انا معايا اسبيرانزا 516 موديل 2008 وعايز اجيب كيا كارينز بس بصراحه الاسبيرانزا صعبانه عليا عربيه محترمه هل الكيا كارينز احلى من الاسبيرانزا ولا ايه يا شباب؟؟؟؟؟؟؟؟؟
اغير يعنى ولا خلينى فى الاسبيرانزا ولو غيرت هحس بفرق ؟؟؟؟
عرض للطباعة
انا معايا اسبيرانزا 516 موديل 2008 وعايز اجيب كيا كارينز بس بصراحه الاسبيرانزا صعبانه عليا عربيه محترمه هل الكيا كارينز احلى من الاسبيرانزا ولا ايه يا شباب؟؟؟؟؟؟؟؟؟
اغير يعنى ولا خلينى فى الاسبيرانزا ولو غيرت هحس بفرق ؟؟؟؟
بصراحة انا لسه جايب m11 والحمد لله حاسس انى راكب سيراتو واحسن كمان بس اكيد برضه هتحس بفرق مهما كانت الاسبرانزا جميلة بس مش هتوصل لدرجة الكارينز انا رايى اكيد هتحس بفرق
أنا أؤيد نفس الرأى .. مهما كانت الاسبرنزا جميلة فهى جميلة فى حدود سعرها فلما يكون الفرق بينها وبين الكارينز حوالى 45 الف اكيد هتحس بفرق ده بخلاف ان الاسبرنزا نمط والكارينزا نمط باعتبار ان الاسبرنزا سيدان والكارينز ستيشن يعنى عائلية أكتر وطبعا ده بيرجع لطبيعة استخدام حضرتك يعنى لو اسرتك فيها اطفال وهكذا اعتقد الكارينز هتكون مناسبة وكمان انا شايف ليها انتشار فأكيد عربية بردو محترمة
كل التوفيق لك باذن الله
حضرتك اكيد الفرق للكارينز متقارنش عربية صيني بعربية كورى ولا المانى
انا معايا بنوته لسه سنه ونصف العربيه الكارينز علشان عائليه اكيد هاتنفعنى فى المستقبل فبفكر اجيبها واستغنى عن الاسبيرانزا 516
ده غير ان العربيه اتوماتيك وبيقولو تكيفها تلج بس عيبها انها سحبها ضعيف شويه بس مش قوى وبعدين اكتر حاجه بستخدمها فى العربيه السفر بروح مطروح والاسكندريه كتير فى الصيف انما فى الشتا تحركاتى قليله جدا
:rfds:
شوف هيا المقارنه زى ماقال اخويا العزيز خالد حسب احتياجاتك يعنى انت لو مش عاوز ترمى فلوسك دلوقت فى حاجة يبقى خليك فى الاسبيرانزا مادام مريحاك لو انت بقى عاوز تلعب فى رينج السعر بتاع الكارينز الى فوق المية هيبقى امامك بدايل كتييييييير اوى . انا شخصيا لو حبيت اطور سيارتى الm11 هجيب الكيا السول لان شكلها شبابى اوى وعجبانى جدا وخصوصا ان الوانها جذابة اوى دة من حيث الشبابى لكن لو عائلى مفيش قدامك غير الكارينز اما بقى لو انت مش فارقه معاك وعاوزها سيدان فية قدامك الكيا السيراتو والمتسوبيشى
تحياتي ليكم كلكم
والله انا لو منك اجيب اسبيرانزا 620 بجد عربية تحفة ممتازة
هي مرسيدس الصيني
وربنا يكرمك للى فيه الخير ليك
حضرتك الكلام اللى انا بقوله عن تجربة هات حد كان راكب عربية المانى وركبه عربية كورى او ماليزى وشوف هيقولك ايه والله العظيم اعرف اتنين لسه شاريين عربياتهم موديل 2011 وعايزين يبيعوها عشان يركبو حاجة المانى واحد كان راكب اسكودا وبعدها ركب شوما وبعدها بريليانس fsv موديل 2011 وهيبيعها عشان يجيب حاجة مستعملة بتمنها بس تكون المانى والتانى كان راكب ايبيزا وجاب بيرسونا موديل 2011 ونفس قصة الاولانى والله على ما اقول شهيد فالقصة مش قصة فئة وسعر
والله يا شباب انا مش عايز عربيه امريكانى بقى وبتاع انا عايز عربيه تكون احلى من 516 ففكرت فى الكيا كارينز الكورى
وعلى فكرة برضه يا جماعة ان العربية فولكس باسات عربية رائعة بكل المقاييس
