السلام عليكم و رحمه الله و بركاتهكنت عاوز اغير فلتر البنزين و قولت بالمره احط منظف الرشاشات بس لقيت الناس بتقول بلاش و احترت مع اني كنت مستني اجربه علي احر من الجمر و متوقع النتيجه الهلاميه :first:
ازيكم يا نجوم
لقيت في السوق ABRO و لقيت Prestone....الراجل كان عنده STP بس خلص....ايه رايكم؟
يعني هل ممكن يكون مجرد ملوش فايده ولا ممكن يكون له سلبيات !!!! :U_thin1[1]:
شكرا يا نجـــــــوم :16:
بالنسبة ليا بستخدمه مفيهوش اي مشاكل الحمد الله بل بالعكس السحب اتحسن و استهلاك البنزين اتحسن بشكل ملحوظ
افضل الانواع ستب الامريكي stp و ليكوي مولي الماني الناس بتشكر فيه لكن مجربتوش الحقيقة
سعر ستب حوالي 25 ج و سعر ليكوي مولي اخر مرة سألت 35 ج
عايز تجيب ستب جيبه من بنزينة سمايل اللي في وطنية هتلاقيه علبة سودا و ليها عنق طويل و اتأكده طبعا انها متبرشمة طريقة فتحها تضغط ع الغطا لتحت و تفتح و انت ضاغط عليه
شروط الاستخدام تكون هتغير زيت الموتور بعد استخدامه لأن بعد التنضيف كل البلاوي ديه هتتنزل في الزيت القديم
طريقة الاستخدام تملي التانك حوالي تلت ارباع يعني في حدود 30 لتر و تفضي عليهم العلبة كلها و تاخد العربية فحت و ردم مشاوير ويفضل التفولة ديه تخلص في يومين بالكتيير طول ما انت ماشي تحرق ع الغيارات بمعني
لو التاني عندك اخره 50 انت جيب بيه 55 و هكذا ع كل نقلة و طبعا الرابع او الخامس اوبن بوفيه هههههههه
و ده لأنك لما بتحرق الرشاشات بتبخ البنزين و المنظف الممزوج أقوي فبينضف البلاوي المتكونة علي الرشاشات
قبل ما التانك يفضي و العلامة تبقي قربت ع الشرطة الاخيرة تحط بنزين و تمشي عادي بقي مفيش اي مشاكل من غير حرق ع الغيارات
بعد ما خلصنا الليلة ديه نعمل ايه ؟؟؟
هتعمل الآتي يا باشا :
تغير زيت الموتور و الفلتر عشان كل البلاوي هتكون نزلت في الزيت ده
تغير او تنضف فلتر البنزين
تفك البوجيهات تنضفها او تغيرها لو ميعاد تغييرها و تنضف مكانها بالهوا المضغوط
تنضف فلتر الهوا او تغيره ع حسب
تنضف البوابة من البلاوي اللي هتكون فيها
و جرب العربية بعد القصة دي ان شاء الله و ادعيلي
هتلاقيها بتجري منك لوحدها السحب هيتحسن اكتر من الأول و العربية هتبقي فايقة معاك
استهلاك البنزين هتنزل تبوس كاوتشات و مرايات العربية ان البنزين يخلص هتطلع لسانها و تقولك لأ ههههههههه
هتحافظ ع الرشاشات بدل ما تضطر تغيرها كلها و وجع دماغ
و خلي بالك منظف الانجيشكن مرة شركة تقول كل 2000 ك تستخدمه و مرة شركة تقول كل 3000 ك و مرة كل 5000 ك و مرة كل 7000 ك و المقصود استخدامه بشكل دوري
لكن بالنسبة ليا انا مبمشيش ورا الكلام ده انا بستخدمه لما أحس بفرق ان السحب ضعف و الاستهلاك عالي و العربية مكتومة شوية و مفيش اي سبب اخر
لأن المادة ديه قوية ممكن تأثر ع دورة البنزين لو تم استخدامها بشكل دوري و الله اعلم فتجنبا لده باستخدم المنظف لما احس بفرق زي مقولت
و فيه مادة اقوي من منظف الانجيشكن كمان و ديه اللي فعلا يكفي استخدامها مرة كل سنة لكن انا معنديش استعداد اغامر و اجربها هي منظف دورة البنزين كلها
