A620بععد استخدامها باربعة شهور

**m_elkhishin** · 16-09-2008 06:21 AM

يمكن بيحط ليها زيت حار

دي مجرد دعابة مع كامل الاحترام للأخ

**iBiZa** · 16-09-2008 01:46 PM

انا قلت ابحث شوية قبل ما اقعد افتى عشان محدش يحرجنى

الMobil1 حسب الدراسات لو مبينقصش يقعد جوة الموتور لحد 10000 ميل (16000 كيلو) من غير ما الخواص بتاعتة بتتغير, يعنى شغال من غير مشاكل.

السطرين دول ملخص دراسة عملتها شركة Ford عن Mobil1 جوة المواتير بتاعتها:

Engine wear actually decreases as oil ages. This has also been substantiated in testing conducted by Ford Motor Co. and ConocoPhillips, and reported in SAE Technical Paper 2003-01-3119. What this means is that compulsive oil changers are actually causing more engine wear than the people who let their engine's oil get some age on it

عموما اللى عايز يفهم الموضوع اكتر و بالتفصيل, دية افضل دراسة لقيتها على الInternet للموضوع دة و قام بيها مجموعة من الميكانيكية بعد ما كانوا بيسحبوا عينات كل 1000 ميل و يودوها المعامل تتحلل (يعنى مش كلام نظرى و خلاص).

http://neptune.spacebears.com/cars/stories/mobil1.html

**Adham** · 16-09-2008 03:39 PM

المشاركة الأصلية كتبت بواسطة medhat333

ياجماعة اسمحو لى بهذة المشاركة حيث ان لى اربعة شهور استخدم السيارة a620 , تحفة فنية بمعنى الكلمة وراحة تامة بس انا حقول لكم عن السبب هو انى اشتريت دماغى من مراكز الخدمة حيث انها لاتفيد الا فى الضروريات اما غيار الزيت والتربيط مش محتاج اعملة مشوار مخصوص اما عن حالة السيارة فهى اكثر من ممتازة بمعنى الكلمة والحمد لله لاتوجد شكوى حتى الان مع العلم انى بسافر باستمرار واحب ان اذكر انة هام جدا للمحافظة على الماتور هو تغير بحد اقصى 2000 كم وان كان موبيل 1 :)

استعمال 4 شهور مش كفاية للحكم على عربية

الموضوع دة من شهر يونيو الماضي
اعتقد لو انك دلوقتي وبعد 3 شهور تانيين تقييمك للعربية حايختلف

و بعدين بتختلف حسب انت كنت راكب اية قبلها
يعني لو نازل من تويوتا او هوندا او بي ام او اي عربية اوروبية او يابانية اكيد حاتحس انك "نزلت" من العربية

لكن لو كنت راكب 128 او ريجاتا او بولونيز او سكودا او ...... يبقى حاتحس انك "طلعت" من عربية لعريبة احسن بكتير قوي

و تغيير الزيت "المعدني" كل 2000 كيلو دة رائع و يحافظ على موتور السيارة طبعا
انا كنت باعمل كدة في عربيتي الهوندا الاكورد, باغير زيت سوبر كل 1800 كيلو تقريبا

لكن الزيت التخليقي يقعد 8000 كيلو بالمستريح قوي و تبقى صاين العربية و مدلعها قوي كمان, شركة موبيل بتقولك الزيت التخليقي يقعد 10000 كيلو بدون اي مشكلة

**ahmedsiyam** · 17-09-2008 11:40 AM

و تغيير الزيت "المعدني" كل 2000 كيلو دة رائع و يحافظ على موتور السيارة طبعا

لكن الزيت التخليقي يقعد 8000 كيلو بالمستريح قوي و تبقى صاين العربية و مدلعها قوي كمان, شركة موبيل بتقولك الزيت التخليقي يقعد 10000 كيلو بدون اي مشكلة

كلام الاخ ادهم مظبوط 100%

والزيوت التخليقية بتبتدى تاخد الخواص الطبيعية بتاعتها بعد 3000 كليو متر يعنى احلى اداء للزيوت التخليقية بعد عدد من الكيلومترات لا باس به انما قبل كده بترمى فلوسك فى الارض
والله اعلم