افيدونى فى رحلتى الى تركيا

**Dora** · 20-04-2012 11:26 AM

السلام عليكم

ان شاء الله انا صدد لقيام برحلة لتركيا رحلة سياحة ياريت بليز اللى راح هناك يفيدنى بأية احسن المناطق و الفنادق و الأماكن السياحية اللتى يمكن زيارتها و كمان الأسواق هناك وما هى أحسن الأوقات اللتى يمكن الزيارة فيها علما بأننى قررت ان اذهب بعد رمضان ان شاء الله فهل الجو فى هذا الوقت مناسب ام لا ؟

**abou-yahia** · 27-04-2012 02:55 PM

انت رايح فين في تركيا

**Dora** · 27-04-2012 11:38 PM

انا بسأل اروح فين يعنى اسطنبول ولا مدينة ثانية وظروف البلد ايه ايه الأسواق اللى تتراح و الأماكن و الفسح

**Hossam_Hassan** · 28-04-2012 01:14 PM

لو عاوز اسواق و فسح يبقى اسطنبول، لو عاوز بحر و فسح اقل، يبقى كوشاداسا او انطاليا.

الفسح فى اسطنبول على كل شكل، تسوق هتلاقى، بازارات و توابل و دهب هتلاقى، اثار هتلاقى، رحلات بحرية هتلاقى، البلد نضيفة جدا، الناس لذاذ و بيعرفوا يعاملوا السياح، المواصلات متاحة و نضيفة، الأكل و الأقامة على كل شكل و حسب مقدرتك.

**Dora** · 29-04-2012 04:07 AM

شكرا للمعلومات
بس السفر فشهر سبتمبر الجوهناك هيكون كويس ولا ايه؟؟

**Hossam_Hassan** · 29-04-2012 09:26 PM

ان شاء الله هيكون حلو جدا، مش حر زى مصر و ان شاء الله تنبسط و ترجع بالسلامة

**hanyhamer** · 30-04-2012 10:11 AM

اتمنى لك اجازة سعيدة بس لما ترجع بالسلامة انشاء الله لازم تحكلنا عن الدنيا هناك عاملة اية

**funy76** · 30-04-2012 10:27 AM

تركيا في اخر شهر 9 واول شهر 10 رائعة بكل المقاييس لو عايز بحر روح انطاليا المدينة رائعة بحر وطبيعة ورحلات بحرية وشلالات في منطقة داداي وفسح وناس حلوة .

لو عايز مدينة وزحمة وتسوق وفسح روح اسطنبول مليانة فسح من تسوق في مولات كبيرة زي مول جواهر او السوق المصرى او منطقة استقلال من أشهر الشوارع اللي ممكن تتسوق منها في اسطنبول زائد فيها كافيهات ومطاعم لو عايز رحلات بحرية روح جزيرة الاميرات ورحلات البسفور لو عايز .. ورحلات بالباص السياحي تشوف فيها كل معالم اسطنبول وطبعا مسجد اية صوفيا والسلطان أحمد

وعايز اطمنك ان المواصلات هناك من أسهل ما يمكن وبكل الأشكال من مترو وترام وتاكسي واتوبيس .

وتروح وترجع بالسلامة .