الموضوع: كنت عايز اعرف مصاريف تسجيل عربيه سى4 2005 1600 سى سى فى الشهر العقارى كام والضريبه بت

كنت عايز اعرف مصاريف تسجيل عربيه سى4 2005 1600 سى سى فى الشهر العقارى كام
والضريبه بتاعتها فى السنه
والتامين بالسنه
والحبشتكانات بتاعه نقل الرخصه زى الفحص والطفايه والاوراق وخلافه مع الشكر
وياريت اعرف هو فى شهر سماح بعد انتهاء تاريخ الرخصه ولا ايه

بالنسبة للشهر العقارى اللى بيعقر الناس الرسوم بتبتدى من 1020 جنيه لموديل 2006 و ده على سبيل المثال الماروتى 800 cc مو 2006 نعم 1020 جنيه فحش و جبروت و على سبيل المثال ايضا التويوتا كرولا 2006 1300 cc
1200 جنيه
اما الضريبة انا فاكر انها حوالى 270 جنه و انا مش متأكد بس مش اقل من كدة
الشهر السماح هو شهر مهله من تاريخ انتهاء الترخيص اللى مكتوب فى الرخصة يمكنك من دفع الرسوم و استخراج رخصة جديدة و لو وقفتك لجنة مرور خلال الشهر المهلة لا تعد مخالفة و تكتفى فقط بالتنبيه عليك بتجديد الرخصة و ممكن الامين يسيبك تعدى من غير ما يقللبك
لكن خلال الشهر المهلة عندما تذهب لاستخراج شهادة مخالفات يستوجب عليك استخراج شهادة بيانات لتقديمها لنيابة المرور .....نوع من انواع الغلاسة و ازاى تعلم المواطن الادب و تقرفه فى عيشته قال يعنى الدقة فى العمل قال يعنى واقفين فى مرور كاليفورنيا