للأخوه المتجوزين اللي عندهم اكتر من طفل

**shaddadfalcon1** · 22-04-2012 12:15 AM

السلام عليكم يامعشر المغلوبين علي امرهم

عشان اقصر الكلام انا جبت اخري م العيال دي

الواحد بيشتغل كل يوم اكتر من 12 ساعه وبروح البيت خلصان ونفسي اريح شويه او اقعد مع مراتي شويه او اعمل اي حاجه والاقي دوول زي مايكونو لسه صاحيين من النوم - رخامه وغلاسه ولعب وانا عارف ان ليهم حق عليا وعايزين يلعبو معايا وانا بعمل معاهم كل ده لاوقات بس مش طويله

ابني الكبير ربنا يهديه بينام علي 10 او 11 بالكتيير وحتي لو مش عايز ينام بخليه ينام

المصيبه كلها فابن ال^&*%^&*)( الصغير عنده سنه و5 شهور بس مطلع عين اهلي
مش بينام ياجدعان وبيعملها عند معايا واوشكت اني اروح اتجوز واحده تانيه وانتو فاهمين بقي

اجيبله منوم ولا ابيعه واخد مروحه سقف بداله ؟

**hossam_elwani** · 22-04-2012 12:20 AM

الله يعينك

كلنا هذا الرجل

مفيش غير يوم الاجازه

وزعهم عند عمتهم او جدتهم وعيش

**shaddadfalcon1** · 22-04-2012 12:27 AM

المشاركة الأصلية كتبت بواسطة hossam_elwani

الله يعينك

كلنا هذا الرجل

مفيش غير يوم الاجازه

وزعهم عند عمتهم او جدتهم وعيش

من 6 شهور وانت بشتغل جمعه وسبت ولو حصل واخدت الجمعه اجازه بيضيع نوم والشويه اللي فاضلين بيفضلو قاعدين زي القرود ولما اروح عند اهلي ببقي قاعد طول النهار في شقتي لوحدي وهما ومراتي مع اهلي ومينفعش نقعد لوحدنا

بجد نفسي ارجع اعيش شويه ايام من اللي كنت انا ومراتي لوحدنا بس مع اني معتش الأيام دي كما ينبغي بسبب مشاكل بيت العيله بس علي الأقل مكنش بيبقي دوشه كده

ده لسه مراتي بتسالني الساعه كام بقولها 11 لقيت الكبير بيقولي هيييييييييييييييه عشان منمش :))

**mohamedlancerv** · 22-04-2012 12:29 AM

ههههههههههههههههههههههههه هههههههههههههههههههههه

ربنا يخليهم لك

أنا لسه عازب ونفسى أتجوز

قلنا خبرات حضرتك فى الموضوع ده عشان الواحد يعمل حسابه من دلوقتى

**elsheikh2010** · 22-04-2012 12:37 AM

الحمد لله لست أنا هذا الرجل .... خليك حمش معاهم يا جدع ههههههههههههههههههههههههه هههههه

**shaddadfalcon1** · 22-04-2012 01:04 AM

ياجدعان الواد بضربه عشان يتخممد وينام بيبصلي ويضحك ويتقلب علي الأرض من الضحك فبلاقي نفسي بضحك انا كمان

مراتي بتمسك الصغير تكدره ابص الاقيه بيعمل حركه ببقه وجسمه كانه بيزعقلها او بيشخط فيها وبصراحه مش بقدر امسك نفسي لما بشوفه كده بس انا خلاص والله نفسي اعيش شويه في هدوء وفي نفس الوقت ميبقوش بعاد عني

لو مش غلط نت حطيت منوم ليهم عشان يتهدو وينامو

اول مره اشوف عيل بصحي من الساعه 8 الصبح ومش بينام ولا دقيقه لحد الساعه 1 بالليل

مره فضلت انيم فيه اكتر من ساعتين واقف علي رجلي بلف بيه في الشقه ولما نام واتاكدت انه نام دخلت حطيته علي السرير واتسحبت راجعا الي الكميبوتر ببص لقيت حاجه بتخبط في رجلي والاقيه واقف جنبي

**Ahmed A Rahman** · 22-04-2012 01:24 AM

نعم

عايز ايه ؟؟؟

بتقلب المواجع ليه ؟؟؟؟

كلهم كده

الاخت الصغيرة بتنام على الساعة 2 صباحا

البيه الصغير بينام على الساعة 5 صباحا

اللي في بالك ده خلص خلاص من اول ما سمعت اول وأوأه

انت ساعات تحس انهم عارفين اللي في دماغك وممشيين معاك العند وبتخيلهم بيضحكوا ضحكة انتصار لما بيلاقوني سلمت و داخل انام

لو لقيت حد ياخدهم نبقى نبيعهم جملة

**shaddadfalcon1** · 22-04-2012 01:44 AM

المشاركة الأصلية كتبت بواسطة ahmed a rahman

اللي في بالك ده خلص خلاص من اول ما سمعت اول وأوأه

انت ساعات تحس انهم عارفين اللي في دماغك وممشيين معاك العند وبتخيلهم بيضحكوا ضحكة انتصار لما بيلاقوني سلمت و داخل انام

مانا مرضيتش اقول كده
والله العظيم لما يبقي في دماغي اقولهم قومو نامو الاقي الواد يبصي بجنب عينه ويقولي عايزني انام ليه ؟
والصغير ايام كتيير قوي الاقيه نايم من الساعه 9 بالليل وميصحاش غير الصبخ ولما تبقي كده الاقيه ينام دقيقه ويصحي ساعتين ننيم فيه

حاجه في منتهي الرخامه

الواحد كان ينام زي البقره وهو صغير مش عارف العيال دي طالعه لمين

انا اوقات والله مشاكل كتيير بنحصل مع زوجتي بسبب الموضوع ده ببقي عايز اقولهم روحو كلكم مع السلامه واشوفلي حاجه ليا لوحدي
عيال تجيب الهم

**فادى محمد** · 22-04-2012 02:05 AM

في اختراع اسمه (اليريد) ده دوا حساسيه الاطفال بتاخده علشان حساسيه الجلد من فاكهه الصيف الدوا ده بينيم تمااااام قوي ومالوش اي اعراض جانبيه بس مش علطول يعني مره كده في الاسبوع وخلاص علشان صحتك انت برده انت بتقول بتشتغل 12 ساعه في اليوم .
انا حاليا 2 من اولادي ناموا ولسه الصغيره سنه وشهر واقفه جنبي زي قرد قطع لغايه ماتطمن اني نمت وتنام علطول..

**dr.hazem** · 22-04-2012 02:07 AM

الله يبشركو بالخيييييييييييييييييييير

اتاري الموضوع كده بقى...
طب مش كنتو تقولو قبل ما نتدبس؟؟!!!

الله يسامح اللي كان السبب

ههههههههههههههههه
قلبتو عليا المواجع ياجدعان