الى خبراء اللادا

**mada6680** · 19-04-2012 06:00 PM

كنت عايز اجيب لادا 2107 وكنت عايز اعرف هل الجديد منها بتسخن فى السفر والجو الحر و كمان الدركسيون برده تقيل زى القديم ولا لا؟

**MEKAWY2000** · 20-04-2012 12:39 AM

الادا لادا زى ماهى بس لو لقيت روسى يبقى افضل وانا سعيد ان ملاك الادا هيزيدو واحد

**hassanin_lada** · 20-04-2012 01:19 AM

الادا من 84 متغيرش فيها حاجه غير انهم شويه يوطوها وشويه يعلوها..هو الدركسيون معقول ولا تقيل خالص ولا خفيف زي الاسكترا..وتقريبا العربيه كويسه مش بتسخن يعني للدرجاتي..واكيد طبعا زي ماقال الاستاذ مكاوي الروسي افضل..بس بلاش البور في السفر

**yoyhmh** · 20-04-2012 10:19 AM

الموديلات العالية الدريكسيون عادى جدا مش تقيل ولا حاجة اما الحرارة طالما العربية متظبطة دورة التبريد عمرها ما تسخن------------تحياتى

**blazer** · 20-04-2012 04:03 PM

اللادا الروسى افضل
عشره 15 سنه معاها مسخنتش الحمد لله ولا مره
الردياتير نحاسى
ومياه حنفيه عاديه
كنت بزودها فى الشهر كوبايه
والمروحه كانت بتشتغل مع الثرموستات يعنى لما العربيه تسخن المروحه تشتغل وبعد كدا تفصل اما تبرد

الدركسيون تقيل بس لو شحمت العربيه كويس وزبطت ضغط الهواء فى الكاوتش المشكله هتبقى افضل
وتقبل الدركسون بيلاحظ و انت بتركن وفى السرعات اقل من 20 كم

**lad** · 20-04-2012 06:58 PM

اللادا هيا اللادا و بنسبة للسخونية انت ونصيبك انا بعت اللادا عشان قرفتنى فى حوار السخونية فى السفر وكل حاجة فيها كانت سليمة و عربيات تانية مبتسخنش

**MEKAWY2000** · 20-04-2012 08:16 PM

اى سياره لو دوره التبريد فيها مشكله لازم تسخن
سلامه الموتور مرتبطه بالحراره
يعنى الادا بالذات اهم حاجه فيها مراجعه دوره المياه
ريداتير نحاس3 ماسوره
طلمبه مياه سليمه
وصلات سليمه
ترمستاد90/80
زيت جيد والتغيير قبل الميعاد
تربيط عفشه كل 3شهور مع التشحيم
ضبط الفرامل
ضبط كهرباء
ضبط كار برتير
ضبط الكاوتش
بتساوى سياره ممتازه حتى لو رديئه السمعه

**mada6680** · 20-04-2012 11:03 PM

متشكر جدا يا جماعة على ردكم
بس كنت عايز اسالكم هوا انا محتاج اغير دورة المياه فى الادا يعنى الرديداتير النحاس دة ابو ثلاث مواسير بينزل فيها ولا انا الى بركبه والترموستات ده برده
الحاجات دى انا بركبها ولا بتنزل فيها؟

**MEKAWY2000** · 21-04-2012 01:19 AM

الادا بتنزل بريداتير الومونيوم 2ماسوره انت بتغيره بنحاس 3 ماسوره سعره فى حدود 400جم
الترموستاد نازل فيها 90/80

**lad** · 21-04-2012 01:58 AM

والله العظيم ريداتير 3 ماسورة نحاس جديد طلمبة جديدة خراطيم جديدة موتور فوق الممتاز كانت ماشية 60 الف بس زيت شيل الاصفر بيتغير قبل معاده مياه خضرا وكانت بتسخخخخخخخخخخخخخخخخخخخننن ننننننننننننننننننننننننن ننننننن ياعم العربيات على افى من يشيل مزنقتش اللادا وبرده بقولك ممكن تجيب واحدة متكونش بتسخن