الموضوع: البطارية اتكسرت هل يوجد حل ؟؟؟

ازى حصل كدا اصلا؟؟؟؟؟

المشاركة الأصلية كتبت بواسطة vip6

اخوانى الكرام

انا عندى بطارية ادلر المانى ميه وللاسف اتكسرت من قدام فى الربع التانى من تحت شويه والعربيه بدور بيها عادى جدا ولكن حبيت اروح الحمها فروحت عند واحد بيبيع بطاريات وقالى لو اتلحمت هتفك علشان ميه النار بتاكل اى حاجه وممكن تدفع 220 جنيه واديك بطارية جديده زيها او 460 واديك بطارية جافه نوع فارتا ، برغم ان بطاريتى الى اتكسرت دى جديده وعدى عليها حوالى 3 او 4 شهور بالكتير اوى

ايه الحل او ايه وجهه نظر حضراتكم ؟؟؟

مع العلم ان حجم الثقب الى فيها حوالى 2 سم

ولكم جزيل الشكر

لو الكسر عيب منك يبقي ملكش في الضمان

لو الكسر عيب صناعه يبقي طبعا ليك حق و تستبدلها و تدفع استهلاك ال 3 - 4 شهور

في حاله ان العيب حصل منك و عاوز تلحمها .. انا جربت الموضوع ده في بطاريه نسر - فارتا و كانت جديده بقالها شهر و دخل فيها من تحت مسمار 13 خرمها بسبب حادثه ....و طبعا كان عندي حد كويس جدا جدا وواثق فيه .. و تاني يوم اللحام فك و الميه فضيت .... موضوع اللحام مش حينفع .

بس رحت شركه نسر - فارتا .... و خدوها مني و دفعوني 75 فقط و كتبوا في الفاتوره تمن صندوق و ادوني واحده جديده .....بس ده عشان بتتجمع هنا .

حاول مع الوكيل ....يمكن .

بتتلحم عادى جداً وبكل بساطة والتكلفة 10 جنية فقط.
1_شوف آى بطارية قديمة وخرج ورقة من الورق العازل ما بين اللوح السالب والموجب(أو آى ورق مقاوم للأحماض)
2_ قص قطعة أكبر من الفتحة أو الشرخ
3_ضع القطعة على الفتحة وأغمرها بمادة لاصقة(أنبوبتين بينخلطوا ببعض) عند السباك بحوالى 8 جنية
ملحوظة:المادة تجف بعد 24 ساعه على الأكثر وتكون مخرج البطارية لتصبح الفتحة أو الكسر فى وضع أفقى ومستوى، وإن شاء الله هتكون أقوى جزء فى البطارية.
ولا عزاء للإستغلال

المشاركة الأصلية كتبت بواسطة tarek_2005

اللحام لن يفيد لانك لابد من ان تفرغ البطارية من الحامض ودا لوحده كافي لتلف البطارية استعوض ربنا فيها وهات واحدة جديدة جافة

مين اللى قال هذا يا أستاذنا طارق( لا تقلق)
وملحوظة عن أخوك هى دى الحاجة (البطاريات) الوحيدة اللى كانت عندى سابق خبرة فيها فى العربيات

وبالنسبة لتفريغ البطارية يتم الحفاظ علية (الحامض) فى وعاء نظيف ثم يتم التعبئة منه للبطارية مرة اخرى بعد اللحام ويتم تعويض الفاقد بمية 30 بلغة الصنايعية (من عند أى كهربائى أو منظفات) وأسمه حامض نيتريك معلومة تفصيلة( بنسبة 1300 آى لتر حامض مع 3 لتر ميه)
متشغلش بالك بالتفاصيل دى وأذهب لآى كهربائى وهو هيزودهالك.
وبثقة وعن علم البطارية مثل الأول تماماً.
ملحوظة فنية للجميع:
عند ملاحظة نقصان المياة فى آى عين فى البطارة أقل من واحد سم فوق الألواح يتم التعوض بالماء فقط (مقطر إن أمكن) ولا يتم تعويضة بالحامض.
وهذا لأن الذى ينقص هو الماء بفعل التبخر والحامض يتركز فى الألواح.
يتم قياس ذلك بالهيدروميتر والنسبة الصحيحة1300

وجهاز لآى إستفسار فى (البطارية فقط) والحمد لله إنى لقيت فرصة أقدر أرد الجميل فيها لهذا المنتدى ولكل الأعضاء الكرام الذين تعلمت منهم الكثير

آسف على التأخير يا أ/ طارق
بالنسبة للرواسب فهذا منطقى وعلمى جدا ، وهذا يكون فى حالة إن البطارية قديمة (سنة على الأقل) .
وإذا كان خارج الدينموا (الشاحن) جيدا(14) فالبطارية ممكن تعدى الـ 3 سنين بدون أدنى مشاكل.
علاة حضرتك على إن الرواسب بتون فى صورة شبة بودرة وليست قطع تتسب فى وسيط بين الموجب والسالب ، وتتركز الرواسب بقاع البطارية وهناك مسافة لا تقل عن 2 سم بين نهاية الألواح وبداية القاع(وهذا الوصف لا يكون إلا فى البطاريات القديمة أو المحمل علية بسبب تلف أو ضف فى الشاحن(الديناموا).
_ أما بخصوص البطارية الخاصة بحديثنا فهى كما يقول اخونا vip6 فهى جديدة . فأكيد إن شاء الله الرواسب هتكون بسيطة ، ويمكن للطمأنينة أكثر يتم ملئ البطارية بماء مقطر(غسيل) ثم إفراغة ثم اللحام ثم وضع الحامض الذى كان بها فهو بمثابة (سنتيبن الرضاعة من الأم لطفلها) ثم تكملة الناقص بحامض (30) .
وإن شاء مثل الأول.
وسعيد بالمناقشة مع حضرتك.