-
هاند بريييييييك.
السلام عليكم ,
امبارح مشيت كتير بالعربية والهاند بريك مرفوعة , اللي مستغربة أن العربية كانت ماشية عادي , هي بس كانت تقيلة شوية , كنت عايز أعرف ايه التأثير الضار على العربية اني أمشي مسافة طويلة و أنا رافع الهاند؟ وهل الموضوع يستاهل زيارة ميكانيكي للاطمئنان؟ علما بأني مشميتش ريحة غريبة .شكرا جزيلا و زادكم الله علما.:)
-
خير ان شاء الله، اكثر الاضرار هتكون تأكل التيل.
بس بعد كدة خلي بالك لانك على المدى الطويل هتأثر
على الموتور بحمل غير ضروري.
-
شكرا على الرد يا باشا , يعن أنت شايف أروح لميكانيكي يبصلي على موضوع التيل ده ولا أستنى الصيانة الجاية لأن العربية لسة في الضمان؟
-
الشكر لله يا اخي.
انت لو في الضمان يبقى متخليش ميكانيكي يمد ايدة
في العربية عليك وعلى التوكيل لو قلقان.
عموماً وقف العربية على منزل وشد الهاند بريك لو
العربية ثبتت في مكانها يبقى متقلقش التيل لسة
شغال ومفيش داعي للقلق.
-
نصيحتى ليك انك تروح لحد يفك الطنابير (الطبلتين) اللى ورا و ينضف الرايش اللى وقع علشان ما ياكلش باقى التيل و يبوظ الطنابير و اهوه برضه تطمن
-
بس يا باشا للحكم الجازم فك الطنابير وبنضف وبص بعينك
وكحل مؤقت - شد الفرامل لأول تكة وحاول تزق العربية لو متزقتش يبقى تمام لو أتزقت خد التكة التانية وهكدذ لو بعد التكة التالتة أو الرابعة على حسب عدد التكات عندك 6 أو 8 يبقى شكرا وروح بص على التيل فى إى حتى بسرعة حتى لو التوكيل لأن أنا شخصيا الفرامل الخلفية بعتبرها مهم جدا فى ا لطوارى لا قدر الله ول أسمح بأى خلل فى وظيفتها
Content Relevant URLs by
vBSEO 3.6.0 PL2