و بالتوفيق يا باشا
انا منبهر الصراحه.....كالعاده يا استاذنا كلماتك ليها طابع خاص في الاسلوب و الدقه و الاستيفاء.....انا لو قالولي البتاع ده هيفوت الموتور هستخدمه بردو عشان خاطر ردك الجميل ده.......بس عندي كام استفسار.....سمعت قبل كده انه المفروض اغير فلتر البنزين قبل استخدام المنظف عشان مياخدش الشوائب الموجوده في الفلتر القديم و يوديها ع الرشاشات.......بالنسبه لتنظيف مكان البوجيهات بالهوا....انضف و البوجيه مفكوك؟؟؟؟ لو اه طيب مش كده هدخل تراب ع الموتور؟؟.....بالنسبه لتنظيف البوابه كنت ناوي اعمله بردو بس مش عارف نوع الاسبراي.....عاجز عن الشكر!!!!
اقتباس:
المشاركة الأصلية كتبت بواسطة m7mda7md
الله يكرمك يا باشا هو انا عملت حاجة كفية دوختك معايا في الساوند سيستم هههههههههه
بالنسبة موضوعنا هقولك حاجة لو شاكك و لو بنسبة 0.1 % انه ممكن يضر يبقي متعملش حاجة
و ممكن تغير الرشاشات مباشرة لو عايز عشان تكون حاجة أضمن طالما واثق انك هتشتري حاجة أصلية و نضيفة
بالنسبة موضوع فلتر البنزين اللي قالك الكلام ده بصراحة انا ضحكت لسبب بسيطة يعني البنزين رايح جي مش هيودي الشوائب و المنظف هو اللي هيوديها طبعا كلام غير منطقي و الاصح اننا نغير او ننضف الفلتر بعد استخدام المنظف مش قبل استخدامه
و بمناسبة الحتة دي جربنا حاجة جديدة و طبقها hm414 في عربيته خلي العربية تمشي بفلترين بنزين بمعني واحد زي مهو ورا العجلة ورا و التانية قدام عند الموتور في الحوض بس فلتر شفاف
و بالتالي اللي مش هيتفلتر في اللي ورا هيدخل ع الفلتر التاني و يتفلتر غصب عن عينه هههههه و طبعا مفيدة لو العربية كربراتير لأننا كانجيشكن بطبيعة الامر اول ما تدور الكونتكت ربع لفة بيجي أمر ان الرشاشات تسحب بنزين من التانك لكن الكرابرتير لازم يكارك و يعتمد ع البنزين الموجود في الكرابرتير فالميزة ان بتخلي البنزين موجود في الفلتر جنب الموتور عالطول فيبقي اسهل في الدوارة
بالنسبة تنظيف مكان البوجيهات انت بتنضف الفتحة سواء بالهوا المضغوط و بحتة قماشة والبوجهات في مكانها و بعدها بيتشال البوجيهات و بيتم تشغيل المحرك كام لفة بالمارش عشان كبس المحرك ينضف مكان قلاووظ الشمعة في وش السلندر و بعدها بتركب الجديد بس يفضل واحد يعملهالك و ممكن تكتفي بتنضيف مكان البوجيه بالهوا المضغوط او حتة قماشة و البوجيه في مكانه طبعا
بالنسبة البوابة بتتعمل بمنظف كربراتير بس خلي بالك منه و اوعي ينزل اي جزء في العربية لأنه مرعب فعلا و قوي جداااا عشان كده بيستخدم في التنضيف الخارجي بس للكربراتير
الحاجات ديه كلها ممكن ميكانيكي يظبطهالك
و بالمناسبة بقي انا لقيت كينوود 500 عند سبير كار بـ360 جنيه بدور ع بايونيير 400 تايلاندي مش لاقي عشان عايز 400 :(
