أنا جبت جنوط 16 للاوبترا, بس خايف تأثر على العفشه؟
عرض للطباعة
أنا جبت جنوط 16 للاوبترا, بس خايف تأثر على العفشه؟
مادام جبت خلاص يبقى مبروك عليك
مركب مقاس كاوتش كام ؟
مبروك
قولنا بقه اخبرهم ايه
وشكرا
شكرا لكل المحترمين الي ردوا عليا
الكاوتش الجديد مقاسه 502/50/16r (ده كويس؟) أنا عموما حاسس بثبات للعربيه أفضل كتير من الأول خصوصا انى بسافر شرم الشيخ كتير
بالنسبه لليليات (السوست السبور) منين و بكام؟
مبروك
الف الف مبروك بس فعلا انسب مقاس ليها
205/45 16
لان المقاسات الطبيعية
195/55/15
فلما تحب تزود والمقاس يبقي مظبوط بالظبط هيبقي زى منا قولت فوق
وف النهاية الف مبروك عليك وعقبال العفشة الاسبور ومتقلقش مفيش تأثير علي العفشة الا لو كنت بتحمل حاجات كتير وبتمشي ف مطبات صعبة غير كدا الدنيا هتبقي معاك زى الفل
وربنا يسترلك طريقك
انت كدا بالمقاس دا نظريا عليت العربيه 8 مللى , والعداد هايقرا 3 كيلو اقل وانت على سرعة 100
المقاس الصح 205/45 زى ماقال عجلان بس الكاوتش رفيع اوى والعربيه هاتوطى تقريبا 2 مللى , ال 205/50 اللى انت ركبته احسن للعفشه
وانا شخصيا افضل المقاس اللى بينهم , 215/45 , دا لو هاركب 16
مبروك مره تانيه
ان شاء الله خير
بس المفروض كان يبقي 45 مش 60
والله اعلم
في عندك كزا نوع
1- FK الماني (أحمر (لون السوسته))
2- Koni هولندي (أزرق)
3- Maxspeed وده تقريبا تايلندي (أحمر)
وسعر ال 4 سوست لكل واحد فيهم متقارب ياعني ال FK ال 4 سوست ب 1250 حنيه و ال Koni تقريبا زيهم وال MAXSPEED ققل تقريبا ب 950 او 1100
اناعندي مركب 2 سوست امامي FK و 2 سوست خلفي KONI وهتقولي ليه كده علشان السوست لازم تكون راكبه على طبق المساعد وتكون مزبوطه لأن لو الياي او سوسته اكبر من الطبق هيهرب السوسته من المساعد