المشاركة الأصلية كتبت بواسطة فتح
تضع كيس بلاستيك كعازل مبدئى على عتبتك الاصليه مع مراعاة عدم وجود كرمشه فى الكيس ثم تصب عليها الفايبر بتاعك وحاول تصب كتير وتتقل عليها وتكترمواد وشعيرات لان دى هتبقى الاسطمبه اللى هتصب فيها على طول . بعد كده يتم نزع اللى انت صبيته وبذلك يعطيك شكل العتبه بتاعتك بالظبط ولكن من الداخل طبعا لغاية كده تمام ولا يوجد صعوبه . بعد كده تحط كيس بلاستيك برده يس من الداخل او عازل شمعى وتصب عليه مع مراعاة السمك المطلوب لك لان اللى هتصبه فوق الشمع ده هو اللى هيكون المطلوب لك وبعد الجفاف عندما تنزعها تجد انك حصلت على الخارج مثلما هو هو الخارج بتاع عربيتك الاصلى فاكره ولا نسيته ركز اما الداخا فهتلاقى شكله مش حلو وده ما يهمناش فى حاجه لانه هيكون مختفى اصلا فى جسم العربيه ...
استعمل فرشاه عاديه من بتاعة البويه او رول الصغير او الكبير حسب حجم الشغل اللى هتعمله مع الاخذ فى الاعتبار ان الفرشاه تستعمل مره واحده واذا اردت الاستعمال لمرات يتم غسيل الفرشاه (بالماء والرابسو ) حتى تصلح فيما بعد وتخلص من المواد من على يديك ايضا بالماء والصابون ............
فى حاجه اسمها شمع اسكندرانى بيلمعوا بيه الرخام وهو ده اللى انت هاتجيبه للعزل يكون افضل مقارنه بالاكياس والكرمشه والذى منه ............
ضع مصلب قليل حسب سرعتك فى العمل حتى لا يتجمد السائل فى يدك وشوف انت عايز ايه تانى