الموضوع: عشان تعرفوا البنات في مصر بيتعرضوا لإيه و مستحملين ايه

المشاركة الأصلية كتبت بواسطة donzi

مع احترامي ليك بس كلامك مش صحيح

لان حتى المنتقبة و اللي لابسة عباية و طرحة كبيرة و مش حاطة اي مساحيق تجميل و لبسها محتشم جدا برضو بتتعرض لنفس المواقف زيها زي اللي لابسة عرين و اللي لابسة محزق و ملزق

( ده بيحصل بس بنسبه قليله ) و بيتم نتيجه الجهل عند بعض الطبقات

ثانيا التحرش دا موجود حتى في ارقى الامكان في مصر و اللي المفروض ان اللي موجودين فيها من ارقى المستويات ماديا و فكريا و ثقافيا زي النادي الاهلي و نادي الصيد و الكافيهات الغالية جدا و الهاااااااي جدا في مصر بيحصل فيها كلها نفس الكلام و من ناس شيك جدا لكن للاسف من برة هالله هالله و جوة يعلم الله زي ما بيقولوا

انا مبشوفش الكلام اللى انتى بتقولى عليه ده نهائى فى الاماكن النضيفه
ممكن ايام اعياد و الناس هايصه و زحمه و كله عمال يستهبل
لكن تعالى كده فى يوم عادى و انزلى مثلا سيتى ستارز او اى مكان غيره و يبقى مول زيه
ساعتها تقدرى تحكمى اذا كان فى تحرش ولا لاء



ثالثا كون البنت لابسة كزا كزا او كزا مايديش الحق لحد انه يحاسبها و يقول ما دام هي لابسة كزا يبقى تستاهل اللي يجرالها !!!!!! اي مبدأ و اي منطق دا ؟؟ في حاجة اسمها حرية شخصية حتى لو اللي قدامي بيعمل اللي مش عاجبني فا دا مايدنيش الحق ان احاسبوا لأ و كمان احكم عليه بانه يستاهل كزا كزا

انا هرد على كلامك هنا بس تقبلى كلامى بصدر رحب ياريت
انا كنت شفت صوره على الفيس بوك بتقول ( لو الفيزوون حريه شخصيه يبقى التحرش واجب وطنى )
هرجع اقولك الرك على اللى فى البيت اللى خلاها تنزل كده


ثالثا لو في بنات بتلبس لبس مستفز - من وجهة نظر الراجل - فا ليه الراجل يغلط هوا كمان بالتبعية و ينحط للدرجة دي اخلاقيا ؟؟ ليه مايبقش هوا محترم و مايبصلهاش و مايعبرهاش ؟؟ و لا حتى ياريتوا كان يكتفي بالنظر بس و يحط لسانه جوا بقوا و مايسمعهاش اقبح الافاظ بالطريقة البشعة

ملوش حكم عليها اصلا و الرك على القفا اللى فى البيت


ربعا هل الراجل المتحرش دا فاكر ان هوا لما يسمع البنت اللي لابسو لبس مش على مزاجوا دي يبقى هوا كدا عمل خدمة لله و للوطن و البنت دي كدا هاتراجع نفسها بقى و تحتشم من هنا و رايح على اساس ان هوا كدا اللي اخلاقه عالية و بيربي البنات ؟؟!! طبعا لأ

لان الهداية بتيجي من ربنا اولا و اخيرا

معاكى فى الحته دى
بس انا مش برمى كل كلامى على البنت المتحرش بها لاء و على الراجل المتحرش الناقص عقل و دين و اللى فاكر نفسه انه لما يعمل كده هيبقى قضى غرضه بلعكس
هو كده بعد ما تمشى البنت دى هيشوف واحده تانيه يتحرش بيها و الى اخره
ربنا يسترها فى الايام اللى جايه

الموضوع دة جالي عالفيس من 3 ايام تقريبا
فكرت اعمل نفس الموضوع
بس رجعت في كلامي قلت الكل بيدخل عالفيس واكيد الكل قراه وشافه
بس طبعا انا مش هاقدر اعلق عليه
غير انه في بعض الاحيان بيبى المسئولية مشتركة
وفي بعض الاحيان بتبقى الضحية منتقبة ولابسة خيمة ومش باين منها غير سواد ورغم كدة مش بتسلم من الاذى