صدق المثل اللي قال ولاد الحرام ماسبوش لولاد الحلال حاجة
على كدا انا اتخلص من العباية ولا اعمل ايه بالظبط ؟؟
و نرجع برضو نقول مش من حق اي حد انه يحكم او يحاسب اي شخص تاني بناء على مجهة نظره الشخصية
كما تدين تدان
لو كل واحد متحرش فكر ان ممكن اخته او مراته حبيبته (وهو المفروض راجل شهم وغيور) او بنته اللطيفة المؤدبة او امه (ست الحبايب)
ممكن يحصلها كدة بسببه
لكان ضرب نفسه بالجزم قبل ما يجروء علي انتهاك المحارم
كان في قصة حابب اقولكم عليها سمعتها قبل كدة
مرة واحد جواهرجي او صايغ يعني
كانت عنده زبونة ويبدو انها كانت حلوة
كانت بتشتري انسيال او غويشة - المهم انها حاجة بتتلبس في الأيد
وهو بيقيسها او بيلبسها - عفوا - مسك ايدها وتحسسها
لما روح بيته في نفس اليوم
لقي مراته - الضحية
قاعدة ومتضايقة
قالها مالك
قالتله النهاردة بياع اللبن
وهو بيديلي اللبن
مسك ايدي وتحسسها
سبحان الديان
وكما قال سيدنا علي
ان الزنا دين ان اقرضته - كان الوفاء من اهل بيتك
ربنا يعافينا ويعفو عنا
والله المستعان
،
،
بصراحة عندك حق
الشباب والرجالة وخاصة كبار السن بقم حاجة فى قمة القرف
غير انهم مرميين على النواصى و الشوارع مستنيين واحدة بس تعدى
بأمانة عالم زبالة وفكل حتة وياما اتخانقت بسبب وقفة النواصى دى وكنت انا اللى بتهزق و اتخانق
عالم زبالة وشعب عايز رباية من اول وجديد
منة لله اللى خلانا كدة ربنا يجحمة ويحرقة بحق ال60 ولا ال30 سنة اللى ربى فيها غنم وحيوانات تاكل فى بعضيها
يا فندم احنا مش بنقول تستاهل تتعاكس و و تستاهل اللى يحصلها ... بس هى بلبسها ده بتحط نفسها فى موضع الشبهات ... و بتدى انطباع خاطئ للى قدامها بانها سهله .. و قد تستجيب للمعاكسات ...
زيها زى اللى بيسيب باب عربيته مفتوح و باب شقه مفتوح و بيسهل المهمه للحرامى اللى عاوز يسرق او ينهب ... لا احنا بنقاضى و لا بنستبق الاحكام و لكن ... المظهر عادتا ينم عن الجوهر فالفتاة المحتشمه عادتا يكون الاحتشام ظاهرا من ملابسها قبل سلوكياتها .....
و بعدين انهى موضه اللى تبيح للست اظهار مفاتنها .. هذا لا يجوز شرعا ....
قد يكون الموضوع زاد شوية اليومين دول .. و لكن للاحوط ان كل بنت تحط فى دماغها ان لبسها ده ممكن يعرضها لمشاكل كتيرة و تخلى بالها ....
عارفة ان شرطه السياحه ... بتحدر السياح الاناث من ارتداء اللبس المثير فى الشوارع و عند التجول الحر ... تجنبا لتلك المشاكل ...
و الواجب الا تضع البنت حريتها محل ضمير و تقدير الرجال .. فمنهم من يتقى الله و منهم من لا يحمل ذرة ايمان .... حفظ الله اعراض كل النساء
+1111111111111111111111111111
بصي حضرتك لكل فعل رد فعل
اي واحد مش لابسه محترم هتتعاكس و هيتم التحرش بيها
هي دي الخلاصه و طبعا الفعل ده خطأ من جانب الرجال
و مش مبرر للتحرش بس بقول اللي بيحصل
الله ينور يا حاج احمد
اللبس المحزق مش مبرر للتحرش و المعاكسات بس ده رد فعل لفعل
و بعدين يا ريت حضرتك متجمعيش و تقولي امهاتنا قولي بعض الامهات
الموضوعيه بليز
و الله الواحد بقي بيخاف ينزل الشارع ههههههههههههههههه لحسن تحصل حاجات مش حلوه فيه
احنا اختلافنا او اجتمعنا على راى
المهم عاوزين حل للمشكله دى
معاك يا استاذ حسام بس تفسر بايه ان دا مكنش بيحصل زمان لما كانت الموضة كلها قصير و عريان و مكنش في محجبات الا قلة قليلة ؟؟
يبقى السبب هوا لبس البنات برضو ؟ طيب و تفسر بايه التحرش بالملتزمات بالزي الشرعي و المنتقبات كمان ؟ دول ايه المبرر للتحرش بيهم ؟؟
ملحوظة : مش واخدة على حضرتك و انت بتتكلم جد خالص حاسة اني بتكلم مع شخص تاني :w6266d
المجتمعات زمان غير دلوقتي ... زمان مكانش عندهم المشاكل الاجتماعيه اللي بنعانيهه دلوقتي تلاقي الولد والبنت متجوزين وعندهم 18 سنه والجنيه كان قد كف ابو الهول تجيب بيه احتياجات الشهر ويتبقا منهه والمواصلات جميله والبلد فاضيه والناس طيبه أما دلوقتي ....
العنوسه كلت الشباب وقلة الادب والمسخره وتبصي للطفل اللي عنده خمس سنين كإنه شاب عنده عشرين سنه والبت المفعوصه اللي في اعداي تلاقيهه مصاحبه وكاته من المدرسه واخر وجاهه
يا أستاذه صدقيني والله ده انحلال اخلاقي من البعد عن الدين والاب والام أس البلاوي ديه كلهه والمجتمع ساعد على كده وبصراحه من كتر ما الاعلام طبطب على المرأه توحشت وأصبح لها كل شئ وليس عليها أي شئ سواء ظالمه او مظلومه والبركه في ماما سوسو