تيدا اتوماتيك عربيه عائليه و عاليه مش هتحسي بالمطبات و مادام قرض او قسط يبقي قسط بقي و هاتي اللي انتي عاوزاه
عرض للطباعة
تيدا اتوماتيك عربيه عائليه و عاليه مش هتحسي بالمطبات و مادام قرض او قسط يبقي قسط بقي و هاتي اللي انتي عاوزاه
ممكن أوكتافيا 2006 مستعمله بس دى فى رنج 80000 وأنتى طالعة
ممكن كيا ريو زيرو 2011 ودى معديه 100000 ....... بس تمام
ممكن فولكس بورا 2006 ودى فى رنج 80000 ........ ممتازه
بالنسبة للوجان و السانديرو أوتو ... هما الاتنين نفس العربية بالظبط الشكل الخارجي هو اللي متغير فمش عايزين نشتت نفسنا و نعملهم عربيتين في المقارنة .. كده حسب اختيارات حضرتك في الجديد بنتكلم في السانديرو أو البروتون ساجا ..
- الساجا أنشف من السانديرو و قريبة للأرض شوية بالنسبة للسانديرو و ده ممكن يضايق حضرتك ، لكن أبوشناتها جميلة
- السانديرو طرية و ناعمة أكتر و استهلاك بنزين قريب من الساجا كمان و اتساع داخلي أكبر كمان من الساجا و توكيل محترم .......... لو في الاختيارات دي يبقى سانديرو أوتو أفضل شيء لحضرتك بالنسبة لإمكانيات و طلبات حضرتك ...
- بلاش بيكانتو خاااااالص متعبة جدا لحضرتك لإنها مش طرية أبدا .. و برضة الأكسينت مش ناشفة شوية ...
- الميجان 2007 على فكرة بتتكلم في 70 ألف جنيه ، و دي دايما في المستعمل سعرها واقع و طرية جدا ، لكن مش هتلاقي منها حاجات حالتها حلوة كتير لإن كلها شغل كهربا كمبيوتر فلازم تكشفي عنها في التوكيل الأول و كمان السينسورز اللي فيها ممكن تكون بالنسبة ليكي أزمة أكتر ماهي ميزة .. لإني كنت راجع بيها مرة من المعادي و كان الكمبيوتر عمال يقولي ( gear box error ) و انا مش فاهم إيه المشكلة لإني كنت جاي بيها زي الفل .. و بعد نص ساعة وقفت مني خالص و طبعا كانت أزمة و غيرنا الفيتيس بالكامل ... بالتالي أعطالها رخمة شوية مش زي الفليوانس ..
- في رينج 80 - 85 ألف هتلاقي كورولا مستعمل 2007 و دي عربية مافيهاش غلطة .. واسعه جدا و طرية جدا و ناعمة في السواقة و كمالياتها كويسه و عزل و تكييف ممتاز و أنصحك تفكري فيها قبل ماتفكري كمان في السانديرو ، و هي أكيد أحسن من الياريس لإن سعرهم قريب من بعض و الكورولا أقوى و أوسع .. و كمان الكورولا عمرها طويل و عمرها ما هتزعلك ولا تقف منك ولا تتعبك في الصيانة أبدا و أي ميكانيكي يفهم فيها ...
اولا: الف سلامه على حضرتك
ثانيا: بودى ارشح لحضرتك الصنى اتوماتيك طالما حضرتك حتقسطى
والجديد جديد مهما يكون
ولى اقتراح
ان تمرى حضرتك على اقسام السيارت فى المنتدى هتلاقى انواع شتى من السيارات
اٌقرائي عن ميزه وعيب كل سياره تريدى شراؤها وفاضلى بينهما
بالاضافه الى راى الاخوه الاعزاء
ولاتنسى صلاه الاستخاره
ربنا يوفق حضرتك الى مافيه الخير
كل التحيه لحضرتك
الاوكتافيا عربية تحفة بس حتى الان كل اللى لاقيته مستعمل منها مدمر مش لايقة حاجة كويسة ابدا وكمان الناس اللى معاها اوكتافيا مش بتبعها الا لو فيها حاجة من واقع الحاجات اللى شوفتها
بالنسبة للكيا ريو بصراحة انا مستحرمة ادفع المبلغ ده كله فى حاجة كورى لو هاعدى ال100 الف يبقى يا يابانى يا المانى
الفولكس بقى ده اقتراح جديد خالص وهادور عليها
الف شكر على اقتراحات حضرتك القيمة
ماشاء الله وشكرا
البيكانتو فعلا استبعدتها السانديرو نفسى بس اشوفها مش لايقها خالص وحاجزة معاد النهاردة الساعة 2 ان شاء الله عشان اشوفها اخيرا ولو عاجبتنى هاتكل على الله واحجزها الميجان فعلا مشكلتها فى الحساسات كانت مع ناس اعرفهم وفى يوم البطارية عطلت بوزت كل الحساسات اللى فى العربية وباعوها وخسروا فيها جامد اوى
سواء الكورولا او السكودا ودى نفسى فيها جدا بدور على مستعمل فيهم وحتى الان مش لايقة حاجة كويسة وكل يوم بشوف بردوا على كونتاكت كارز وكل ما الاقى حاجة كويسة اتصل الاقيها اتباعت ما شاء الله عموما لحد اخر وقت هافضل ادور على حاجة فيهم
الف شكر مرة تانى