عاوز أغير الكاوتش بتاع اللوجان منيين ؟؟
و الأنواع و الاسعار لو حد غير و يقدر يفدني أعمل ايه و عاوز أعرف الانواع بأسعارها و الأماكن الكويسة عاوز أغير الأربع فرد كلهم لان العربية عاملة 60.000 كيلو
شكرا
عاوز أغير الكاوتش بتاع اللوجان منيين ؟؟
و الأنواع و الاسعار لو حد غير و يقدر يفدني أعمل ايه و عاوز أعرف الانواع بأسعارها و الأماكن الكويسة عاوز أغير الأربع فرد كلهم لان العربية عاملة 60.000 كيلو
شكرا
بريدجستون منزلة حاجات جامدة زي بوتنزا و موديلات كتير بس غالية .. انت عايز نفس المقاس ولا اكبر
ياريت حد يفيدنا عشان أن كمان هغير الكاوتش قريب
متابع
ماهو اسعار الموديلات بتختلف بالظبط زي اسعار الموبايلات .. وده انت بتحدده علي حسب استخدامك .. يعنى انا مثلا استخدامى للعربية سفر .. ف باهتم بكاوتشات تتحمل سرعات عالية و ماتفرقعش وكل واحد واحتياجاته .. أدخل علي موقع بريدجستون واتفرج ع الموديلات واستخدام كل موديل و سعره .. اما بالنسبه لمقاساته ف هى نفس مقاسات كاوتش اللوجان .. 15 * 68 * 185 .. 15 بوصة ( الجنط) .. 68 ارتفاع الكاوتش .. 185 عرض الكاوتش الملامس للارض .. بنحطهم ف معادلة كما يلى :
((185 * 0.65 ) / 25 )* 2 + 15 = 24.6 (معامل الكاوتش) .. وده ثابت للوجان يعنى لو حبيت تغير حاجه ف الكاوتش سواء عرض الكاوتش أو ارتفاعه او مقاس الجنط لازم لما تحط المقاسات ف نفس المعادلة السابقه يجب الحفاظ علي المعامل ثابت او اقرب رقم له عشان تحتفظ بأفضل ثبات وعزم للعربية
كنت سئلت علي نفس المقاس لعربيه النترا
185/65/15
لاقيت البريدجستون ياباني ب580 جنيه الفرده بوتينزا gr90
البريدجستون التايواني كان تقريبا ب480
هانكوك كوري ب430 جنيه الفرده optima
كومهو فيتنامي ب380 جنيه
اما مقاس 195/60/15 لو يركب عندكم
هيبقي البريدجستون ياباني ب660 الفرده
الهانكوك الكوري 460جنيه
الكومهو ب430 جنيه
تسلم ايدك ع الاسعار يا دكتور .. و علي فكرة المقاس الجديد اللي انت قولته يركب ع اللوجان و يدي نفس العزم والثبات .. انا عاجبنى جدا جدا البوتنزا اليابانى بس لسه بدري ع تغيير الكاوتش انا يادوب 7000 كيلو .. انصح بالبوتنزا لاخونا احمد المصرى صاحب الموضوع ( كل سنة وانت طيب يا حاج)