كورولا ولا لانسر ولا النترا ارجو المساعدة

**enggeorge** · 20-04-2012 06:57 AM

ياريت حد يساعدنى انا بعت عربيتى الدوجان ومحتار اجيب ايه فى العربيات دى
كورولا 2009 خليجى يابانى اوتوماتيك من غير فتحة جنوط abs airbagعاملة 59000 كم ومطلوب 121000 جم
لانسر هاف سبورت 2009 نفس مواصفات كورولا ماشية 20000 كم مطلوب 100000 جم
النترا اتوماتيك اول فئة تكييف تتش من غير جنوط ماشية 15000 كم مطلوب 88000 جم
اختار ايه فى التلات عربيات دى انا محتار على الاخر مع العلم ان العربيات دى مع اصحابها مش مع تجار اسف على الاطالة

**enggeorge** · 20-04-2012 07:19 AM

نسيت اقول الانسر بومة مش شارك

**Sehsss** · 20-04-2012 10:52 AM

كورولا

**adel1212** · 20-04-2012 11:19 AM

الحالة اولا وثانيا
* اللانسر
* الالنترا
* الكورولا
تحياتي

**Unendlich** · 20-04-2012 11:41 AM

كورولا
بس لو عايز options أعلى و موتور أقوي و يبقى في نفس الوقت الفتيس ال auto التقليدي هات 2010 جنوب أفريقي

**Screenplays** · 20-04-2012 12:38 PM

كورولا بس خلي بالك من موضوع الفتيس الام ام تي و اتأكد انه متظبط في التوكيل

**Dawns_Mist** · 20-04-2012 04:30 PM

لانسر بومة 100 ألف غالي عليها أوي يا أفندم ... إحنا بايعين في طنطا 2009 ماشية 30 ألف كيلو هاف سبور نضيفة جدا بـ 80 ألف جنيه .... أنا مش عارف إزاي صاحبها بيتكلم في 100 ألف ... أنا كنت سايق الشارك و حودت على تاجر عربيات بالصدفة كده و سألته على سوقها مع إن العربية حالتها ممتازة و قالي 110 ألف بالكتير ... يبقى إزاي البومة 100 ألف !!!

كورولا حلوة بس 60 ألف كيلو من 2009 ماشيه كتير بالتالي أشك إنها حالتها حلوه بالتالي برضه 120 ألف سعر غالي عليها لإن الزيرو بتاعها دلوقتي من الفئة دي بـ 145 !!!

إلنترا أكيد بتتكلم عن الشكل القديم 2009 سعرها معقول نسبيا مقارنة بالباقيين .. لكن ماتتقارنش لا بالكورولا ولا بالانسر ... لو عايز عربية تمشي معاك كويس سنة و سنتين و تبيعها بسهولة هات إلنترا .. لكن لو عايز حاجة تعيش بنفس الكفائة استنى لحد ماتشوف الياباني ...

* اعذرني ... كل الاختيارات دي مش عحباني أبدا ... ممكن تستنى شوية و تدور على شارك 2010 هاف سبور و هتوفر معاك عن الكورولا كمان ... أو تدور على حاجة زيرو في حدود 120 ....

**limo** · 20-04-2012 05:06 PM

انا شايف ان اسعار الانسر والكورولا غاليه جدا جدا
يعنى الكورولا كانت زيرو ورقتها خليجى ب142 الف جنيه يعنى سوقها مستعمل يوصل دلوقتى 110 بالكتير
الانسر كانت زيرو 115 هاف سبورت على اعتبار انها فعلا هاف سبور زى ما الكتاب ما بيقول يعنى مش كلاسيك ومضاف ليها كماليات لو جينا بتكلم على سعرها دلوقتى تعمل 90 الف بالكتير اوى اوى اوى
الانترا عربيه حلوه على فكره ومعمره انا اعرف واحد معاه 2008 وشغاله سفر بين المحافظات وعامله فى العداد اكتر من 600 الف كم ولسه مفتحتش متور
انا راى فى حدود المبلغ الى معاك ده هات زيرو لانسر او انترا او سيراتو وهتبقى انت الكسبان

**enggeorge** · 21-04-2012 01:35 AM

شكرا لكم جميعا على الردود دى بس انا حبيت اقول انى انا شلت من دماغى الانسر لانها غالية جدا
اخويا شارى لانسر السنة اللى فاتت سبورت ماشية 68000 كم ب 90000 جم
انا حصرت المقارنة بين كورولا والنترا بس انا اعرف واحد صاحبى جايب كورولا خليجى 48000 كم ب 119000 نفس مواصفات اللى انا شوفتها
ومعلش انا قدامى عربية تانية كورولا 2009 هاى لاين تزيد فتحة سقف وملتى فنكشن وسبويلر مطلوب فيها 128000 ماشية 27000 كم بس هى عند تاجر وانا بخاف من التجار لو انا عايز اخدها واتاكد ان مش ملعوب فى عدادها اعمل ايه علما بان كل العربيات اللى انا قلت عليه قبل كده مع ناس معرفة
اسف للاطالة