دوخه ايه بس يا كبير.....نروح فين فيك بس ......... نسبه الخوف اكتر من كده بكتير بس الطمع في النتيجه مغري جدااااااا.....انا هنفذ الحوار ان شاء الله و اي خساير هدفعك تمنها ههههههههههههههههههههههههه ههههه......ان شاء الله هنضف البوابه بنفسي لأني لا اثق بأي صنايعي اطلاقا.....انا لو منك هاخد الكينوود ال 500 علي طول بس اتأكد انها اندونيسي و سعرها كويس جدا علي فكره
طيب انا يا بشمهندس مع الاسف غيرت فلتر بنزين وغيرت بوجيهات وغيرت زيت موتور شل الترا 10000
من أسبوع
فهل ينفع انى احط منظف الرشاشات وبدون ما اغير الحاجات المذكورة دي تاني ولا لازم اغيرها بعد المنظف
هههههههههه توكل ع الله و جرب و انا مش مسئول يا عم انت تعمل الحاجة غلط و تقولي انت السبب ههههههه و لا هعرفكاقتباس:
المشاركة الأصلية كتبت بواسطة m7mda7md
و اي استفسار قولي بس و انا مش هعرفك برده ههههههههه لا بجد اي سؤال اتفضل
بالنسبة الكينوود بصراحة معرفش كان اندونيسي و لا ايه بس هشوف و قالي هيجي الـ400 وات كمان لكن بصراحة لما سمعت الاتنين لقيت البايونير في النقاء احسن و في البيز الكينوود احسن و خاصة اني احط معاه صب يبقي البايو افضل فالاتنين يوازنوا متعرفش مكان الاقي فيه بايونيير 400 وات تايلاندي أصلي و اعرفه ازاي محفور يعني و لا مطبوع و لا ايه القصة و لو ملقتش تايلاندي اجيب ايه ؟؟
اقتباس:
المشاركة الأصلية كتبت بواسطة muslim_nsb
للأسف يا باشا الباقي تقدر تستخدم المنظف و تطلعهم تنضفهم لكن المشكلة في الزيت لأن كل البلاوي اللي متعبية ع الرشاشات هتنزل في زيت الموتور و بالتالي الفلتر
استني لما تكون هتغير الزيت ان شاء الله و اعملها
ياما الحل التاني تنضفهم بجهاز الالتراسونك بس الحوار ده هيدخله في حوالي 200 ج و يمكن اكتر و اللي عندهم الحوار ده في مصر يتعدوا ع الصوابع
فلو مش حاسس بمشاكل و لا عديت الـ100 الف و مش مستعجل اصبر لما تقرب تغير الزيت ان شاء الله و نضف
بالتوفيق ان شاء الله
اوك يا استاذنا يا منورنا...انا بصراحه الفكره مشعشعه في دماغي و ربنا يستر
بالنسبه لتنضيف البوابه انا جاتلي فكره لطيف
عشان الاسبراي ميدخلش جوه الموتور هركن العربيه مايله
يعني طريق مش متسفلت كله و اركي العجلتين اليمين ع الاسفلت و العجلتين الشمال تحت بحيث الميل ده يساعد الاسبراي انه يخرج لو اتغاشمت في الاستخدام,,,, ولا خليني في الامان و انضف الزور بس من غير ما افتح البوابه اساسا مع ان كده تقريبا كأني معملتش حاجه
و ناوي انضف الحساسات بالمره....انا شكلي نويت اجيب اجلها لا قدر الله هههههههههههههههه
بالنسبه للسماعات انا مسمعتش سماعه الشعب البايونيير ال 400 الصراحه بس سمعت الكينوود ال 500 و صوتها كان نقي و مفتوح و ممتاز...عموما اهم حجاه انت تكون مرتاح للصوت لأن انت ال هتسمع و طول عمري اقول التجربه الفعليه في السواند سيستم هي افضل حاجه و دي فرصه لا تتاح للكثير
اعتقد البايونيير ال 400 هتبقي موجوده في التوكيل بس هيكون سعرها عالي....ممكن الشباب في الصوتيات يفيدوك اكتر في الموضوع ده
نيجي لقصه الاصلي و المضروب ... اقولك حاجه و متضحكش عليا....ريحه السماعه الاصلي بتبقي مختلفه عن المضروب!!!!!!
