عايز اعرف احسن مكان ممكن اركب فيه وحدة رفع للزجاج مع العلم ان عندى ريموت و انذار

**muslem** · 10-06-2008 08:52 PM

كنت عايز اعرف فين ممكن اركب وحدة رفع للزجاج علشان لما اقفل بالريموت الزجاج يقفل معاه خصوصا ان عندى عيال صغيرة بتلخم فى غلق الزجاج و العيال تفضل تفتح الباب علشان تنزل و العربيات بقي طبعا انتم عارفيين
الواد ابني عنده اربع سنين بس والله كان حيتخبط امبارح و ربنا ستر و الحمد لله
المهم انا عندى العربية بانذار جاي فيها و سنتر و بيقفل بس الباب من غير زجاج و مش بيفتح الشنطة
عايز على الاقل اخليه يقفل الزجاج بالريموت و مش عارف تمنه ولة بيتعمل فين ولة ايه احسن حاجة و هل من الممكن انى اخلي الشنطة تفتح ولة دى مشكلة عويسة؟؟
و جزاكم الله خيرا مقدما ربنا يبارك فيكم
قبل ما انسي انا ساكن فى القاهرة

**muslem** · 10-06-2008 08:56 PM

معلش سؤال كمان هى وحدة الرفع دي بتشيل حاجة من العربية ولة هى بتتزود علي الماكنة اللى فى العربية للزجاج؟
يعني علشان ابقي بس عارف و ميخدش حاجة من العربية و انا مش واخد بالى
و الحكاية دي بتأثر على الضمان ولة لا؟؟

**mokelanos** · 10-06-2008 09:07 PM

أنا قرأت ان ناس كتير بتشكر فى هشام لهيطه
وهو موجود فى شارع زكى التوفيقيه

**NaderNabil** · 10-06-2008 09:08 PM

يا باشا لو حضرتك عملت بحث في المنتدي هتلاقي طلبك و زيادة كمان

عموما التوفيقية فيها كل طلباتك..
.سعر وحدة الرفع ب 35 جنيه و التركيب 15 جنيه
بتتوصل بزراير الزجاج اللي في باب السواق
لو عندك 4 زجاج كهرباء بتركب وحدتين أو فيه وحدة بتتباع بتشيل ال 4 زجاج

ده اللي أقدر افيدك بيه...و من فضللك اعمل بحث زي ما قلتلك هتلاقي كل الاجابات

**muslem** · 10-06-2008 09:14 PM

يا باشا لو حضرتك عملت بحث في المنتدي هتلاقي طلبك و زيادة كمان

انا عارف بس المشكلة فى المسميات مش عارفها كويس و ممكن اتوه فيها علشان كده قلت اعمل موضوع علشان اتفهم انا اقصد اية و الحمد لله انت فهمتنى خصوصا انى كنت فاكر انها حتتكلف 350 جنية مش متوصلش لخمسين جنية حتى؟!

أنا قرأت ان ناس كتير بتشكر فى هشام لهيطه
وهو موجود فى شارع زكى التوفيقيه

جزاك الله خيرا على المعلومة القيمة بارك الله فيك

**mohamed ibiza** · 10-06-2008 09:47 PM

التوفيقية فيها كلللللللللللللللل حاجة و تفاصل معاهم كمان التجار هناك اكتر من الهم علي القلب هههه

**kshahin** · 11-06-2008 09:52 AM

خلى بالك لانى طلبت تركيبهم فى التوكيل ورفض وقال لى لو ركبتهم العربية تخرج من ضمان الكهرباء

**muslem** · 11-06-2008 02:29 PM

خلى بالك لانى طلبت تركيبهم فى التوكيل ورفض وقال لى لو ركبتهم العربية تخرج من ضمان الكهرباء

ايوة دي اهم حاجة الضمان مع ان فى واحد فىالتوكيل اللى بيسوق العربيات هناك هو اللى قال لى ركب وحدة الرفع دى و انا اصلا مكنتش اعرف اسمها بس كنت بشوف ناس تقفل بالريموت الزجاج يقفل مع الباب
و راح قايل لى الرقم الفلكى اللى هو الوحدة ب160 جنية

التوفيقية فيها كلللللللللللللللل حاجة و تفاصل معاهم كمان التجار هناك اكتر من الهم علي القلب هههه

والله الراجل نصحنى بالتوفيقية بس انا روحت شارع دمشق و ركبت فرش و دوسات حروح التوفيقية المرةالجاية اذا رضي التوكيل انى اركب وحدةالرفع دي و حركب فيميه سراب فى الزجاج الخلفي علشان الشمس والعيال