بيرسونا ٢٠٠٩

**ff1980** · 19-04-2012 07:26 PM

اول حاجة انا حابب اتشكركن على المعلومات المهمة يلي عمتكتبوها بالمنتدى وحابب اسأل اصحاب الخبرة سؤالين:
ايه افضل نوع للتيل للبيرسونا 2009 مع العلم اني صرت ماشي ٣٠ الف كيلو بس بكرا رايح اغير التيل لأن حاسس الفرامل صارت ضعيفة وانا ماعنديش فكرة حيغيروا الامامي ولا الخلفي بس اعتقد حسب المسافة الخلفي؟
السؤال التاني:
افضل نوع زيت ايه للمحرك لأن حسب ماقريت بالمنتدى ان الكل بيشكر من كل الانواع ؟؟
وبالنسبة للمصروف انا عيرت السيارة وبتعمل معاي ١٦٥ مع العلم ان السيارة اتوماتيك بس انا عاوز اعرف اطلب من الميكانيكي يفحص ايه عشان نحسن المصروف؟؟؟

مع الشكر الجزيل لكم

**Raul_7** · 19-04-2012 08:19 PM

يا هلا بأهل سوريا, يا رب تكونوا بخير.

أفضل تيل امامي اسمه Bosch وانتاجه ايطالي وبينزل أصلا لفيات بترا....الخلفي يقال إن أحسن نوع الماليزي بتاع التوكيل.

فيه نوعين تانيين بيتباعوا في ماليزيا لو لقيتهم يبقى كويس جدا, اسمهم Trestor و Bendix, بينزل منهم امامي وخلفي.

أفضل نوع زيت للموتور من خلال تجربتي الشخصية Castrol Edge, وفيه أنواع تانية كويسة زي Valvoline, بستعمله حاليا, و Liqui Moly.

آخر سؤال أنا مش فاهمه بصراحة. :)

**ff1980** · 19-04-2012 08:26 PM

مشكور اخ raul
الحمدلله نحن بخير ...
بالنسبة للسؤال الأخير كل اللي سألتهن عن المصروف اكدولي انها بتعمل معاهم اكتر من ١٨٠ بالتنكة بس معاي بتعمل ١٦٥ كلم بالتنكة عشان هيك انا حابب افحصها عند ميكانيكي بس محتار اقلو يفحص ايه؟؟

**moh2015** · 19-04-2012 08:37 PM

حضرتك تقصد بالتنكة (صفيحة بنزين 20 لتر)؟
عموما استهلاك البنزين ده بيعتمد على اسلوب القيادة و الظروف اللي بتقود سيارتك فيها
بمعنى ان لو حضرتك بتزيد عن 3000 لفة/دقيقة و بتمشي على سرعات عالية اكيد هاتستهلك اكتر
و لو حضرتك بتقود السيارة كثيرا في الزحام اكيد هاتستهلك اكتر
انا احيانا الصفيحة بتعمل معايا 130كم
لو حضرتك قيادتك هاديه و مش في الزحام ممكن تغيير فلتر البنزين يحل المشكلة

**ff1980** · 19-04-2012 08:41 PM

بي سؤال اخير الله يخليك شو نوع التيل الاساسي الخلفي ؟
مشكووووور جدا جدا

**ff1980** · 19-04-2012 08:43 PM

مشكوووور جدا
بس سؤال اخير الله يخليك هوة نوع التيل الاساسي الخلفي ايه؟

**moh2015** · 19-04-2012 08:56 PM

للأسف مليش تجارب مع التيل عشان عربيتي لسه مكملتش 5000 كيلو
بس بيتهيألي Bosch
خد بنصيحة الاخ المحترم Raul_7
و ربنا يوفقك

**moh2015** · 19-04-2012 08:58 PM

للأسف مليش تجارب مع التيل عشان عربيتي لسه مكملتش 5000 كيلو
بس بيتهيألي Bosch
خد بنصيحة الاخ المحترم Raul_7
و ربنا يوفقك

**Raul_7** · 19-04-2012 09:16 PM

المشاركة الأصلية كتبت بواسطة ff1980

مشكوووور جدا
بس سؤال اخير الله يخليك هوة نوع التيل الاساسي الخلفي ايه؟

Bosh ألماني بس غالي جدا, يعني هنا بـ 900 جنيه خلفي والامامي كذلك نفس السعر.

**Doo7aa** · 19-04-2012 11:01 PM

انا مش عارف التنكه دى اللى هى الصفيحه ولا التانك كله
بس عمتاً لو التانك كله تبقى مصيبه فانا اعتقد ان قصدك الصفيحه
و ان شاء الله الاعضاء هيفيدوك أكتر فى موضوع البنزين ده
هو كان فيه مواضيع عاملها الاستاذ توت بس للجين 2 معرفش البيرسونا تختلف ولا لا