انا من ايام كونتاكت كار ..بس دخلت هنا متأخر كام شهر ..
عرض للطباعة
انا من ايام كونتاكت كار ..بس دخلت هنا متأخر كام شهر ..
كنا في كونتاكت كارز، وكان فيه مشاكل أغلبها النرفزة من الناس على بعضها والفتي الكتير من الفتايين، الناس اللي كنت متابعهم وكانوا بيفيدوني ومابيبخلوش بأي معلومة (كريم وسبعاوي على وجه الخصوص) أسسوا للمنتدى، وجيت معاهم :)
كل شكر وتقدير لمجهوداتهم وتعاونهم، وعقبال عيد الميلاد الخمسماية .
نسيتوا الاجتماع اللى تم فى الربوة فى الحى العاشر بعضوية كريم منير وسبعاوى وهانى ادم واحمد سمير وسبعاوى والعبد لله واعضاء تانيين واتفقنا اننا نعمل موقع جديد يعبر عننا لان كونتاكت كارز كانت بتحذف مواضيع واسلوب عرضها كان عقيم وبعدين اتفقنا نعمل محضر للجلسة واتفقنا على تسمية الموقع ... good old days
بجد انا احسن موقع بدخل علية هو ده لانك ممكن تلاقي اي حاجة انت عاوز تعرفها حتة مش شرط عربيات لا وبتقابل ناس في غاية الرجولة بجد ناس محترمة بجد اوي و تعرف تتكلم معاهم
انا عضو من زمان برضو بس مش ليا مشاركات كتير
فكرتونا بالذى مضى
ايام الجامعه و الربوة و العاشر
انا كنت عندى عضويه قبل دى ومش فاكرها خالص اصلا .. وبعدها ب فتره كبيره سجلت العضويه االى معايه حاليا
انا بيبقى نفسى أجى حاجه من اجتماعات نايل موتورز بس بتبقى غالبا ف اوقات صعبه بالنسبالى وكان نفسى اجى ساعت ما عملتوا مقابله الربوه .. انا فاكر كويس ان كان نفسى اجى وفاكر فى الموضوع بتاع الاجتماع ده حد كان حاطط خريطه للمكان للناس اللى مش عارفه على جوجل ماب :)
أيام جميلة فعلا
وكان فيه حماسة شديدة
ولكن سنة الحياة
اول واحد مشارك هو محمود حفناوي او ميمو حفناوي لانه كان تكنيكال ويب ديفلوبر وهو اللي ستب نسخة الفي بولتين ولما نزلها الصبح وبعتلي مسج عشان ادخل اسجل كنت في اجتماع يودخلت عالساعة 12 الضهر كنت رقم 32 :-)
ايام اكثر من رائعة انك تعمل مكان يكون بيت عيلة
ناس كتير تعبو وساهمو بوقت وبفكرة واقتراح
اسماء لو قعدت اعد فيها مش هاتخلص
عمرو باشا راشد اللي حضر الاجتماعات الاولي
هاني ادام كان بيسيب شغلة ويجي
احمد اسماعيل القاضي الجين تو الصفر الوحيدة ام فتحة سقف اللي كان بيبوظلنا الاجتماعات بالناس اللي تيجدي تسال هي فتحة السقف اصلية ولا معمولة عمولة :-)
دكتور احمد سمير
خالد سبعاوي
مهندس حازم حزة ملك السفاري والصحراء
وائل مجدي
هاني بايو
مهندس احمد حسن من بورسعيد
وائل عطية وايام كلماته بالفرنسية الجميلة واول من عانو مع اسبيرانزا في مصر
شريف المصري
وبعدين كمل وشال اللواء دكتور احمد عد الغني
واحمد عبد المقصود
وابو عبد الله شهبور
واحمد سعيد شاركي
ونادر مدير المنتدي
ونادر نبيل
ووائل مصطفي كامتشو نفس رحلة وائل عطية مع اسبيرانزا
حقيقي ايام جميلة وبنفتكرها كل سنة في شهر ابريل لما يجي عيد ميلاد المنتدي
وادينا دخلنا السنة السادسة
وربنا يعيني على استكمال المسيرة