ركنت الفليشيا لمدة 3 ايام وبعد كدا جات ادورهها مبدورش ادتها ذقه بسيطه دارات وسخنتها وبعد حولى 4 ساعات جات ادورها تانى دارت وبطلة لوحدها وبعد كدآ لاقيت مع فتح الكونتكت بسمع صوت تكه بسيطة جدا غير قبل التسخين ارجو الافادة العطل ده اية بطارية ولا دينمو ولا مارش ولا تسريب شحن ولتسريب ممكن يكون منين معلش انا طويلة عليكم بس المشكلة انى لسة جديد فى السوقة وفى موضوع العربيات وتايه والموضوع معكنينى جدا ومش عايز الصنايعية تشتغلنى مع العلم ان البطارية جديده من 11/2011
المشكلة دى حصلت معايا كتير الفترة اللى فاتت و ده لانى مكنتش بنزل بيها كتير
تدورها متدورش معاك و تسمع صوت تكتكة و مفيش صوت مارش خالص نفس الوضع كدة بالظبط و كنت بمجرد ما اديها زقة بسيطة تدور كويس اسخنها ربع ساعة تمشى و ارجع اركن تبطل و تعمل نفس العملة روحت للكهربائى حطها على الشحن ساعة و رجعت اشتغلت كويس شوية و رجعت تانى لنفس المشكلة روحتله بصلى على الدينامو قالى شحنه كويس جدا المهم لقينا سير الدينامو مرخى شوية شدهولى و اشتغلت معايا فترة كويس جدا و بعدين الموضوع ده اتكرر مره المهم خلاصة كل ده انى عايز ا قولك ان البطارية تعتبر ضعيفة شوية انما مش بايظة و لا الدينامو و لا اي حاجة تانية المشكلة كلها انك منزلتش بيها ال3 ايام دول لانى بمجرد ما انا رجعت انزل بالعربية تانى المشكلة دى محصلتش و لا مرة حتى لو سيبتها يومين من غير ما ادورها انت اديها زقة و دورها و سخنها ربع ساعة و بعدين اعمل بيها مشووار حلو لف بيها ساعة مثلا بس و انت مطفى اى انوار و ان شاء الله هتتحل المشكلة معلش انا طولت عليك بس كنت بوضحلك الموضوع
شكرآ على الرد
البطارية لما تبقى نايمة والعربية تدور زق يبقي لازم اول ماتدور تطلع بيها مشوار محترم عشان تشحن تانى وهتنسي الموضوع ده بعد كده بما انك كمان بتقول انها لسه جديدة ونصيحتي ليك متخليش العربية متدورش فترة طويلة حاول على الاقل تدورها كل يوم وهى مركونة حتى ولو 5 دقايق عشان البطارية تحافظ عليها
عشان التأكد ممكن ببساطة أي محل بطاريات يكشفلك على البطارية، وبالمرة يشوفلك شحن الدينامو بس فعلا لازم العربية تمشي شوية عشان تشحن البطارية طالما الاستخدام بسيط، وكمان بص بالمرة على وصلتين البطارية.. لازم يكونو مربوطين تمام وميكونش عليهم ملح.
أما بالنسبة للمارش طالما الصوت تمام والعربية بتدور بعد المشوار كويس يبقى مفيهوش مشاكل لأن وظيفته مجرد الإدارة والتشغيل للمحرك من وضع السكون
سلامى للجميع اولااقتباس:
المشاركة الأصلية كتبت بواسطة aali6632
ثانيا انتا بطاريتك سائلة ولا جافة
لو سائلة تبقى خلى بالك من المية لتكون اتبخرت وتيجى تمشى بيها بعد كدة تكتشف انك بوظت البطارية
لو جافة يبقى زى ما الاخوة قلولك اهم حاجة تمشى بيها
هات بطريه سايلة لونها ازرق في ابيض مش فاكر كنت جايبها من سنتين واللهي لحد زوتها مرتين وممكن اركن العربيه بالاسبوع واشغلها تشتغل في مره نسيت المروحه شغاله والمروحه عندي شديده شوية سبتها بتاع 4-5 ساعات وشغلتها اشتغل وزي الفل