الموضوع: طريقة الإمساك بمقود السيارة

المشاركة الأصلية كتبت بواسطة crayvor

طريقة امساكي للدركسيون هيا بايدي الشمال فقط وايدي اليمين مريحة ع الفتيس وضهر الكرسي راجع ورا شوية..

أما الأسباب:
1- مابقدرش أقعد علي كرسي مائل 90 درجة ودي طبيعة جسمي يعني ماقدرش أقعد علي الكراسي الخشب بتاعة القهوة أو بالميت باميل أنا عليها..
طبعا ناس كتير بتعتبر مجرد القعدة دي اني شاب سيس..
2- ايدي اليمين كنت عامل فيها عملية عشان طارة ماكينة فتحت ايدي لغاية العضم من بين الكف ومفصل الذراع فا مقدرش أجهدها..

الحمد لله بعد سنة أو أكتر سواقة عمري ما عملت حادثة أو حتي "خدش" بالعربية مع الاعتراف اني كنت باغرز أو أشد ف أحيان كتير واللي ناوي أبطله ان شاء الله..

النقطة اللي باوضحها هنا ان مش عشان حبة ناس اجتمعت ان الطريقة كذا هي المثلي للسواقة يبقي مافيش غيرها أو أي حد بيسوق بطريقة تانية يبقي زي ما حضرتك وصفته..

وملحوظة تانية ان فيه ناس "بترضع صوابعها" و "بتشوف دقنها طلعت ولا لأ" تعتبر أحسن وأنضف بكتير من غيرهم وع الأقل حتلاقي 99% منهم ملتزمين بآداب المرور..

ملحوظة أخيرة.. أنا من الناس اللي "بترضع صوابعها" وكمان لابس سلسلة فضة عليها آية الكرسي.. ومش شايف اني بعمل حاجة غلط تؤذي نفسي أو غيري بأي شكل من الأشكال..

ومن الآخر أنا شايف ان مايصحش الاستهزاء بالناس لمجرد ان شكلهم مش علي هوي ناس تانية.

كلام ذي الفل وانتا صح