بالصور سؤال مصيرى ممكن ابيع العربية بسببة ياريت الكل يدخل ارجوكم

**George E21** · 21-04-2012 11:31 PM

يارجالة انا معايا BMW E21 316 1980
ناوى اسقط فيها باذن ربنا المكنة الانجيكشن السودة 2000 سى سى 6 سلندر طبعا مع باقى كل التعديلات المهم المشكلة انى شارى العربية من واحد ربنا يسامحة مبهدل العربية بس قولت مش مشكلة مادام مش نصين والشاسية سليم يبقى نظبط فيها براحتنا
المشكلة بقى انة كان مغير وركب مساعدين فيات عادى هيتغيروا طبعا المصيبة بقى الى قلقانى جداااااااا انة فتح خرمين جنب الاصليين وانا من النوع الى بقلق جداا ولسة جديد ابيض فى العربيات اساسا بحس ان ممكن لقدر الله على اسوء الظروف لو اكلت مطب شديد يحصل حاجة لان السمكرى لو سد الفتحات العمولة الى جنب الاصلية.. الاصلية مش هتكون قوية ومتينة زى اصلها فى الاول وانى مثلا اخاف اخمس ولا ادرفت بيها تحصل حاجة
طبعا دة من وجهة نظرى انا بس
انا عايز اعرف الحوار دة لانى هصرف على تعديل وتظبيط العربية كل مسمار فيها يعنى بتاع 20 الف ودة مبلغ مش سهل نهائى بالنسبالى اعملة تانى ومش عايز اركب العربية بعد الى هصرفة عليها دة كلة وابقى مقلق من حاجة ولو بنسبة بسيطة
واسف على الرغى الكتير بس استحملونى لانى لسة جديد

انا مصورها برضوا ليكم من كذا اتجاة وكذا وضع علشان تشوفوها كويس اوى

6 صور

**demo0900** · 22-04-2012 12:03 AM

انا اسف في اللي انا هاقولة دة بس الراجل اللي عمل كدة سوري يعني كافررررررررررررررررررررر
و احسنلك بعها بلاش

**khaled_yassin** · 22-04-2012 12:14 AM

لو انت مقلق منها ومش هتحس انك مستريح بعها واخلص

**thefoster** · 22-04-2012 03:01 AM

يا جماعه بلاش تقلقو الراجل
ياريت حد من المختصين يوضح اضرار الاخرام دى
وهل ثؤثر على اداء السياره ام لا حتى لو تم لحام الاخرام
وشكراا

**ashouhdy** · 22-04-2012 04:07 AM

انا مش شايف انهم حاجة كبيرة

**MohaMed_Refaat** · 22-04-2012 04:19 AM

اصلا من اشهر عيوب البى ام ان الركب بتشرخ وبتتلحم لما تشرخ
فاعتقد عادى الحكاية دى الحمها وتوكل
بس خلى السمكرى يلحمها كويس من فوق ومن تحت حتحل العفشة وممكن يركبلك قنطرة لحام من تحت حتبقى حديد
وفى ناس راكبة عربيات نصين وبيلعبوا بيها عادى جدااااااا.........

**fahd_628** · 22-04-2012 05:59 PM

الى عمل كدة دة بجد .................................................. ......

**sheko_2000eg** · 22-04-2012 06:52 PM

تتلحام عادي يا جورج
متقلقش --- و لو عايز تغير البطاحة كلها بردو عادي متقلقش
و كمان مش هتكلفك حاجة بس تتلحم من الناحيتين

**mohamed_e36** · 22-04-2012 07:12 PM

انا شايف انها حاجه بسيطه ومتقلقش منها بس المشكله مش في الفتحات المشكله ازاي جالو قلب يعمل كده
واللي هوه عاملو ده هواللي باين قدامك وما خفي كان اعظم ده اكبر دليل انو كان مهمل في العربيه جدا وبخيل عليها قوي
على العموم ربنا يوفقك للصح

-

الموضوع: بالصور سؤال مصيرى ممكن ابيع العربية بسببة ياريت الكل يدخل ارجوكم

LinkBack

أدوات الموضوع

عرض

بالصور سؤال مصيرى ممكن ابيع العربية بسببة ياريت الكل يدخل ارجوكم - انشر الموضوع فى :

-

-

-

-

المواضيع المتشابهه

سؤال و ياريت الكل يدخل يقول راية

نصيحه ياريت منصدقش اى حد (ياريت الكل يدخل)

فكره جديده ياريت نبقى مع بعض كلنا و ياريت الكل يدخل

ياريت الكل يدخل و يحاول المساعدة

عاجل بعد غلاء البنزين ياريت الكل يدخل

الكلمات الدلالية لهذا الموضوع

المفضلات

المفضلات

ضوابط المشاركة