اول من سجل بنايل موتورز

**Mo3taz Selim** · 22-04-2012 02:31 PM

المشاركة الأصلية كتبت بواسطة karim_monir

اول واحد مشارك هو محمود حفناوي او ميمو حفناوي لانه كان تكنيكال ويب ديفلوبر وهو اللي ستب نسخة الفي بولتين ولما نزلها الصبح وبعتلي مسج عشان ادخل اسجل كنت في اجتماع يودخلت عالساعة 12 الضهر كنت رقم 32 :-)
ايام اكثر من رائعة انك تعمل مكان يكون بيت عيلة
ناس كتير تعبو وساهمو بوقت وبفكرة واقتراح
اسماء لو قعدت اعد فيها مش هاتخلص
عمرو باشا راشد اللي حضر الاجتماعات الاولي
هاني ادام كان بيسيب شغلة ويجي
احمد اسماعيل القاضي الجين تو الصفر الوحيدة ام فتحة سقف اللي كان بيبوظلنا الاجتماعات بالناس اللي تيجدي تسال هي فتحة السقف اصلية ولا معمولة عمولة :-)
دكتور احمد سمير
خالد سبعاوي
مهندس حازم حزة ملك السفاري والصحراء
وائل مجدي
هاني بايو
مهندس احمد حسن من بورسعيد
وائل عطية وايام كلماته بالفرنسية الجميلة واول من عانو مع اسبيرانزا في مصر
شريف المصري
وبعدين كمل وشال اللواء دكتور احمد عد الغني
واحمد عبد المقصود
وابو عبد الله شهبور
واحمد سعيد شاركي
ونادر مدير المنتدي
ونادر نبيل
ووائل مصطفي كامتشو نفس رحلة وائل عطية مع اسبيرانزا
حقيقي ايام جميلة وبنفتكرها كل سنة في شهر ابريل لما يجي عيد ميلاد المنتدي
وادينا دخلنا السنة السادسة
وربنا يعيني على استكمال المسيرة

فعلا كانت أيام البدايات رائعه إحساسى الخاص بعد ما نقلنا من كونتاكت كارز لنايل موتورز عامل زى مايكون الواحد كان فى أوضه صغيره و إخواته عمالين بيكبروا و الدنيا بقت زحمه و خنقه و مافيش نظام و بعدين ربنا كرمهم و نقلوا لشقه كبيره واسعه ... كان حلم جميل و بحمد الله أتحقق على أرض الواقع

أجمل حاجه فى المكان ده هو روح المحبه و الأحترام السائده بين الأعضاء

ربنا يقويك يا أستاذ كريم إنت و كل الإداره على الجهد و الوقت المبذولين لإنجاح بيتنا الكبير

**sas5** · 22-04-2012 03:08 PM

انا عضويتى الاصليه كانت تقريبا رقم 4
وتوقفت عن استخدامها من سنه 2007 تقريبا -الظاهر الذكره ابتدات تضعف

ربنا يكون فى عونك ياكريم ويساعدك على هذه التركه الثقيله

**sas5** · 22-04-2012 03:12 PM

المشاركة الأصلية كتبت بواسطة amrrashed

نسيتوا الاجتماع اللى تم فى الربوة فى الحى العاشر بعضوية كريم منير وسبعاوى وهانى ادم واحمد سمير وسبعاوى والعبد لله واعضاء تانيين واتفقنا اننا نعمل موقع جديد يعبر عننا لان كونتاكت كارز كانت بتحذف مواضيع واسلوب عرضها كان عقيم وبعدين اتفقنا نعمل محضر للجلسة واتفقنا على تسمية الموقع ... Good old days

معلهش انا اسف
كلام مش مضبوط لم يكن فى الربوه - اول اجتماع ولدت به فكره المنتدى كان فى العبور

**kamatchodj** · 22-04-2012 03:12 PM

والله يا كريم انت انسان جميل ومحترم . كونك فاكر اسماءنا . ده يؤكد انك انسان محترم . وعارف مين اللى كان معاك فى البدايات. نجاح الموقع يثلج قلوبنا. الى الامام يا كريم . ونحن خلفك دائما نتابع وكلنا فخخر. بك وبالمنتدى . ويشرفنا كوننا اعضاء فى هذا الكيان الجميل . كل حبى واحترامى لشخصك وللمنتدى ولجميع الاعضاء

**Karim_Monir** · 22-04-2012 03:12 PM

Mo3taz Selim فعلا كانت ايام رائعة وربنا يديم المعروف ومانساش ابدا الناس اللي كلت دماغك عشان تجرب عربيتك خاصة انك من الرعيل الاول اللي استلمها وانت من الناس المحترمين بشدة

sas5 استاذ سعيد الفار واحد من الناس اللس ساهمو بناء واجتماعات المكان الرائع ده وتعب جدا معانا
حقيقي شكرا لصاحب الموضوع اللي خلانا نشوف مشاركات من ناس عزيزة علي قلوبنا

**Karim_Monir** · 22-04-2012 03:14 PM

المشاركة الأصلية كتبت بواسطة sas5

معلهش انا اسف
كلام مش مضبوط لم يكن فى الربوه - اول اجتماع ولدت به فكره المنتدى كان فى العبور

فعلا الفكرة كانت في اول مقابلة في العبور لكن كانت بداية جلسات العمل في الربوة والاتنين واحد

**Karim_Monir** · 22-04-2012 03:16 PM

المشاركة الأصلية كتبت بواسطة sas5

انا عضويتى الاصليه كانت تقريبا رقم 4
وتوقفت عن استخدامها من سنه 2007 تقريبا -الظاهر الذكره ابتدات تضعف

لما حصل ونقلنا سوفت وير المنتدي في ناس عضوياتهم اترحلت فعلا
لما نقلنا من بي بي ل في بي

**Karim_Monir** · 22-04-2012 03:19 PM

المشاركة الأصلية كتبت بواسطة kamatchodj

والله يا كريم انت انسان جميل ومحترم . كونك فاكر اسماءنا . ده يؤكد انك انسان محترم . وعارف مين اللى كان معاك فى البدايات. نجاح الموقع يثلج قلوبنا. الى الامام يا كريم . ونحن خلفك دائما نتابع وكلنا فخخر. بك وبالمنتدى . ويشرفنا كوننا اعضاء فى هذا الكيان الجميل . كل حبى واحترامى لشخصك وللمنتدى ولجميع الاعضاء

الله يكرمك يا وائل ده انت اللي محترم وخلوق جدا
واللي ينسي البدايات والاصول والتجارب
مايعرفش يعمل مستقبل لانه بيعيش اللحظة فقط زي الطفيل
وكل احترامي لكل اللي بدء معانا سواء مكمل او ماسعفتوش ظروف الحياة انه يتواصل معانا لكنه في قلوبنا
لان كل حرف كتبه اتسجل واتعملة ارشفة في جوجل وبيفيد الالاف الناس كل يوم
فبقي العمل الصالح اللي باقي ليه ومانقطعش عمله من الدنيا بعد عمر طويل

الموضوع: اول من سجل بنايل موتورز

LinkBack

أدوات الموضوع

عرض

-

-

-

-

-

-

المواضيع المتشابهه

لعيون صقور نيسان ... الاعلانات المفعلة بنايل موتورز

خاص بنايل موتورز , شرح معنى سيارة suv , فكاهي

كيفية الحصول على الخصم الخاص بنايل موتورز

الكلمات الدلالية لهذا الموضوع

المفضلات

المفضلات

ضوابط المشاركة