل
العربيه بنجيب شهادة بيانات ليها وبنتكل علي الله ونروح الشهر العقاري نثبت عملية بيع العربيه ونسجلها باسم الملك الجديد وبكدا يقدر يغير الرخصه ويخليها باسمه في المرور وبعدين نقطع العقود الي معانا او لا برحته
وكان الله بالسر عليم

مشكور ولوني اشتريت مستعمل وسجلت فالشهر العقاري
والرخصة حاليا باسمي
هل ممكن تطلع مسرقة بعد كل ده
صعب اظن
وربنا يستر

مشتحيل مدام الرخصه حالي باسمك يبقى انت عدى عليك كل الي فات من شهاده بيانات او كده

يا اما لو كنت نقلتها باسمك والرخصه ساريه مش بتعمل شهاده بيانات تانيه

بس عموما يعني مدام جددت كده كده بيتعرف العربيه مسروقه ولا لا لان الكمبيوتر برضو متسجل عليه كل حاجه هما بس بيجيبوا شهاده البيانات دي لان لما الرخصه بتنتهي بيبقى مش معترف بيها ف بتطلع شهاده بيانات موجهه لشهر العقاري بياخدوها هناك وتعمل عقد باسمك وبتروح بيها المرور التاني وبياخدوها برضو وبيعملولك طلب تحويل ملف وبيتبعت للمرور الي كانت في العربيه


انا الكلام ده كله لسه عامله لاني لسه مرخصش

ونصيحه لو حد الرخصه مش باسمه يجددها قبل ما تخلص لان مشوار شهاده البيانات ده مقرف اوي

الف شكر علي التنبية اخي الكريم

اقتباس:

---

المشاركة الأصلية كتبت بواسطة _hema

اولاً :

اشكر حضرتك على التنويه والتحذير

ثانيا :

من راى فى حاله قيام اى شخص بشراء سياره مستعمله ان تكون من المعارف او عن طريق المعارف ( اى ان يكون صاحبها معلوم) وفى حاله عدم توافر ذلك ان يقوم الشارى بفحص بيانات السياره والتأكد منها من خلال المرور ان امكن

وربنا يستر مفيش ضمير دلوقتى

حفظنا الله تعالى واياكم من كل مكروه

---

انا لما جيت اشترى عربيتى كان فاضل سنتين فى الرخصة الراجل قالى متجددش دلوقتى لسة فاضل سنتين قولتة لا ابدا لازم الرخصة تبقى باسمى وسجلت العقد فى الشهر العقارى وطابقت بصمة الشاسية والموتور باللى فى ملف العربية فى المرور بتاعها وعملت استعلام امنى فى المرور اللى تابعة لية العربية ورحت المرور بتاعى كمان خلونى اعمل استعلام امنى تانى من عندى وطلعت الرخصة باسمى كل دة والراجل اللى باعلى العربية معاى مسبوتش غير لما الرخصة بقت باسمى

اينعم طلع عينى فى اللف والبهدلة بس كدة ضمنت فلوسى

اقتباس:

