متشكر ليكو يا اجدع رجالة بس كان ليه استفسارين
1- أ عصام بتقول انه بيحب يفتح شغل طيب الحل يكون ايه؟
2- بالنسبة لقطع الغيار انا كنت ناوي اجيبهم من حلمي سليمان يا ترى فيه نصيحة بخصوص قطع الغيار غير حلمي سليمان؟
و شكرا جزيلا ليكم
عرض للطباعة
بص يا سيدى:
الحل الاولانى عشان تتأكد
يفك كارتيرة الزيت وبعدين يشوف السبيكة اخبارها اية لو مش تمام يغير سبيكة لو الكرنك استاندر ان شاء الله متحتجش تفك الماتور .....كل الصنايعية بتحب تعمل شغل حتى لو كان امين عايز يريح نفسة طالما العربية مش بدخن يبقى الشنبر سليم والصوت غالبا هيبقى من النص التحتانى بتاع الموتور
متقلقش انت بس قوله انا عاوز الم الدنيا انا لما بروح لجورج بلبس معاه العفريته وبشتغل معاه يومين او ثلاثه فى العربيه
وهوا من النوع الى ممكن يكتفى بعربيه واحده فى اليوم عشانكدا بيحب لما يمسك الحاجه يمسكها ويظبطها صح
وفى الاول والاخر هوا لما بيفتح شغل بتبقى لمصلحتك قبل مصلحتوا يعنى يقولك بما اننا هنفتح ونشتغل يبقى نشتغل على نظافه
على سبيل المثال لما تيجى تغير سير كاتينه فى ناس تقولى مش لازم تغير بلى كاتينه معاه سبها شويه هوا يقولك طالما هنغير ونفتح يبقى مره واحده بدل منرجع تانى ونفتح وانا شايف ان ده الصح
وياسيدى ابقى قوله عصام واحمد بيبعتولك السلام وانك تبع الرابطه عشان ياخد بالو منك
بالنسبه لقطع الغيار انا شخصيا بطلت اتعامل معاه الحاجه بتعتوا اغلبيتها مش اصليه وغالى
وبقيت بتعامل مع الجندى الحاجه بتعتوا كويسه وكمان بياخد ويدى معاك فى الكلام
بالنسبه للاستيراد
عندك ابو ادهم وعندك سوسو المريوطيه
بص أنا جربت جورج فى تصليح إسكترا و ساعتها نزل القنطرة كلها لوحده و ما شاء الله طلعت زى الفل و مدينى ضمان سنة عليها
و جربته فى السيرفيس العادى زيوت و فلاترو تيل فرامل و الكلام ده و الحمد لله تمام
و جربته فى طقم الشنبر و تغيير كاوتش صباب و الحمد لله لحد دلوقتى العربية ما شاء الله زى الفل و هكبس الموتور قريب
و معلومة هو من النوع الحبروك أوى فى شغله و بيحب النضافة زى عينيه و الله ساعات كان بيزهقنى من كتر النضافة و أمين جدا و ديه شفتها فى عربيات زباين بتسبهاله و أنا عنده
روج و إنت مطمن بس إعمل حسابك فى 2-3 أيام شغل و ربنا معاك إن شاء الله
فى حاجه انا عملتها حبيت اقولكو عليها فرقت معايا جدا فى التكييف انا خليت الرجل بتاع التكييف يخرج الربنتينه كلها حتى وينظفها بالبنزين قلت علشان كفائه التكييف يبقى احسن وخصوصا وانا مغير كمبورسور قلت علشان كل حاجه تبقى تمام بس لاحظت لما نظفت السربتنينه ككلها بالبنزين والهواء لاقيتها فرقت جدا فى سحب العربيه يعنى لما بشغل التكييف زى ميكون مشغلتوش مش موئثر على حمل العربيه خالص خالص ولا اكنى مشغلو
انا بقالى كام يوم بدور على الكوعه بتاعه المياه الى راكبه فى الردياتير من تحت ممكن الاقيها فين دى
الكوعه الى فوق موجوده كثير انما قلبت الدنيا على الى تحت مش لاقيها خالص