الموضوع: تقييمى الخاص للسانديرو 2012

المشاركة الأصلية كتبت بواسطة legallypink

الحمد لله اشتريت سانديرو هاف اوبشن2012 بعد ما بععت حبيبتى(السوزوكى التو)...و دى ملاحظاتى عليها بعد 600 كم...
اولا المميزات:
1-شكلها جميل و جذاب و لونها بصراحة عاجبنى موت(انا جايبة نبيتى)
2-العربية ما شاء الله واسعة و مريحة و عفشتها ناعمة و اهم حاجة انها عالية عن الارض (حاسستنى انى كنت راكبة معزة قبل كدة)!
3-الثبات بتاعها ممتاز...ودة يمكن علشان الكاوتش مقاس 15

ثانيا بعض الملاحظات(مش هقول عيوب)
1-طبعا زى ما توفعت التكييف متلخبط اخر حاجة و حجزت فى التوكيل يوم الحد الجاى ان شاء الله علشان يظبطوة(رغم انى مش قادرة تفهم ازاى لسة العربية بتنزل بنفس المشكلة رغم كل الشكاوى دى)

لسه بدري على التكييف حضرتك يدوب عاملة 600 كيلو

2-مشكلة سخونة الدواسات مش موجودة بس فى سخونة من تحت الكاسيت(الظاهر انهم بدلوا ):c_laugh[1]:

دي عندي فى اللوجان برضه

3-فى رعشة فى الفتيس و دواسة البنزين..بس اعتقد من كلامكو ان كل الرينو كدة

مش كل الرينو، بس كل اللوجان والسانديرو...

4-السماعة اليمين فيها زنة هقولهم عليها فى التوكيل
5-مش عارفة انا بهلوس ولا اية بس بسمع صوت الكبالن بتقطق فى الملفات:u_thin1[1]:معقولة!

لا ثواني بقى..ايه نوع الطقطقة وبتحصل كتير ولا ايه؟

6-الكواليتى بتاعة الخامات المصنوع منها التابلوة رديئة شوية

بالعكس، يمكن من مميزات اللوجان والسانديرو ان خاماتهم حلوة عن العربيات اللى فى الفئة دي

7-اتصدمت لما عرفت من الفيس بوك ان واحد غير الفتيس ب 9000 جنية...ربنا يستر(عموما انا دخلتلها جمعية..ماحدش عارف)

ربنا يسترها، انا عامل 50 ألف وحتى الآن كله تمام ولله الحمد

عموما العربية جميلة و سواقتها مريحة و ان شاء الله هتابع معاكو و انا تحت امركوا فى اى سؤال عن العربية

ألف مبروك، وربنا يباركلك فيها وييكفيك شرها،

المشاركة الأصلية كتبت بواسطة legallypink

شكرا لحضرتك على الرد...صوت الطقطقة سمعتة مرتين تقريبا و انا بلف الدركسيون و العربية واقففة

كوبلن دي صعبة أوي..أعتقد ممكن تكون حاجة فى علبة الدركسيون
بس عامة الأفضل نسيبنا من التوقعات والفتي وتطلعي ع التوكيل وهما يظبطو الدنيا،