فى حدود ال700 750 واسئل علية فى الوكالة عند ابو ادهم او انزل الحرفيين
عرض للطباعة
علبه فيوزات السيفيا 2 خط او 2 مخرج مش 3 اجيبها منين استيراد لاني مش لاقيها خالص
أنا عندى كيا شوما 2002 و ماشيه معايا زى الفل . لكن حصلت فيها مشكله مش عارف احلها لان انا من الصعيد و الصنايعيه عندنا مش قوى يعنى . المشكله بدأت بضعف فى السحب و تقطيع .رحت لكهربائى و غيرت طلمبة البنزين و السحب بقى كويس بس هو طلب من اروح لــــ واحد بتاع شكمان عشان يفرغ علب البيئه . و فعلا رحت و غيرت علب البيئه لكن العربيه بعدها مشتغلتش. رجعت للكهربائى قالى ان الآيرماس باظ و لازم يتغير ولما فصل الفيشه بتاعته العربيه فعلا اشتغلت . روحت طبعا مضايق لان قطع الغيار بتاعة الكيا شوما مش متوفرة عندنا فى سوهاج و لازم اسافر القاهره. لكن قرأت فى المنتدى انه من الممكن تنظيف الايرماس و فعلا فكيته و نظفته و العربيه اشتغلت تمام و كمان استهلاك البنزين قل بشكل واضح . لكن بعد حوالى 200 لمبة الاعطال نورت و العربيه بتتنفض لما تدور لمدة 30 ثانيه و تطفى و بعدها لما اشغلها تتنفض حوالى 10 ثوانى و بعدها تدور عادى و تبقى كويسه. يا ريت حد يفيدنى لانى تعبت من الصنايعيه اللى عندنا دول. مع العلم انى فحصت العربيه كمبيوتر و قالى ان العطل فى صمام egr و لازم يتغير . فهل كلامه مظبوط و الصمام ده هو سبب النفضه دى . و هل يمكن تنظيفه .ارجو الافاده.
السلام عليكم
انا معايا سيفيا 95 من سنه ونص لسه عاملها طقم شنبر ووش سلندر قبل العيد. كانت بتاكل بنزين جامد وتضرب بوجيهات ودخنه بيضه من الشكمان
دلوقتى مفيش دخان ابيض بس لسه بتاكل بنزين مع العلم ان الكاريكاتير تمام و البوجيهات حرقها نضيف بس صوت الكوستبانات عالى اوى كانى راكب نص نقل ودوسة البنزين اللى كانت بتكشينى 140 دلوقتى بمشى 100 والسحب فى الكنافه
هل ده ياكل بنزين بمعدل عالى؟؟ انا اللتر بيعمل معايا 6 او 7 كيلو
ارجو الافاده ويريت لو حد يعرف اشترى منين الكوستبانات او عامود تاكيهات على بعضه
انا معايا كيا سيفيا 2001 من حوالى سنه لقيت العربيه سخنة جدا ولاحظت انى لما بحط مايه وتسخن ابطل الماية تخرج من الاربه رحت للمكانيكى قالى وش سلندر قلت مفيش زيت على مايه ولا مايه على زيت ولادخنه ولا مايه شكمان قالى عادى الماكنة خدت هوا بصراحه مقتنعتش غيرت غطى ردياتير جبنه اصلى الدنيا قعدت سنه تمام دلوقتى نفس الاعراض واغير الغطا مفيش مع العلم لما بتسخن بسمع صوت تنفيس عند الغطا فحد يعرف اجابه