---

المشاركة الأصلية كتبت بواسطة walidadel

بص انا هاقولك اللي بيحصل لاني و الحمد لله ليسه مخلص في عربيه مستعمل من كام يوم فقط فليسه طاااااااازه بقي
اولا تكون من حد معرفه او حد معرفه حد كده يعني
ثانيا كده كده في اي مرور وانت بترخص العربيه في موظف جديد موجود في كل مرور بيعمل حاجه اسمها الاستعلام الامني ... و ده بيعمل ايه بيكشف علي العربيه عن طريق رقم الشاسيه اذا كانت متبلغ عنها انها مسروقه و ده بيطلع مع شهادة البيانات او المخالفات كده كده لازم يتعمل لان المرور هو الجهه الوحيده اللي تقدر تظبط العربيات اللي مسروقه دي فلازم بيعملوه و مش بتعرف تخلص الورق من غيره
كل الكلام ده يتعمل في الاول بعد العقد الابتدائي ابو الف جنيه عربون و لو تاجر قالك مافيش حد بيدفع الف جنيه عربون قوله اديك لاقيت واحد هايدفعلك الف جنيه بس و خالي العربيه معاك و تتقابل تاني يوم في المرور
تطلع شهادة بيانات موجهه للشهر العقاري من الاخر علشان يعمل الاستعلام الامني و كل ده وانت واقف فوق راسه مش تقوله ابقي هاتلي شهادة بيانات موجهه للشهر العقاري و بعدين تطلب منه شهادة مخالفات كمان بالمره
لو لاقيت الدنيا تمام تديله فلوسه و تاخد العربيه وانت مطمن
افتكر كده هايبقي صعب اللعب في الورق
في ناس بقي ساذجه و بيضحك عليها و يقوله ايه عقد ابتدائي و تدفع 90% من فلوس العربيه و تاخدها و بكره هابقي اقابلك في المرور و اعملك اللي انت عاوزه ... و طبعا فص ملح و داب
وانا عربيه بان خالتي اتمسكت في المرور كده (عقد ابتدائي و توكيل مزور و المشتري مارحش المرور) راح بعد ماقلق و الراجل البائع قافل تليفونه و دفعله 60 الف (الباقي بعد شهادة المخالفات و البيانات) طبعا راح مرور مدينة نصر يكشف عليها لاقاها متبلغ عنها الظابط قفش في الراجل و العربيه اتحطت في الحضانه و عملوا محضر و اتصلوا بابن خالتي تعالا لاقينه العربيه
راح المرور مع اوراق الملكيه و الافراج و كده العربيه قعدت 15 يوم في الحضانه لحد ماخلصوا الورق و المحضر و حاولوا يقبضوا علي الحرامي -ماعرفوش- طلعة العربيه و ابن خالتي اخدها و المشتري -القانون لايحمي المغفلين-
بعد كل ده اقدر اقولك ان شاء الله العربيه هاتطلع سليمه

---

+1111111111111111111

بص يا سيدي إللي أنا عملته في عربيتي:
أنا من المنصورة والعربية مرور عين الصيرة وإشتريتها من سوق مدينة نصر
يوم الجمعة دفعت 750 جنية مقدم وعملت عقد فية شرط جزائي 1000 جنية وخدن رخصة العربية وشهادة المخالفات.
يوم السبت روحت المرور وسألت علي العربية وإتأكدت إن بياناتها سليمة وأن الملف مش مرفوع (العربيات المبلغ بسرقتها ملفها بيترفع من المرور علشان ما يتمش عليها أي معاملات من ترخيص أو شهادات بيانات أو مخالفات وخلافة).
في نفس اليوم روحت الدراسة وإتأكدت إن السيارة مش مبلغ بسرقتها (زيادة تأكيد).
يوم الأحد روحت دفعى الباقي لصاحب السيارة (تاجر) وخلصت ورق العربية في الشهر العقاري.
ودمتم.

1-استعلام امني في المرور التابع ليه السياره والتأكد من سلامه الاوراق
2-نقل الملكيه فور بشهاده بيانات موجهه للشهر العقاري وبعد التسجيل تروح المرور تاني يديك شهاده بيانات موجهه لاداره المرور التابعه لحضرتك
4- تخلص الاجراءات دي بسرعه علشان تستفيد ببراءه الزمه
3-تروح ادره المرور التابعه ليك وتطلب طلب مطابقه تروح تطابق بيه عربيك من جه المرور المسجله بيه وترجع تاني بالاوراق دي لمرورك وتنقل باسمك وتضمن حقك وكمان في الحاله دي لو العربيه كان عليها مخالفات مترحله من نيابه المرور بتسقط بالتبعيه عند نقل الملكيه يعني ممكن براءه الزمه تبقي صفر ولما تيجي تجدد بعد سنه تلاقي العربيه عليها 4 الاف جنيه وهاتدفعهم هاتدفعهم انما لو سجلت باسمك فانت في الامان وماعليكش حاجه
ماتقولش ان العربيه فيها رخصه سنه والا اتنين واشتري الغالي بالرخيص علشان الفتره دي الحقوق فيها ضايعه

