انت حاطط بادج ايه على عربيتك

طبعا معظم الناس هنا عندهم عربيات فانا بقى بسال انت حاطط بادج ايه على عربيتك
الظاهره التى لا نراها اللى عندنا فى مصر وبس
العلامه اللى كل واحد حاططها على عربيته
واحد حاطط هلال والتانى ميزان والتالت
نسر
مش فاهم هو فى أيه ؟
طب دكتور ماشى . وبرضه ليه ؟
محامى ماشى برضه !
على العربيه طب ليه ؟
نسر متقوليش . اللى يقرب ليلته بيضه

سؤالى
ياترى أيه رأيكم ؟ هل هو نقص فى الشخصيه أم هو دعايه للوظيفه
أم هو ضروره ؟

أنا عن نفسى حاطط علامة صيدلى
وبما انى شاب فافى بتاع مامى ودادى
فا انا حاطط علامة ال Guc الجامعة بتاعتى
مستنى تشريفكم ومشاركتكم :lol:

مش حاطط اى علامات خالص
فى وجهة نظرى ان البادج هو تعريف بالشخصية للاستعانة عند الطوارىء بمعنى انى لو معايا حد تعبان ممكن اشوف اى عربية عليها هلال واوقف صاحبها لانه المفروض انه هيبقى دكتور وهكذا.

هههههههههههههه حلوة يا أبو عبد الله و الله فكرة بس المشكلة إنك بعد ما توقفه هاتكتشف إن عنده بادجات كثير :) و عادة هايكون المعلم بتاع كله :) هههه و الله شوفت عربيات قبل كده عليها علامات لوظائف مختلفة تصل إلى 5 أو أكثر و بمجرد النظر لصاحبها هاتكتشف إنه المعلم بتاع كله :)

---

أما عن إجابة السؤال أنا مش حاطط غير بادج الشغل إللى بنلزقة على الزجاج الخلفى من أجل تمييز سياراتنا و بالتالى حجز أماكن لها أمام مقر العمل :) مش أكثر

عشان بيكون فيه سايس (موظف عندنا) بيقف و يحجز الأماكن للعاملين فقط طبعا مهما حجز مش بيكفى بس البادج ده عشان لو ركن حد من بره الشغل عندنا فى اماكنا يتفقس :twisted: ههههههه مش أكثر ولا أقل

طبعا ده غير بادج نايل موتورز المنتظر إللى كلنا هانلزقة إن شاء الله بس نخلص من عمل اللوجو لأن اللوجو الحالى مش هاينفع نطبعه :(

اقتباس:

---

المشاركة الأصلية كتبت بواسطة memo_hefnawy

طبعا ده غير بادج نايل موتورز المنتظر إللى كلنا هانلزقة إن شاء الله بس نخلص من عمل اللوجو لأن اللوجو الحالى مش هاينفع نطبعه :(

---

السلام عليكم

بصراحة يا أستاذ ميمو أنا مستنى البادج دا يارب يبقى جاهز فى أسرع وقت
أنا عن نفسى مش حاطط أى بادج فى العربية غير بادج النادى اللى مشترك فيه فقط.

انا حاطط بادج المرور بس :lol:

عندي حساسيه اني احط حاجه علي الزجاج

بادج ايه في بلد مش عارفين طولها من عرضها
لكن انا اتشرف اني احط بادج نيل موتورز لما يخلص

لكن انا بلاقي موضوع البادجات و النسور و الصقور و العلامات البلاستيك و الكلام ده
شيئ من اروع ما يندرج تحت الاستفزاز

انا حاطط بادج الميزان الذى يعبر عن مهنه المحاماه والموضوع بانسبه لى حب لهذه المهنه فبتالى وجود البادج على الزجاج يمثل من وجه نظرى حب وفخر واضعه بالمهنه التى يعمل بها
لاكن طبعا فى ناس بتوضع البادج للمنظره وليس لا

أنا عن نفسى مش حاطط أى بادج فى العربية غير بادج النادى اللى مشترك فيه و بادج المرور

اقتباس:

---

المشاركة الأصلية كتبت بواسطة ahmed ismail

أنا عن نفسى حاطط علامة صيدلى
وبما انى شاب فافى بتاع مامى ودادى
فا انا حاطط علامة ال Guc الجامعة بتاعتى
مستنى تشريفكم ومشاركتكم :lol:

---

danta tel3et baladeyat, ana kaman GUC 6th semster mangment, kont 7atet el badga bta3 mangment GUC bas lel asaf kont badaf 7aga fel ezaz be thinner fa sa7 5ales, mate3arfsh tetsarafli fe wa7ed GUC? :D

اخوكم حا طط بادجين واحد ازرق مكتوب عليه اتحاد الاذاعه و التليفزيون وده باستلمه من الشغل و بادج تانى مكتوب عليه nile tv لوجو القناه و ده غالبيه العاملين فى القناه حاطينه على عربياتهم و كان العبد لله اول واحد يحط اللوجو على عربيته و بعدين واحد زميلنا طبع كميه كبيره استيكر ووزعه على ز ملائنا

انا كنت كاتب اسمي على العربية من ورا بحروف نيكل صغيرة لكنها اتسرقت الحمد لله

انا حاطط بادج المرور وبادج النادى الأهلى بما انى أهلاوى ، بس كنت بخاف أعدى من شارع أحمد عرابى او قدام سور نادى الزمالك ساعة مايكون فى ماتش ليهم ، ما هو العمر مش بعزقة :mrgreen:

أنا حاطط بادج الشركة فقط
أرجو الانتهاء من بادج نايل موتورز و ممكن توضيح كيفيه الحصول عليه

بمجرد ما يخلص هانعلن عن كيفية الحصول عليه إن شاء الله :)

أنا حاطط بدج الشركة على سبيل الاعتزاز
و بادج نادى الصيد لدخول السيارة
و بادج المرور حسب تعليمات المرور
أما بادج الأهلى فممكن يسببب استفزاز لنوادى صديقة ( زمان سبق طوبة معادية كسرت البربريز )رغم حبى الشديد و عضويتى بالنادى الأهلى أبا عن جد.

انا حاطط بادج الشغل عندي وده مميز جدا
وكمان بادج النادي عشان مش كل مادخل اطلع الكارنيه
اما عن لون العربية حدث ولا حرج
مرة كنت ماشي في طريق النصر ومعدي من عند قاعة المؤامرات وكان لسه الجمهور خارجين من ماتش اهلي وزمالك
وانا خيبان قوي في الكورة وماليش فيها
والريو الحمراء عملت شغل
وجننت الجمهور وكان واضح ان الاهلي مقطع الزمالك يومها
لانه لولا الامن المركزي كانت العربية زمانها قفص طماطم مفعص :mrgreen: :mrgreen: :mrgreen:

انا عن نفسى مش حاطط اى بادجات خالص
بس بشوف فى ناس حاطة صف بادجات كدة يعنى سبع تسع بادجات كدة صف من اول الزجاج من فوق لأخرة ومختلفين اشى نسر واشى ميزان واشى هلال واشى هلال وكاس واشى النادى الاهلى وغيرة لية مش فاهم

الهلال معناه فعلا أن صاحبه دكتور وأكي لي علامة مميزة

انا حاطط بادج صحافة ...أصل أخوكم رسام صحفى!

هههه حاطط بدج اشتراك الباركنج :mrgreen:

بادج النسر
و بادج الجامعه BUE
و نادي الترسانه