هو حضرتك للأسف أنا معرفش سفارة الكويت فين بس لما بحثت على جوجل عرفت انها فى الدقى فى شارع أسمه نبيل الوقاد
فعلى فرض صحة الكلام ده هوصف لحضرتك إزاى توصل الدقى لكنى معرفش غير نبيل الوقاد اللى فى مصر الجديده
بص ياسيدى
حضرتك طلعت من الزقازيق وعديت منيه القمح وبنها ومسكت الزراعى ووصلنا بمشيئة الله للدائرى هتروح طالع حضرتك أول فتحه للدائرى اللى هى بتاعة أسكندريه الصحراوى وقبل المحور هتلاقى اليفط بدلك هتاخد المحور بس الإتجاه التانى اللى هو بتاع ميدان لبنان هتلافى اليفطه مكتوب عليها ميدان لبنان الأمور واضحه متقلقش
هتخليك مع المحور لأخره أنت كدا فى ميدان لبنان هتطلع من شارع لبنان لشارع شهاب لجامعة الدول ولغاية هنا وبس علشان نشوف نبيل الوقاد ده فين وبعد كدا نكمل
أما لوحضرتك عايز تمشى من غير دائى ولامحور هتكمل على طول ومتطلعش الدائرى وقبل المؤسسه هتلاقى طريق الكورنيش خليك معاه على طول لغاية ماتوصل كوبرى قصر النيل اللى هو بعد ماسبيرو اللى عليه الأسدين هتطلع حضرتك الكوبرى وتعدى الناحيه التانيه وتسيب الأوبرا والشيراتون وتكمل وعند قسم الدقى أقف وإسأل من البدايه وشوف نبيل الوقاد ده فين
بس طبعاً متنساش تتأكد إن العنوان صح فى البدايه عن طريق التليفون لإن ممكن يكون مش مظبوط
أتمنى إنى أكون أفدتك وتوصل بالسلامه إن شاء الله
المفضلات