اقتباس:

---

المشاركة الأصلية كتبت بواسطة xmanx51

ايوه لازم قبل ما تروح تسجل بتجيب شهادة بيانات عشان يحدد لو العربيه مسروقه او فيها حاجه لقدر الله
عمي بيتاجر في المستعمل وفي اغلب الاوقات بكون معاه لان بعشق العربيات واي حاجه فيها عربيات دايس فيها
اول حاجه بنكتب عقد كدا عادي بنثبت فيه عملية البيع السياره والمبلغ المدفوع والمتبقي وطريقة دفع المتبقي وفي كلام بيتكتب في العقد بخصوص تسليم العربيه واننا غير مسؤلين علي العربيه من لحظة كتابة العقد وطبعا بيكون في تاريخ علي القعد وبيتكتب كمان الشرط الجزائي في حالة الرجوع في البيع من احد الطرفين
طيب نيجي بقئ نكمل
العربيه بنجيب شهادة بيانات ليها وبنتكل علي الله ونروح الشهر العقاري نثبت عملية بيع العربيه ونسجلها باسم الملك الجديد وبكدا يقدر يغير الرخصه ويخليها باسمه في المرور وبعدين نقطع العقود الي معانا او لا برحته
وكان الله بالسر عليم

---

بس هنا فيه ثغره انك ماطابقتش رقم الشاسيه والموتور بلى فى الرخصه ودى لوحدها مشكله لان شهادة البيانات مفيهاش مطايقه فى حالة سريان الرخصه يعنى ممكن يكون مغير بلوك فى الموتور الى عليه الرقم و ربع فى الشاسيه بعد اخر ترخيص وانت تلبس لما تيجى تنقل الملكيه فى المرور وحتى بعد كمان ما تسجل فى الشهر العقارى وتسليمه الفلوس

اقتباس:

---

المشاركة الأصلية كتبت بواسطة mr_safwt

انا لما جيت اشترى عربيتى كان فاضل سنتين فى الرخصة الراجل قالى متجددش دلوقتى لسة فاضل سنتين قولتة لا ابدا لازم الرخصة تبقى باسمى وسجلت العقد فى الشهر العقارى وطابقت بصمة الشاسية والموتور باللى فى ملف العربية فى المرور بتاعها وعملت استعلام امنى فى المرور اللى تابعة لية العربية ورحت المرور بتاعى كمان خلونى اعمل استعلام امنى تانى من عندى وطلعت الرخصة باسمى كل دة والراجل اللى باعلى العربية معاى مسبوتش غير لما الرخصة بقت باسمى

اينعم طلع عينى فى اللف والبهدلة بس كدة ضمنت فلوسى

---

بس الفلوس كانت معاه صح بدليل انه سجلك فى الشهر العقارى ولو نصاب ومسك الفلوس قبل فحص المرور عشان نقل الملكيه ومغير موتور او جزء فى الشاسيه بعد اخر ترخيص ممكن يجرى ومش حتعرف تجيبه ومشاكل ووجع قلب

اقتباس:

---

المشاركة الأصلية كتبت بواسطة drmagieed

بص يا سيدي إللي أنا عملته في عربيتي:
أنا من المنصورة والعربية مرور عين الصيرة وإشتريتها من سوق مدينة نصر
يوم الجمعة دفعت 750 جنية مقدم وعملت عقد فية شرط جزائي 1000 جنية وخدن رخصة العربية وشهادة المخالفات.
يوم السبت روحت المرور وسألت علي العربية وإتأكدت إن بياناتها سليمة وأن الملف مش مرفوع (العربيات المبلغ بسرقتها ملفها بيترفع من المرور علشان ما يتمش عليها أي معاملات من ترخيص أو شهادات بيانات أو مخالفات وخلافة).
في نفس اليوم روحت الدراسة وإتأكدت إن السيارة مش مبلغ بسرقتها (زيادة تأكيد).
يوم الأحد روحت دفعى الباقي لصاحب السيارة (تاجر) وخلصت ورق العربية في الشهر العقاري.
ودمتم.