تبص للسماعه كده و تقلبها و تشمها هتعرف ان شاء الله ان كانت اصلي ولا مضروب و بعدين انت راجل خبره بردو و عندك Sense و الحكايه ابوووووووها Sense
ههههههههههههههههههههه اه و الله
استغفر الله العظيم الكلام الغريب اللي بسمعه ده مين سينس ده يا حج هههههههههههههه ما علينا من الكلام الغريب ده
عامة قولي توكيل بايويير فين و انا انطلهم
بالنسبة البوابة الادوات اللي هتحتاجها فوطين او تلاتة فوطة للتنضيف الداخلي و فوطين تحطيهم حوالين البوابة برة - مفك - منظف
المنظف ده عبارة عن سبراي بترشه ع البوابة ايه اللي هيدخله بس في الموتور و الميلة مالها و ماله ديه يا حج اهم حاجة تحط فوط حوالين البوابة عشان السبراي ميجيش ع اي جزء في العربية يبوظه و الرش يكون خفيف و بالجنب و تمسح بالفوطة عالطول و الميكانيكي فاهم بيعملها ازاي بس يكون ميكانيكي نضيف و لو عايز ميكانيكي عندي واحد مش هتكلم عليه لكن بيقولوا التجربة خير دليل بس هقولك حاجة واحدة انه اشتغل في موتور النترا 2010 و اظن الجميع عارف النترا 2010 موتورها ازاي معقد ده غير باقي الانواع فلو عايز قولي
و خلي بالك في كذا طريقة لتنضيف البوابة فشكلك هتعمل التنظيف الخارجي بس و ده ملوش تلاتين لازمة عشان كده قولتلك ميكانيكي لأن الميكانيكي ممكن ينضف و هو راكب او يفك البوابة كلها و يرجعهالك جديدة
و ممكن تدخل ع جوجل يا ريس تشوف بعنيك عملي عشان تبقي عارف الدنيا هتمشي ازاي و انت عارف انهم برة بيعملوا الشغل ع نضيف ملهمش في حتة الكرتونة و انزل يلا يا بلية تحت العربية حل الموتور
و اكتب how to clean the throttle body
و طبعا المفاجأة هتلاقيها في السلسلة ان شاء الله هههههههههههههه بس ده زي ما بحب اسميه التنظيف المختصر او تنظيف سريع سريع هههههه
http://www.nilemotors.net/Nile/227695-a.html
و شكلك ناوي فعلا ع العربية ههههههههه بص يا ريس الحساسات ممكن تنضفها بمنظف الكترونيات بس خلي بالك اوي فيها
الحقني طيب هههههههههه
نزلت النهارده لقيت STP : Fuel System Cleaner
العلبه ب 75 جنيه
ايه رأيك
بعد تجربه stp وgunk
جيب cyclo max44
هو اسمه كل ده؟....بجد و الله مش بهزر....ولا gunk ماركه تاني.....و اجيب system or injector cleaner....هتلاقي موضوع عملته من كام يوم في ترتيب الافضليه للمنتجات دي لقيت رقم اتنين stp
cyclo ده إسم الشركه
max44 ده النوع وده سيستم كلينر مش إنجكتور بس وبيزيل الكربون كمان وقوي جدا جدا
انت جربت شركة ليكوي مولي يا هندسة !اقتباس:
المشاركة الأصلية كتبت بواسطة yoko