ممكن تشوف عربيه باسات موديل 2000 لغاية 2004 هتكون كويسة
ده طبعاً غير الثبات وقطع الغيار المعمرة بالسنين وده عن تجربة احد اصدقائي
وربنا يوفقك
هو بداية الموضوع مقارنة بين ال516 والكارينز وبعدين الموضوع دخل فى قصة الصينى والالمانى ؟؟
باى حال الالمانى يكسب بس الاول نشوف الامكانيات ايه لان كلنا نفسنا نركب عربيات فخمة وقوية بس القصة لما يبقى معايا 100000 مثلا يركبونى اية المانى زيرو + قطع الغيار والصيانة بكام لان اذا كانت العربية الصينى الزيرو عاملة زى البطيخة يبقى المستعمل عامل ايه
على فكره يا شباب انا النهارده سوقت الكارينز بتاعت واحد معرفه اتضح الاتى فى العربيه
الموتور صغير على العربيه يعنى تحس ان العربيه تقيله معاك
العفشه انعم من الاسبيرانزا بس مش كتير
احلى حاجه فى العربيه انها واسعه وعاليه وكمان الاتوماتيك طبعا مريح جدا فى الزحمه
سحب الاسبيرانزا احلى شويه من الكارينز
خامات الكارينز احلى من الاسبيرانزا بكتير
الكارينز حلوه بس فى ناس اشتكو من شويه عيوب فسلفت نظر عنها بفكر فى التويوتا دلوقتى بس المشكله اغلى حوالى 20 الف عن الكارينز
وعلى فكره انا مش بحب المستعمل خالص بحب اجيب زيرو
طيب ياباشا معندك اختيارات كتير وحلوة ف كيا سيراتو حلوة وف الالنترا الجديدة برضة شكلها فخم اوووى وطبعا لو عرفت تزود وتجيب التويوتا يبقى هوا دا الاختيار الامثل بس عارف انا لو مكانك هزود واجيب الشارك العربية دى بحبها اووووووووى رغم الكلام اللى بيتقال عتها بس بصراحة تحفة
فية سيارة حلوة اوى اسمها القرده ممكن تجربها بردة بس هتزود كمان 20 على العشرين بتاعت التويوتا
ايه يا جماعه عمالين تقولو للراجل زود شويه زود شويه ...... دي فلوس يا جماعه يعني رفقا بالناس ..... طبعا ربنا يرزقك يا استاذ asdfasdf وتجيب احسن حاجه
بس ياريت تشوف طلبك ايه ...... يعني لو محتاج عربيه فعلا دلوقت ومش عايز الاسبيرانزا بتاعتك فممكن تجيب الكارينز دلوقت او اي موديل كويس تاني ...... ولو مش محتاج اوي فبقولك خليك مع الاسبيرانزا شويه لان قطع غيارها رخيصه جدا وصيانتها سهله وواسعه واعتقد حتلبي احتياجاتك خصوصا ان اسرتك صغيره زي حالاتي ومش محتاج حجم اوسع من الاسبيرانزا حاليا
بالمناسبة انا من ملاك 620 والحمد لله كويسه جدا معايا ولو عايز اي استفسار انا تحت امرك
المهم ربنا يوفقك لان كمان المناقشه دارت باسلوب راقي جدا و محترم وبدون خلافات وده افضل شئ
والله يا جماعه الاسبيرانزا حلوه بس انا عارف ان العمر الافتراضى بتاعها قصير مش زى الكورى علشان كده عايز الحق نفسى من دلوقتى واغير دى نقطه النقطه التانيه عايز اطمن هل هحس بفرق كبير ولا ايه النظام
حضرتك عامل موضوعين وبتحط نفس الردود بالظبط فيهم ؟ معروف ان الكارينز سحبها تعبان دي مش بوجاتي ولا عربية فورميولا 1 :)
انا عامل فعلا موضعين علشان عايز اعرف اراء ملاك الكاريز وملاك الاسبيرانزا ايه؟؟؟؟؟؟؟؟
وياريت يفيدونى والعربيه هتعمر معايا اكتر من الاسبيرانزا ولا ايه
الكارينز احسن من سبيرانزا
طب حضرتك لو بتبيع ايه النظام
لون العربية/ عاملة كام كيلو
حالتها ....توكيل ولا لا.....
اصل انا بفكر اجيب 516