---

تمام فهمت بس هل العرف فى السوق تسليمك الرخصه بتاعت العربيه بمجرد دفع عربون هزيل وكتابة عقد ابتدائى؟؟؟؟؟

وكمان حضرتك ركزت على موضوع السرقه ورفع الملف ومجاش فى بالك انه ممكن يكون مغير بلوك فى الموتور او الموتور ذاته بعد اخر ترخيص وحضرتك تلبس بعد ما خلصت معاه كل الاجراءات عند الفحص لنقل الملكيه باسمك ...... صح ولا ايه؟؟

يبقى المفروض اول حاجه رفع بصمة الموتور والشاسيه قبل اى اجراء ومطابقتها بلرخصه وبعدين الاستعلام الامنى وسلامة الملف فى المرور وشهادة المخالفات من طرف البائع كده كل الثغرات مسدوده

بس يبقى سؤالين

الاول هو اى حد ممكن يستعلم عن سلامة الملف(مش الاستعلام الامنى) من الموظف المختص فى المرور بصورة الرخصه او اصلها ولا لازم صاحب العربيه؟؟؟

والتانى مين حيرفع البصمه بدون ما ندخل فى اجراءات رسميه ممكن فى بنزينه ولا ميكانيكى ولا الراجل الى بيقى واقف فى المرور وتديله عشرايه وتخلص ؟؟

سؤال عايز اجابه

اقتباس:

---

المشاركة الأصلية كتبت بواسطة hossam_elwani

تمام فهمت بس هل العرف فى السوق تسليمك الرخصه بتاعت العربيه بمجرد دفع عربون هزيل وكتابة عقد ابتدائى؟؟؟؟؟

وكمان حضرتك ركزت على موضوع السرقه ورفع الملف ومجاش فى بالك انه ممكن يكون مغير بلوك فى الموتور او الموتور ذاته بعد اخر ترخيص وحضرتك تلبس بعد ما خلصت معاه كل الاجراءات عند الفحص لنقل الملكيه باسمك ...... صح ولا ايه؟؟

يبقى المفروض اول حاجه رفع بصمة الموتور والشاسيه قبل اى اجراء ومطابقتها بلرخصه وبعدين الاستعلام الامنى وسلامة الملف فى المرور وشهادة المخالفات من طرف البائع كده كل الثغرات مسدوده

بس يبقى سؤالين

الاول هو اى حد ممكن يستعلم عن سلامة الملف(مش الاستعلام الامنى) من الموظف المختص فى المرور بصورة الرخصه او اصلها ولا لازم صاحب العربيه؟؟؟

والتانى مين حيرفع البصمه بدون ما ندخل فى اجراءات رسميه ممكن فى بنزينه ولا ميكانيكى ولا الراجل الى بيقى واقف فى المرور وتديله عشرايه وتخلص ؟؟

سؤال عايز اجابه

---

أولا يعني هيغير بلوكة ماتور ورقم شاسية وماركة ولون العربية .... دة شيئ صعب جداً ... وبعدين أن مال أخدتش الرخصة خدت صورتها بس ... تاني حاجة مافيش مطابقة للبصمة إلا بجواب من المرور إللي هترخص فيه بعد رفعها بمعرفته للمرور التابع ليه السيارة ... أما الإستعلام الأمني فأي حد ممكن يعمله ... لكن حكاية تغيير رقم الماتور ورقم الشاسية وماركة ولون وموديل السيارة صعبة ولو غيرت رقم منهم هتغير الباقي إزاي .... صعععععععععععععععععععععععع عععب