انا ناوي اجرب المنظف بتاعهم ان شاء الله بس مش عارف الموزع بتاعهم فين عندنا
جربت الإنجكتور معملش فرق كبير max44 أقوى بكتيييير
اوك ألف شكر يا برنجي.....يا تري بكام؟....غالبا مش هلاقيه في اسيوط الحبيبه و هجيب stp
أنا كنت جايبه من المعرض ب50 جنيه
الناس جابته من أون ذا رن ب65 جنيه
لو مش مستعجل انا رايح جمبهم أخر الإسبوع ممكن أجبلك وأشحنهولك مع ميدل إيست كورير
عشان ده منظف لدورة الوقود كلها مش انجيكشن بس ههههههههاقتباس:
المشاركة الأصلية كتبت بواسطة m7mda7md
الانجيكشن سعره 25-35 ع حسب الشركة
و لو ملقتش stp ممكن تجرب ليكوي مولي و شوف الموزعين للكوي مولي لو جنبك موزع ليها
معرفش الحقيقة النوع اللي يوكو بيقول عليه اسمع عنه بس
اوبا يا يوكو.....وقعت نفسك بنفسك و انت ال جبته لنفسك.....ههههههههههههههه ايه كميه نفسك دي.....مش عارف و الله اقولك ايه بس ده مش غريب عليك و علي نايل موتورز :)
طيب انا كده احترت اكتر و اكتر......الراجل قالي كمان اسبوعين و هجيب stp بتاع الانجكتورز.....و يوكو ربنا يكرمه تطوع بشحن النوع الآخر.....اعمل ايه انا دلوقتي :'(
حادي بادي كرمب زبادي وشوف هترسي على إيه
طب اقولك حاجه.....مدل ايست اسعارهم نظامها ايه دلوقتي....كل ما ابعت عندهم حاجه الاقي نظام الاسعار اتغير....
اقولك حاجه كمان....الاسبراي بتاع البوابه هوه هوه بتاع الحساسات؟؟؟ عشان لو تكلفه الشحن طلعت متخلفه اجيب كمان الاسبراي ده.....اي خدمه مش عارف اودي جمايلي فين ^_^
معرفش والله أسعارهم بالظبط بس أخر مره شحنت 4 لتر زيت وmax44 وفلتر زيت لطنطا كانت حاجة و20 جنيه
في واحد صاحبي بكرة نازل القاهرة هخلية يجيب ال cyclo max44 من اون زا رن الصحراوي
اقتباس:
المشاركة الأصلية كتبت بواسطة m7mda7md
يا ريس ايه الحيرة في كده فيه واحد منظف للانجشكن بس
و واحد منظف لدورة الوقود كلها اختار اللي يريحك :)
ربنا يستر بأه.....خلاص يا يوكو حطني في خطتك....معلش هتعبك معايا بس انت ال جبتو لنفسك :(......مقولتوليش حوار اسبراي الحساسات و البوابه.....ربنا يخليكم يا رجاله و ألف شكر يا axel.....نويت علي السيستم ان شاء الله
مش متأكد وكلمني يوم الجمعة بعد الصلاة عشان تفكرني واجيبلك الحاجة
والسبراي مش متأكد أنا هروح على عندهم وأشوف فيه إيه وأكلمك من هناك
ونمرتي 01118969873
و الله يا يوكو مش عارف اقولك ايه !!....بس بجد شكرا جزيلا و ربنا يقدرني و تحتاج حاجه من اسيوط و ابعتهالك بس مش عارف ايه عندنا الناس بتحتاجه اصلا ههههههههههههههه.....ماشي يا قبطان هكلمك الجمعه ان شاء الله و ده رقمي 01115661655