اقتباس:
السلام عليكم ورحمة الله ياأستاذ حسام
و عليكم السلام و رحمه الله و بركاته يا استاذ ميدو
بالنسبة لرد حضرتك الكريم على مشاركتي اسمح لي اوضح ان:
1- انا قريت الموضوع من الأول.
لو حضرتك فعلا قريت الموضوع من البداية قطعا كنت هتلاحظ الجمله الاتية :-
"لكن ... لما الاقى تقريبا نص اللى اتصلوا بيه امهات و بيدوروا على شغل للبهوات اللى نايمين جوة فى التكييف "
انا بقول نص اللى اتصلوا بيه مش كلهم ... معايا
2- عدم تخيلي لحدوث ده كنت اقصد بيه اني مش متخيل ان ده ممكن يحصل في بلد بتعاني من البطالة.
حضرتك بتقول انك ممكن متخيل انه ده ممكن يكون حصل بجد ...
مفتكرش معنى تاتى ليها الا انى انا بختلق قصص ... او بقول كلام محصلش ... و هذا ما ارفضه
3- انا مش عاوز امر بتجربة زي دي وبالتالي مش عاوز اعمل اعلان عن محاسبين.
ده كان رد على كلامك اذا علشان تتأكد منه بنفسك
4- ردي فعلا مجرد استغراب وياريت حضرتك توضح لنا ايه الشكل الأفضل اللي حضرتك تحبه؟
ابداء تعجبك من موقف ما لا يحتمل توجيه اتهام للاخرين بعدم الصدق فى الكلام او اختلاق قصص او مواقف ...
5- ردي ماكانش له نيه تانية واذا كنت احب اعرف ايه النية التانية اللي وردت لذهن سعادتك؟
زى ما سبق و قولت لحضرتك ... كان ممكن تتعجب بدون تلميح او اشارة ان الكلام ده مشكوك فيه او ليس محل ثقه .....
6- السطر الأخير (فيا ريت توضح علشان اعرف ارد على حضرتك ..... ) فيه شكل من اشكال التهديد وهو الحقيقة مرفوض ، احنا مش داخلين المنتدى علشان نغلط في بعض اساسا.
انا لا اهدد احد و بفضل الله يجمعنى الاحترام و العلاقات الجيده بمعظم اعضاء المنتدى و لكنى و ددت فقط ان اتأكد من مقصد الكلام و ربما يكون خانك التعبير و لم استبق سوء النية فى التعامل و كان كلامى لتوضيح موقف حتى استطيع الرد عليه ...